Chivite Nafarroa Garaiko lehendakaria da, eta ez ditu errespetatu Mendigorriko familiak, ez du errespetatu Arartekoaren erakundea, eta ez du errespetatu bere bazkideekin sinatutako programa-akordioa (Geroa Baiko Maria Solanak salatu zuen, Mendigorriko auzi hau zela-eta). Orain, Idoia Mendia kanpainan ari da EAEko lehendakari izateko. Baliorik ba al du PSOEren hitzak?

Aste honetan jarri dira modan bat-batean. Twitterreko norberaren zirkulua marrazten duen aplikazioa. Geuk ere egin dugu aproba geure kontuarekin, eta horra emaitza.

2013an antolatu zuen UEUk Matematikari Euskaldunen I. Topaketa. Honezkero bidea egina du jarduerak, eta deialdia luzatu zen aurten 4. edizioa martxoan egiteko (Matetop IV). Orduan ezin izan zen egin, pandemiaren hastapenarekin bat egin zuelakodatak, baina orain UEUren idako ikastaroekin bat egin dator, eta datorren uztailaren 10ean egingo da Eibarren, UEUren egoitzan, Markeskoa jauregian.

Donostiako pertsona talde batek "Mugikortasun berriaren alde" manifestua zabaldu du. Donostia Bizikletaren aldeko Hirien Sareko kide den arren, eta Sare horrek "oinezko eta bizikletarien mugikortasuna hobetzeko neurri irmoak eskatu" arren pandemiaren aroan, eta hiri asko neurriak hartzen ari diren arren, Donostian huts, azaleko mugimenduak bakarrik. "Eusko Jaurlaritzak 2019an klima-larrialdi egoera aitortu zuenetik ere, gure hiriak ez du mugikortasun jasangarriaren mesedeko erabaki garrantzitsurik hartu", salatzen du agiriak. Jarraian, testu osoa.

Egunean Behin jokoaren laugarren denboraldia amaitzear da... Lehenbizikoan ez ezik, hurrengoetan finala egon zenez, orain ere prestatu dugu bat, baina zuzeneko ikus-entzunezko saioaren bidetik joko dugu oraingoan ere. Lau zuzeneko egin ditugu azken hilabetean, eta antzekoa izango da hurrengo asteazkeneko final hori, uztailaren 8an, 21.30etan. Sari mamitsuekin hornitutako finala, bide batez,

Urmuga mendizale eta musikari euskaldunen ekimen bitxia da, 19 eguneko zeharkaldi bat, zeinean musika tartekatuko den: mendiko kontzertuak, herrietakoak... Uztailaren 14tik abuztuaren 1era., Euskal Herriko bi isurialdeak (Kantaurikoa eta Mediterraniokoa) banatzen dituen mendi mugatik egingo da ibilaldia, Angulo portutik mendebaldetik, Hiru Erregeen Mahairaino.

Koronabirusaren krisiak jota utzi duen langile talde bat ikus-entzunezko eta ekitaldietako teknikariena da. Teknikariok izeneko plataforman elkarturik, bihar, uztailak 2, Bilboko Eusko Jaurlaritzaren egoitzaren aurrean 11etan Bilbon egingo duten elkarretaratzean parte hartzera gonbidatzen dute jendea, beltzez jantzita eta ofizioko lan tresnekin ahal bada (flikiak, motxilak, kaskoak...). "Alarma egoeran jarraitzen dugu", diote teknikariek.

Joan den astean iragarritako WikiBizi Euskal Herria ekimenaren barruan, Euskarazko Wikipediak hiru argazki lehiaketa jarri ditu martxan aurtengo udan: WikiBizi Ondarea, WikiBizi Kultura eta WikiBizi Natura. Gaurdanik irailaren 30a arte karga litezke argazkiak hiru gai horien inguruan.

Osasungoa Euskalduntzeko Erakundeak (OEE) jakinarazi digunez, Osagaiz osasun-zientzien aldizkariak zenbaki berria argitaratu du, hementxe duzu ikusgai. Ale honen editoriala Felipe Aizpurua zenari eskainia da, egindako ekarpen garrantzitsuenen omenez.

Euskara bigarren hizkuntza gisa ikasi dutenak milaka dira. Hizkuntzaren zailtasunaren mitoak hautsita behar luke aspaldi, noski. Hala ere, pertsona batzuek denbora gutxian euskara zelako normaltasun eta naturaltasunarekin menderatu dezaketen harritzekoa zaigu askori. Yasmine Khris Maansri marseilarrak, urtebete euskaraz ikasten jardun ondoren, gauza izan da publikoki medioetan euskaldun agertzeko, eta baita olerkiak idazten ausartzeko. Halako beste kasu bat dugu Dylan Inglis ingelesa, eta bere esperientziaz pixkat gehiago jakingo dugu Egunean Behin zuzeneko partida eginez, uztailaren 1ean, asteazkenean, 21.30etan Youtube bitartez eta aplikazioa eskutan. Egunean Behin izan dadila pizgarri bat euskara ikasten dutenentzat ere: ez dago Yasmine edo Dylan bezalako fenomenoak izan beharrik ere: euskara praktikatzea da joko honetan jokatzea, pittin bat aurreratzen eta saiatzen laguntzen badu aplikazioak, gu pozik.

Londresko zinefilo eta ikus-entzunezko sortzailea da Jamie Benning eta dokumental berezi-bereziak egiten ditu tarteka: Filmumentary deitzen die berak, dokumentalaren eta film orijinalaren nahasketa bat. Bilduma mugatu bat da, Steven Spielberg-en eta George Lucasen klasikorik klasikoenak bere baitan hartzen dituen 5 filmumentary.

Koronabirusaren garaiko ilustrazio-liburu bat, eta zortzui film labur. Ekoizpen horiek lagunduko ditu, besteak beste, Eusko Jaurlaritzako Kultura eta Hizkuntza Politika Sailak, kulturari laguntzeko sustapen plan berri batekin.  2,6 milioi euroko laguntza sorta bat jarri du abian kultura-sektorea laguntzeko, alarma-egoera eta osasun-larrialdiaren ondorioak direla eta: gehiena sozietatea duten autonomentzat edo ETEentzat da, baina ildo berezi batzuetan ekoizpen berriak ere sustatuko dira.

Euskal Herrian Euskarazek “ASKI DA! EUSKARA ERDIGUNERA” aldarria zabalduko du hurrengo asteetan garatuko duen kanpainaren bitartez, "koronabirusaren krisiak agerian utzi baitu euskararen egoera zaurgarria". Jarraian, manifestu horren testua.

Donostiako Udalak, Euskal Herriko Antzerkizale Elkartearen laguntzaz, Poltsiko Antzerkiaren alorrean euskarazko sorkuntzak bultzatzeko XI. proiektu deialdia jarri da martxan. Helburua da obren estreinaldia egitea Donostiako Poltsiko Antzerkia Jaialdiaren datorren urteko programazioan (2021ko otsaila-martxoa). Deialdian aukeratutako bi antzezlanetako bakoitzak 4 emanaldi egingo ditu Donostiako hainbat tabernatan.

Koronabirusaren pandemian ikasi dugun terminologian R zero edo R₀ delako zenbakia da kontzeptu inportante bat, oinarrizko birsorkuntza tasa (ingelesezko Reproduction > R). Gaitz batek kutsatzeko eta zabaltzeko duen gaitasuna da, zeina, Covid-19aren kasuan, oraindik zehatz neurtu barik dagoen 1.4 eta 5.7 artekoa dela kalkulatu da). Kontua da beste faktore berezi bat ere gertatzen dela gaixotasun honekin: birsorkuntza tasa oso "modu desorekatuan banatua" dago. Birusa duten gehienek, sintomatiko ala asintomatiko, ez dute jende askorik kutsatzen, baina gutxi batzuk super-kutsakorak dira: baliteke transmisioen %80a eramaileen %10ak sortu izana. K hedatze parametroa esaten zaio honi.