Sustatu

Gipuzkoako Foru Aldundiak 2.884.520 euro xedatu ditu 2008an euskararen erabilera soziala hedatzeko proiektu eta egitasmoen alde. Euskara Zuzendaritza Nagusiak kudeatuko dituen diru laguntzen deialdia Gipuzkoako Aldizkari Ofizialean argitaratu da gaur.

EIEren 25. urteurrenaren karietara, Piarres Xarriton eta Jose Luis Alvarez Enparantza "Txillardegi" omenduko ditu Plateruena Kafe Antzokian datorren larunbatean, martxoak 15. Castillo Suarezek Mugarri estaliak ikuskizuna eskainiko du sarrera irekia izango duen ekitaldian, Elkartegian.

11itzulpen Euskal Herrian gehien erabiltzen diren lau hizkuntzekin (euskara, gaztelera, frantsesa eta ingelesa) lan egiten duen lehenengo itzulpen zerbitzu profesional guztiz birtuala da. Bere zerbitzuak bakarrik www.11itzulpen.com webaren bidez eskaintzen ditu. 11itzulpen Euskal Herrian 2007aren bukaeran martxan jarritako ekimena da eta itzulpengintzaren munduko profesional talde zabal bat biltzen du.

Juan Empecinado izeneko batek, TVE eta NO-DO-ko ehunka bideo jarri ditu YouTuben, frankismoak euskara eta euskal kultura babesten lan haundia egin zuela erakusteko asmoarekin, besteak beste. Tira bada.

El Periodic de Catalunya egunkariak modua aurkitu du Espainiako hauteskunde legeen bitxikerien gainetik inkestak argitaratzen jarraitzeko. Gaztelaniazko edo katalanezko edizioak izateaz gain, Andorran ere badute beste egunkari bat, El Periodic de Andorra, eta hura estatu burujabea denez, haren webgunean argitaratzen ari dira inkestak. Eta hauteskunde egunean ere estimazioak argitaratuko omen dituzte bozketa gertatu ahala.

Mondragon Unibertsitateko HUHEZI fakultateak Huhezinema izeneko fikziozko laburmetrai eta dokumental jaialdia antolatu du. Jaialdia maiatzaren 6tik 9ra izango da.

Euskal Herria eta euskara, herri eta hizkuntza zapalduak. Bere buruaren jabe izan nahi, geure buruaren jabe izan nahi, baina etengabe zapalduak. Euskal Herriak eta euskarak salbuespen-egoera bizi dute. Belaunaldiz belaunaldi euskaldunon hizkuntza-eskubideak sistematikoki urratuak izan dira; bizitza sozialaren eremu guztietan ez dira euskaldunon hizkuntza-eskubideak bermatu; euskarari garapen osoa izateko aukera ukatu zaio; euskararen lurraldea zatikatua izan da.

Goiz zen singlea plazaratu berri du Sorkun abeslariak. Badakizue urrutiko basamortuetara joan dira kantuak grabatzera. Etxera itzulitakoan, gogo biziz etorri ere, zentsura topatu dute eGaztea irrati publikoan.

Interneteko datu analitika munduan atzoko albistea da. Hemendik aurrera (hala erabakiz gero) zure datuak besteenekin konparatu ditzakezu Google Analytics-en.

Etorkizuneko komunikatzaileen ezaugarriak landu ziren atzo Mondragon Unibertsitateko Huhezi fakultateko Komunikaldiak 08 jardunaldietan. Ikus-entzunezko Komunikazioa ikasten ari diren ikasleei, aurten kaleratuko baita lehen promozioa karrera horretan, aholkuak eman zizkieten bertaratuek.

Elurnet eta UEUk elkarlanean aurten Internet eta teknologia berrien inguruko euskarazko ikastaroak prestatu dituzte. Gai berriak eta interesgarriak eta egitura berritzaileago, trinkoago batean: Informazio uholdea kudeatzen ikasi; eta WWW berri baten lehen urratsak.

Ebete aholkularitza zerbitzu bat da, enpresa berri bat: Euskararen erabilera sustatzeko baliabideak eta tresnak, hori da beren lema. Hitzaldi eta ikastaroak ematen dituzte. Iñaki Eizmendi eta Julio Ibarra kazetari ezaguna dira bi sustatzaileak. Ibarrak, bereziki, kontu bat azaldu ohi du hitzaldi hauetan: inguru erdaldunean bizi den gurasoa izanik, zelan eragin seme-alaben hizkuntza ohituretan?

Bertsozale Elkarteak bertsozale eta profesionalen eskura jartzen duen Internet bidezko telebista da Bertsoplaza.tv webgune berria.

Asteburu honetan erabakita gelditu dira Arabako Bertsolari Txapelketako finalerdiak. Martxoaren 9an eta 16n jokatuko dira horiek, 12 bertsolarirekin.

Soziolinguistika Klusterrak Geroa bermatzeko, oraina ezagutu jardunaldia antolatu zuen otsailaren 29an, UPV-EHUko Donostiako Filosofia eta Hezkuntza Zientzien Fakultatean. Bere helburuak 2007ko proiektuetatik bildutako emaitza nagusiak plazaratzea eta soziolinguistikaren arloan erreferentziazko diren hainbat adituren hitzaldiak ematea izan ziren. Iturria: Gipuzkoaeuskara.net, CC baimenarekin.

Ingurune adimendunei buruzko lan batek irabazi du XIV. CAF-Elhuyar dibulgazio-sarien lehenengo saria. Artikuluaren egilea Aitor Urbieta Artetxe debarra da, eta 1.200 € jaso ditu. Bestalde, Javier Navarro Los Arcos iruindarrak eskuratu du dibulgazio-liburua idazteko 5.000 euroko saria "Fisika eta metafisika" izeneko proiektuarengatik

UZEI Terminologia eta Lexikografia Zentroak informatikari baten lanpostua eskaintzen du.

Duela hogei bat urte, gaeliko hutsean egindako egunkari bat, Lá Nua izenekoa, sortu zuten Ipar Irlandan. Jendeak bere poltsikotik jarritako diruarekin egindako egunkari honek ezinbestekoa du diru-laguntza publikoa. Ipar Irlandako administrazioak, baina, diru-laguntza murriztea erabaki du eta egunkari hau martxoaren hasieran itxi beharko dute. Elkartasuna adierazteko edota txanpon batzuekin laguntzeko honako helbide honetan daukagu aukera: Lá Nua

UEUk, Ikastetxe Nagusiko eskaintzaren barruan, "Hizkuntzalaritza eta teknologia berriak" alorreko bi ikastaro antolatu ditu Eibarren. Bata, itzulpegintza automatikoaren nondik norakoak. Bestea, hizkuntza teknologiak ikasleen testuak aztertzeko.

Lekeitioko Zine eta Bideo Bilera orain artean jaialdiaren ardura eduki duen taldeko kide batzuen laguntzagaz antolatuko dute.