Londresko King's College unibertsitateko ikertzaileek egin duten azterketa baten arabera, krisi geopolitiko eta belikoen simulazioetan jarritako adimen artifizialek (AA) eraso nuklearra gomendatzen dute azkenean kasuen %95ean. Emaitza komentatzeko filma ezagunak ekarri dituzte batzuek gogora,Terminator saileko Skynet sistema (gizakien kontrako eraso nuklearra agindu zuena armen kontrola eman zitzaionean), eta WarGames-ekoa (1983), non halako adimen artifizial batek jolasean bezala ia eraso nuklear masibo bat agintzen duen. Azkenengo horrek memoria pixkat freskatu dit, nola Professor Falken hark programatu zuen jolas hura, "Gerra Termonuklear Globala", erabili izan nuen duela 20 urte analogia bat egiteko teknologiaren erabileraz eta euskaraz... Argitu dezadan: Oso zentzu desberdinarekin orain kontuak duen jite ilunarekin. Esplikazioa jarraian.

Abelburuak eta etxaldeko beste animaliak app bidez saltzeko Vacapop zerbitzua itxi egin dute, martxoaren 1ean utzi zion funtzionatzeari. Wallapop sal-erosketa kolektiboko ereduaren aldaera bat zen bere funtzionamenduam, eta baita inspirazioa izenean, bistakoa denez. Zerbaitek huts egin du azkenean, baina ez zen txantxetako kontua, Sustatuko editoretzan ezagutzen dugu pertsona bat asto bat erosi zuena Vacapop bitartez.

2022tik ari da Udako Euskal Unibertsitatea Barredromoa antolatzen, eta 5. edizioa, 2026koa, bihar izango da, martxoak 11 asteazkenarekin, Eibarren. Kasu honetan Eibarko Klub Deportiboaren barruan antolatu dute, Eibarko KORRIKA kulturalaren baitan. Ekitaldam bost ikertzaile gazteek (tartean bi eibartarrek) beraien ikerketa modu laburrean eta umoretsuan aurkeztu beharko dute. Bakarkako edo monologoak zientziara aplikatuta.

Argia aldizkariak ikerketa egin du demostratuz talde euskarafobo antolatuak daudela herri-administrazioko lan deialdi zehatzetan euskara eskatzen denean, haiek saboteatzeko. Errekurtsoak ezartzen dituzten pertsonak daude, ez lanpostuetara aurkezten direnak, baizik eta zuzenean sabotajea egiteko asmoarekin. Sabotatzaileen foro pribatuetako mezuekin frogatu du hau Argiak.

2025ean Tagzania joko eta aplikazioa martxan jarri genuenean, bertsio egonkor batekin abenduan, jokoan publizitatea sartzeko aukera hartu genuen CodeSyntax-en. Uste dugu ausart jokatu genuela, unibertso txiki batean (euskaldunenean) iragarkien agerpenak atzera egin diezaiokeelako erabiltzaile askori, baina iraunkortasun bide bat eskaintzeko app-ari, probatu behar genuela erabaki genuen. Orain, beste urrats ausart bat, bere txikian aitzindaria euskarazko aplikazioen eta jokoen mundutxoan, publizitate hori kentzeko Premium aukera eskaintzea. Ordainketa txiki baten truke, iragarkirik ez.

Euskal Hedabideen Behategia bere urtekaria kaleratu du aste honetan, 2025 urteari dagokiona. Zenbait artikulu eta analisiz gain, 2025eko euskal hedabideen Interneteko trafiko gorakadaren berri ematen du.

Mendi eta landa ibilaldiak egitea gustoko dutenentzat, bide horien kartografia eta informazioa GPSarekin eta mugikorrarekin lotuta izatea inportantea da. Akaso horretarako tresna ezagunena Wikiloc da, baina beste baten propaganda egitera gatoz. Waymarked Trails, bestea baino hobea delakoan: Euskal Herrian (eta atzerrian) natur inguruneetan ibilbideak egiteko informazio iturri onena.

_GANDIK.EUS proiektuak zilarrezko AEBRAND saria jaso du, Gizarte-inpaktua kategorian. Sariak Burutü branding agentziak, PuntuEusentzat eta Eusko Jaurlaritzarentzat, garatutako marka lana aintzatesten du. _GANDIK.EUS proiektuan identitate kolaboratiboa, euskarazko storytelling berritzailea eta gazteen eta tokiko merkataritzaren digitalizazioaren arteko loturan duen eragina nabarmendu ditu epaimahaiak.

Euskal Herriko kultura-ekitaldiak leku bakarrean biltzeko agenda gisa jaio den prouiektua da Zer.eus . Kontzertuak, antzerkiak, erakusketak... automatikoki bildu, eta beraien berri emailean jasotzeko sistema.

Elhuyarrek eta Euskaltzaindiak bost urterako lankidetza-hitzarmena sinatu dute. Bi erakundeok bakarka egiten duten lanen osagarritasuna, elkarrekikotasuna eta sinergiak ehuntzea dira lankidetzaren ardatz nagusiak. Gogoratu behar da Euskaltzaindiaren Osoko Bilkurak Elhuyar Akademiaren elkarte atxikia izatea onetsi zuela 2025eko uztailaren 18an.

2026ko Iranen aurkako Ameriketako Estatu Batuen eta Israelen erasoak asteburuan gertatuko zirela pronostikatu zuten baten batzuek (sei apostu edo sei kontu) 1.2 milioi dolar irabazi berri dute, Iranen inguruan gerra piztearekin batera. Urtarril hasieran, beste apustuzale batek 400.000 dolar irabazi zituen, kontu bat sortu, apostua egin eta hura kobratuta, apenas 3 eguneko tartean. Gauza hauek Interneten gertatzen dira, modako apustu-etxean (nolabait esateko), Polymarket izeneko munstro teknologiko batean.

Datorren martxoaren 11n Nortasuna Sarean jardunaldiaren 11. edizioa antolatu du TaPuntu Kooperatibak Donostian. Aurtengorako gaia: “Zer berri? Egungo komunikazio era(k)”. Nola aldatu da komunikazioa azken urteetan? Zein bilakaera izan dute hedabide tradizionalek? Nola eragin du komunikazio agentzien lan egiteko moduan? Eta komunikazio estrategietan?

Joan den ostegun goizaldean, erabiltzaile batek adimen artifizialeko tresna bati buruzko artikulua kargatu zuen Sustatun argitaratzeko. Erabiltzaile ez-balioztatu eta baieztatuen kasuan bezala, moderazio zerrendan geratu zen artikulua, argitaratu gabe. Edukia euskaraz txukun idatzia, tresna jakin bat sustatzekoa zirudien, baina estekak pixkat susmagarriak ere bai eta testuan bideo sorkuntza aipatzen zen arren, irudi sorkuntza zen gehitutako irudi atxikian aipatzen zena. Dena AAA batek, adimen artifizialeko agente batek, egina dela uste dugu, erabiltzaile batekin erregistroa egin zuen, eta jatorrizko auskalo ze hizkuntzatako edukia itzulita, horixe argitaratzen saiatu. Hauxe da datorrena, argitalpen plataforma kolaboratiboetan AA agenteek sortutako slop, spam eta auskalo ze scam (iruzur) datorkigun.

Energia garbien generazio, kontsumo eta banaketarako sortu diren kontsumitzaile-kooperatiba batzuk CS-Energia deitu dugun garapena erabiltzen ari dira 2025etik. CodeSyntax-ek sortu duen tresna hau, kudeaketa plataforma bat eta mugikorretarako aplikazio sorta bat dira aldi berean.