Sustatu

Makina bat lagunek jardungo dute afizioz gaijartzaile lanetan. Profesionalak ere badaude, eta egiten duten lana denon eskura jartzera animatzen direnak ere bai. Badago corpus bat gai pila batekin, gaiak nola eman, zenbat behar diren saio baten... Badago nondik tira egin eta zer ikasi Unai Elizasuren blogean.

Munduko webgune handienetakoa da MySpace. Lagun eta kontaktu-sareen gainean eraikitako webgune horietako bat da, musikaren mundura lerratu da gehienbat. Eta izugarrizko arrakasta du horretan. Euskal Herriko ia musika gazte guztia bertan dago. NewsCorp konpainiaren jabetza da MySpace, Rupert Murdoch nagusi eta Jose Maria Aznar kontseilari duen enpresarena.

Java SPI erabiliz, java lengoaiaren hedatzea egin dut, Euskara hizkuntza antzeman dezan. (Euskarazko locale parametroak ezartzen ditu instalazioan pakete honek; euskarazko data formatuak eta abar).

Aurtengo Komunikaldietan "Etorkizuneko komunikatzaileak" izango da aztergaia HUHEZIn. Fakultateak erakutsi nahi die komunikatzaile berriei zelan dagoen lan merkatua komunikazioaren esparruan. Horretarako, enplegatzaileak etorriko dira, eta azalduko dute, besteak beste, zer ezaugarri eskatzen dizkieten gaur egungo komunikatzaileei. Eguneraketa: irakurle baten iruzkinaren ondotik, HUHEZIk konfirmatu digu martxoaren 5ean dela jardunaldi hau.

Egile-eskubideen gaia pil-pilean dago, eta ugariak dira horri buruzko adierazpenak. Baina, horiek guztiak ulertzeko, behar-beharrezkoa da gutxieneko informazioa edukitzea. Hori dela-eta Euskal Idazleen Elkarteak egile-eskubideen gaineko mintegia antolatu du Udako Euskal Unibertsitatearekin elkarlanean; hilaren 29an izango da, ostiralarekin, 16:00etatik 20:00etara, UEUren Eibarreko egoitzan, Markeskoa Jauregian. Elena Laka abokatuak hitzaldia eskainiko du.

Duela bost urte bezala, euskal internauten sarea ez da geldi egon. Orduan blog pertsonal bakanen bat egongo zen euskaraz, eta Sustatu, non mezu olde handia hasi zen itxierarekin. Atzo, blogosfera askoz osatuago batek erakutsi zuen elkartasuna Euskaldunon Egunkariaren kasuan auzipetuekin.

Al Gore-ren "Egia desegoki bat" filma ez da euskal ikastoletara ailegatzen euskaraz ez dagoelako. Aldi berean gobernuak filma euskaratzeko biderik irekitzen ez duen bitartean, boluntarioek euskarara itzultzen hasiak dira.

UKBERRI.NET Uribe Kosta eta Erandioko agerkari digitalaren berririk garrantzitsuenak dagoeneko eskuragarri daude zure sakeleko telefonoan. Twitter webgunearen teknologia erabiliz eta Mikel Iturbe blogari getxoztarrak emandako laguntzari esker, urrats erraz batzuk direla medio eskualdean gertatzen diren berri nagusiak momentuan eta euskaraz jaso ahal izango dituzu inora konektatu gabe, zure telefonora helduko diren SMS mezuen bitartez.

Orain bi urte Artelekuko Mediatekak abian jarritako irakurketa taldeei jarraipena emateko asmoz bi arte ziklo antolatu dira aurtengorako. Lehena, martxoaren 6an hasi eta apirilaren 10ean amaituko da eta Xabier Gantzarainek zuzenduko du.

Webgune batek dituen bisitak neurtzeko dauden sistema desberdinen inguruko errepaso bat egin du Garikoitz Araolazak bere blogean. Sustaturen talde teknikokoa da Araolaza, eta estatistika sistema horien artean bat du aipagarri bereziki, Quantcast, non Sustatu.com bera gehitu dugun.

Egunkariaren Aldeko elkarteak eskatu du datorren asteazkenean, otsailak 20, Euskaldunon Egunkaria itxi zuteneko 5. urteurrena betetzen denean, webgune euskaldunetan elkartasun ekintza egin dezagun, pantaila-irudi jakin bat txertatuta. Hori errazteko modu bat bideratuko dugu Sustatun, eskaera honekin bat eginez.

Soziolinguistika Klusterrak bere 1. jardunaldia antolatu du: "Geroa bermatzeko, oraina ezagutu". Jardunaldia otsailaren 29an izango da. Izen emateko aukera otsailaren 22 bitartean dago.

Berrogeitik gora ikus-entzunezko proposamenek osatzen dute ZINEMASTEAko ekitaldi gazte eta parte-hartzaileena. Mende laurdena betetzear egonik, euskal zinema berrienari zuzendutako astea, zinemazaleen paradisua dena, inoiz baino gazteago aurkezten da KREA Expresión Contemporánearen eskutik, zeina Caja Vital Kutxaren Gizarte Ekintzak bultzatutako kultura garaikidearen inguruko proiektua den.

Udako Euskal Unibertsitateak (UEU) Unibertsitatea.net atariaren zerbitzu berriak aurkeztu ditu gaur Donostian. Unibertsitatea.net atariaren helburua komunitate unibertsitario euskaldunarentzat erreferentziala izango den gunea sortzea da. Bertan irakasleek, ikasleek, ikertzaileek, gurasoek eta abarrek hainbat zerbitzu dituzte doan: ikasketa bilatzailea, ikerketarako tresnak, apunte eta materialen txokoa, albisteak, blogak...

Mikro-ospea fenomeno nahiko berria da Web 2.0 hedabideetan, eta hor pertsona bat izan daiteke izugarri ezaguna, ez milioika lagunen artean, Madonna izan daitekeen bezala, baizik eta talde txiki batean —milaka lagun edo dozena batzuen artean. Blog bat baldin baduzu, edo kontu bat Flickr-en, litekeena da hainbat jendek zuri jarraipena egitea, eta zutaz jakitea zuk uste baino gehiago.

Asmoz Fundazioak, bosgarren urtez jarraian, Linguanet antolatu du, lan munduko euskara planen inguruko ikastaroa alegia.

Egunkariaren kontrako prozesua estutzen doan honetan, euskalgintzako hainbat lagunek agerraldia egin dute gaur Bilboko hotel batean. Akusazioaren paperetan, Egunkaria baino gehiago, euskalgintzako hainbat erakunde aipatzen direla jakinarazi dute. Lehengoan, langile ohiei deitu ziguten, eta han ere eman zitzaigun datu kezkagarririk; prozesuan eta defentsan gastatu beharko den dirutza, adibidez. 300.000 euro inguruko kalkulua egin dute Egunkariaren Alde elkartekoek.

Donostiako Kultura Garaikidearen Nazioarteko Zentroak iragarri du aurrerantzean proiektuaren izendapen ofiziala Tabakalera izango dela. Horixe izango da bere irudi korporatiboan erabiliko duen izena. Irudi hori diseinatzeko prozesua abian jarri da diseinatzaileei zuzendutako deialdiarekin.

Buruntzaldeko udalok, gure herrietako dendetako hizkuntza paisaia eta ohiturak aldatzeko ahaleginaren barruan, fruta-denda eta okindegietako egitasmoak jarri ditugu abian

Euskararen Gizarte Erakundeen Kontseiluak argi du euskararen normalizazioan aurrera egiteko herrietan hizkuntza-politika eraginkorrak behar direla. Hori dela eta, 2007an udalen hizkuntza-politikaren neurketaren emaitzak gizarteratu zituen. Orain webgune berritu batean bildu dira ekarpen horiek.