• Emakume eta Neska Zientzialarien Nazioarteko Egunerako, “Otsailaren 11 erakusleihoak” ekimena jarri du martxan seigarrenez Elhuyarrek.
• Aurten, Nafarroako erakusleihoak gehitu dira ekimenera, eta saltokien kopuruak gora egin du nabarmen.
• Otsailaren 2tik 11ra bitartean, emakume ikertzaileen irudiak ikusgai egongo dira herri hauetako hainbat saltokitan: Altsasu, Aretxabaleta, Arrasate, Barakaldo, Baztan, Bilbo, Burlata, Durango, Elgoibar, Erandio, Galdakao, Iruñea, Laudio, Legazpia, Mutiloa eta Urduliz.
• Horrez gain, “Zientzia-emakumeak argira” erakusketa egongo da ikusgai herri hauetan: Aretxabaleta, Barakaldo, Baztan, Berriozar, Burlata, Donostia, Eibar, Izarbeibar, Legazpi, Ordizia, Tafalla eta Urduliz.

Gaur, otsailak 2, da Marmotaren Eguna. Punxsutawney-n, Pensilvanian, jakina. Zinetik ezagutzen dugu askok ohitura hau, eta asmakizun amerikar moderno bat dela pentsatzen nuen nik gaur goizera arte. Baina, lagun batek esan dit: Euskal Herrian ere baditu aurrekari edo paraleloak kontu honek. Kandelaria eguneko kontuak...

Aste honetan ireki du RTVEk haurrentzako Clan bere kanalaren webgune berria, non nahieran formatuan ikus daitezkeen haurrentzako edukiak euskarazko azpidatziekin ikus daitezke orain. Ahotsari dagokionez, oraingo aukerak dira gaztelania edo jatorrizkoa, baina José Pablo López RTVEko zuzendariak iragarri du euskarazko audioa (eta galizierazkoa eta katalanezkoa) RTVE Play aplikazioaren bidez ere integratuko direla. Telebista tradizionalean oraindik ez, baina etorriko omen da hori ere, Lópezen arabera. Clan da Espainiako telebista publikoak bere haurrentzako edukien kanala izendatzeko darabilen marka.

Februllage da tarteka hilabete oso baterako proposatzen diren xalentx grafiko / tematiko horietako bat, bihar aktibatuko dena otsail osorako. Febru-llage berba portmanteau horretan otsaila, eta collagea daude, horixe baita koxka: collage grafiko bat egitea argazkiekin, hilabeteko 28 egunetan data bakoitzean hitz bat ilustratzeko erronka gehituta. X10 kale artista euskaldunak proposatu du euskaldunon artean egitea Mastodonen.

Inguma, euskarazko ekoizpen zientifiko eta akademikoaren datubasea, izan da 2026ko Interneteko Argia Saria jaso duen ekiemna, gaur egin den euskal komunikazioaren ospakizun honetan, Argia Sarietan. Udako Euskal Unibertsitatearen (UEU) zerbitzua da Inguma eta azaroan bete zituen 25 urte (orduko ekitaldikoa da argazkia).

Datorren astelehenean, otsailaren 2an, hasiko da Egunean Behin jokoaren denboraldi berria, jokoaren 20. denboraldia, martxoaren 29a bitartean, eta egun horretan amaituko da Korrikarekin batera, denboraldiko sustatzaile eta babesle nagusia 24. Korrika izango baita. Jokoak zazpi urte beteko ditu denboraldi honetan, eta galdera berrikuntza bati ekingo diogu hori ospatzeko. Galdera berrien artean, AEK-k prestatu duen Korrikaren ibilbideko mahai-jokokoak egongo dira.

Datorren astean, otsailaren 5ean, Euskal Herrian Euskarazeko (EHE) lau lagun epaituko dituzte Baionan. Joan den irailaren 27an, lauek “Euskaraz bizi nahi dugu” margotu zuten Pirinio Atlantikoetako departamenduak Baionan duen egoitzan. Hain zuzen ere, euskaltzaleei dei egin diete hortxe bertan elkarretaratzea egiteko bihar larunbatez, urtarrilaren 31n, 12:00etan. " Euskaldun orori bertaratzeko deia egiten dizuegu. Mobiliza eta antola gaitezen ahalik eta jende gehien euskararen alde, justizia justu baten alde", eskatu du EHEk.

Labayru fundazioak Bizkaierazko gramatikaren webgunea irekia du bizkaieraren ezaugarri morfologiko, sintaktiko eta ortotipografikoak batzen dituen baliabidea, mendebaldeko euskalkia hobeto ezagutu eta erabili ahal izateko, eta prestigioa emateko ere bai. 

AEKk martxoan izango den 24. Korrikaren unitate didaktikoak prestatu ditu, Euskal Herriko Ikastolekin elkarlanean. Horien artean Korrikaren mahai-joko bat dago, Ibilbidearen Jolasa, euskaltegietan erabiltzeko prestatua, baina sarean argitaratu dutenez, nahi duenak inprimatu eta berean ere joka dezake.

Ipar Euskal Herriko lizeoetan (bigarren hezkuntzako ikastetxeetan) mugikorren erabilera murriztea onartu zuen atzo Asanblea Nazionalak Parisen. Sare sozialak 15 urtetik beherakoentzat debekatzeko lege-propiosamenaren barruan zegoen mugikorrak debekatzeko neurria, baina emendakina onartu zen debekua ez zedin izan erabatekoa. Renaissance talde macronistak proposatu du neurria eta atzo alde egin zuten horren alde, Asanbleako zentrista, eskuindar eta sozialista gehienek. Frantzia Intsumituak kontra bozkatu zuen, beste pare batek ere, eta sozialista zenbait abstenitu egin ziren. Hemen albistearen kontakizun bat.

EHUko ikasmaterialen sare-argitalpenen webgunea aspaldiko proiektu bat da, baina diseinu berrikuntza eta optimizazioa izan du berriki, CodeSyntax-en eskutik. Proiektuaren izenburuak ez du zehazten, baina euskarazko ikasmaterialak dira proiektuan bildu dituenak EHUk, Euskara eta Hizkuntza Plangintzako errektoreordetzak zuzentzen baitu ekimena.

Udako Euskal Unibertsitateak eta Euskaltzaindiak lankidetza-hitzarmena sinatu dute, ohar batean adierazi dutenez, "euskararen eta euskal kulturaren sorkuntzarako, transmisiorako, sustapenerako, garapenerako eta zabalkunderako". Argazkian UEUko zuzendaria, Aitor Bengoetxea, eta euskaltzainburua, Andres Urrutia.

Beste webgune bat aurkeztu du EITBk: KirolakEITB.eus ataria. Atzo egin zen aurkezpena, eta EITBk berak zabaldutako oharraren arabera, futbola bezalako "diziplina nagusiek ez ezik, hedapen gutxiagokoek euren leihoa izango dute EITBren atari berrian, eta modu berezian zainduko dira emakumezkoen kirolak."

• Zurrunbiloa proiektuak kirolaren esparruan egin du hausnarketa, aditu eta gazteekin.
• Azterketak kirolaren onurak erakutsi ditu, baina baita dinamika kezkagarriak ere, nerabeen aurkako biolentziaren sintomak direnak.
• Kutxa Fundazioaren eta Elgoibarko Udalaren laguntza jaso du proiektuak kirolaren esparrurako egin den hausnarketa honetan.
• Gazteen osasun mentalaren inguruko begirada eraldatzea du helburu Zurrunbiloa proiektuak.

Ainhoa Albisu Larrea 'Berria' egunkariko langilea hil zen atzo Donostian, 58 urterekin, Berriak berak jakinarazi duenez. Euskaldunon Egunkaria sortu zuen lantaldean egon zen Albisu, eta han jardun zuen lanean egunkari hura itxi zuten arte. Egunkariaren auzi ekonomikoan auzipetu zuten gero, 11 urteko estuasuna ekarri zion prozesuan, baina berak Berrian jarraitu zuen lanean.