Teknofiloen albistegia

Deustuko jaietan Bizilabek ere parte hartuko du

2019-03-15 : 13:40

Gazteentzako zientzia-erronka tailerra eta umeentzako txiki-zientzia gunea izango da Deustuko jaietan, Bizilaberen eskutik. Jarduerak martxoaren 21ean izango dira, arratsaldeko 17:00etanDeustuko Botikazahar parkean, ikertzaile errealen zein begiraleen parte hartzearekin.

Publizitatea

Pi eguna da gaur; 3.14 alegia

Sustatu.eus
2019-03-14 : 18:36

Hala da, bai. Pi eguna da gaur. Izan ere, martxoaren 14a da gaur, hainbat hizkuntzatan 3/14 bezala adierazten dena (euskaraz, besteak beste). Hori dela eta, {\displaystyle \pi } zenbakiaren eguna ospatzen dute hainbat zientzilarik. 

6

Martxoak 15: klima-aldaketaren aurkako ikasle greba orokorra Europan

Erabiltzailearen aurpegia
2019-03-14 : 10:09

Bihar ostirala, martxoak 15, klima-aldaketaren kontrako ikasle greba orokorra egingo da Europan. Hego Euskal Herrian, mobilizazio nagusiak bihar bertan izango dira, 12etan, lau hiriburuetan, zehatz-mehatz, Bilboko Arriagan, Gasteizko Bilbo Plazan, Donostiako Bulebarrean eta Iruñeko Udaletxeko Plazan. Ipar Euskal Herrian, berriz, larunbatean, hilak 16, bada deialdi berezi bat Angelun, 10:30ean, Baionako Ibilbidean, zehatz-mehatz, Cadran biribilgunean. Esan gabe doa Eguzkikooi primeran iruditzen zaigula klima-aldaketa eragozteko benetako neurrien alde mobilizatzea.

20. urteurrena ospatu du TEKNOPOLIS saioak

2019-02-21 : 15:57

Duela 20 urte eman zuen Teknopolis saioak bere lehen emanaldia, ETBn. Geroztik, astero izan da Elhuyarrek ekoitzitako saio hau ETBko lehen bi kateetan, helburu jakin batekin: zientzia- eta teknologia-gaiak gerturatzea ikus-entzuleei, modu entretenigarrian, bertako zentroei eta ikertzaileei emanez lehentasuna. Ospakizuna laburtzen duen saioa martxoaren 2an emango da ETB1en, 13.30ean, eta hurrengo egunean ETB2n, ordu berean.

Otsailak 11, Zientziako Emakume eta Nesken Nazioarteko Eguna Ermuan

2019-02-11 : 12:05

Egun berezi hori ospatzeko azoka antolatu du Ermuko Udalak herriko plazan, Elhuyarren laguntzarekin. Emakume zientzialariak, plazara! Zientziaz gozatzeko, eguneroko jardun profesionalean zientzialari eta ikertzaile lanean dabiltzan lau emakumeikertzailerekin saioa antolatu du Ermuko Udalak Elhuyar Fundazioarekin elkarlanean, Lehen Hezkuntzako haurrek esperimentu sinple bezain dibertigarrietan parte hartzeko aukera izan dezaten.

 

Otsailak 11, Zientziako Emakume eta Nesken Nazioarteko eguna Bizilaben

2019-02-11 : 12:02

Bizilabeko gazteek emakume eta neska zientzialarien eguna ospatuko dute gaur, neskek protagonismoa hartuz.

Ikergazte 2019, tesia bukatu berri edo bukatzear dutenentzat

2019-01-30 : 08:52

Zabalik dago IkerGazte 2019 kongresuan parte hartzeko artikuluen deialdia. Adi ibili, artikuluak aurkezteko epea otsailaren 22an amaituko da eta! Tesia bukatzen ari diren edo azken laupabost urteotan amaitu duten horiei zuzenduta dago artikuluen deialdia.

 

Otsailaren 14an amaitzen da Caf-Elhuyar sariketara lanak aurkezteko epea

2019-01-17 : 09:53

Abian dira CAF-Elhuyar sariak. Otsailaren 14ra arte aurkez daitezke lanak. Zientzia eta teknologiaren arloko gaien eta ikerketen euskarazko gizarteratzea aitortzea eta bultzatzea dira sariketaren helburuak. 

Eguzki sisteman aurkitu den objekturik urrunena identifikatu dute

Sustatu.eus
2019-01-01 : 10:18

Urte berri on! Astronomiarekin erlazionatutako albiste batekin irekiko dugu urte berria. Ez nolanahikoa, gainera. Izan ere, astronomo talde batek eguzki-sistemako gorputzik urrunena identifikatu dute, 2018 VG18 izena jaso duen planeta nanoa. Goitizena ere jarri diote gorputzari, farout. Lekutan dagoena, alegia.

Ikergazte2019: artikuluak bidaltzeko epea zabalik dago

2018-12-29 : 11:14

IkerGazteren 3. kongresua Baionan izango da Errobiko Campusean, 2019ko maiatzaren 27tik 29ra. Ikusi aurkezpen-bideoa.

Naima El Bani Altuna: "Twitter kontuari esker Artikoaren zatitxo bat Euskal Herrira eramatea lortu dudala uste dut"

Unibertsitatea.net
2018-12-28 : 09:00

Joan den azaroaren 20an izan zen Txiotesia lehiaketaren 4. edizioa. Euskal ikerlariek euren tesia laburbildu behar dute 6 txiotan. Txiolari ulergarrienaren saria Juanmari Agirreurretak irabazi zuen eta txiolari originalarenarena, berriz, Naima El Bani Altuna geologoak. Unibertsitatea.net atarian elkarrizketa egin diote azken horri, Artiko aldean egiten ari den tesia hizpide.

2018ko zientzia-albiste aipagarrienak

2018-12-24 : 11:05

Zientzia eta teknologia arloak albiste ugari eman ditu aurten ere. Hona hemen Elhuyar  aldizkarian, Norteko Ferrokarrilla irratsaioan eta Teknopolisen emandakoen artean nabarmendutakoak:

'Kosmetiko ekologikoak' tailerra BIZILABEn, 2019ko urtarrilean

2018-12-20 : 12:23

Kosmetika-produktuak egingo dituzu, produktu naturalak erabiliz: hortzetako pasta, xanpua, ezpainetako baltsamoa, ilerako tinteak, gelatinazko xaboia, bainurako xaboi-ponpa eferbeszenteak… Aldi berean, supermerkatuan aurkitzen diren produktuen etiketak ikertuko ditugu, eta horien atzean dagoena ulertzeko tresnak eskuratuko dituzu. Gero, eraman etxera egindako produktuak!

Gabonetako tailerrak Bizilaben: 'Asmakuntza-fabrika' eta 'CSI tailerra: argitu misterioa!'

2018-11-23 : 08:32

Diseinatu eta eraiki asmakuntzak, gailuak, marrazkilari autonomoak, objektu erabilgarri nahiz ez erabilgarriak. Egunero asmakuntza bat. Edo, nahiago baduzu, misteriozko istorio batean oinarritutako tailerra daukazu; pistei jarraituz enigma bat argitu beharko dute parte-hartzaileek, bakterioei eta genetikari lotutako esperimentuak eginez. Zientzia gustuko baduzu, zatoz, bakarrik edo lagunekin!

Aurrekoak ››