Tagzaniako ekarpenen inpaktua Wikipediako ikustaldietan
Uda honetan laneko proiektu interesgarri bat eta pasio pertsonal bat, Tagzania jokoa eta Wikipedia, elkarlotzeko aukera izan dut joko horretako erabiltzaileen argazki ekarpenak Wikimedia Commons biltegi librera lotzeko ekimenarekin. Hori aprobetxatuta, ariketa gehigarri bat egin nuen oporlanetan: Tagzaniako toki-ekarpenetan Wikipedian ilustratu gabeko tokiak bazeuden, irudia gehitu (Wikidata datubasearen bidez). Eta uztail-abuztuko gehikuntza horiek neurtu gero, zenbat ikustaldi izan dituzten Wikipedian. Bada, 5.000 argazkik izan dituzte 370.000 ikustaldi. Dena dela, gehienak argazki bati zor: Emakumezkoen Frantziako Tourra ilustratzeko balio izan duen honi esker 255.000 ikustaldi izan dira, irudia Wikidata elementu honi lotzeari esker lortuak, funtsean.
Wikikasi ikas-egoerak lantzeko aukera ikasgelentzat Durangoko Azokan
Durangoko Azokarako falta da pixkat, baina hasi dira gauzak prestatzen. Aukera polita ondu dute Badalab-ek, Talaios enpresak eta Euskal Wikilarien Kultur Elkarteak bi ikasgelak jolasaren bidez gailu digitalen bizitza-zikloa esploratzeko, Wikikasi ikas-egoerekin jarduteko. Orain izena eman ahal izango da eta ikastetxeetako ikasgelak dira behar direnak.
Xabier Mendiguren Elizegiren aurre-erretiro oparoa
Elkar argitaletxeak jakinarazi du Xabier Mendiguren Elizegi editoreak erreleboa izango duela. Erretiroa hartu gabe oraindik, Mendigurenek (Beasain, 1964) murriztuko du jarduna eta Itzea Urkizu Arsuagak (Orio, 1988) hartuko du editoretza lana. Idazlea ere bada Mendiguren, eta hor ez da erretirorik, aste honetan aurkeztu baitu bere eleberri, kronika edo erreportaia nobelatu berria: Morlans.
Aura da(u)kazu? Erakutsi!
Espainolezko sare sozietaletako inbento edo memea izan da uda honetan "aura farmeatzeko" borrokena. Euskal Herrira ere iritsi omen da, eta larunbatean Donostian hilaren bostean Zuloaga plazan egina dago deialdia, 18:07etan, nahi duenak agertu eta bertan lehiatzeko. Kartela gazteleraz dago, baina bada esaldi bat euskaraz: "Aura dakazu? Erakutsi".
Fagor Herrigintza programaren 2026ko deialdia
Abiatu da Fagor Herrigintza programaren deialdi berri bat. "Euskal Herri hobe bat eraikitzeko lanean ari diren gizarte egitasmoak" lagunduko ditu Fagor Taldeak eta hiru proiektu lagunduko dituzte honako laguntzekin: 60.000 €., 40.000 €. eta 20.000 €.
Techno soinua sortzeko makina birtuala nabigatzailean
Rack‑02 by SSX360 "sormenezko" techno makina bat da, online jo daitekeena. Hau da, Rack-02 berez da termino bat, sistema bat, soinu elektronikoen sorkuntzarako erabiltzen dena, baina kasu honetan honako hau guztiz birtuala da. Konektatu eta eman Run entzuteko eta ulertzeko.
Prezio algoritmiko "dinamikoen" garaian bizi gara jada
Prezio algoritmikoen garaia iritsi da eta "dinamismoa" deitzen diote honi saltzaileek, "prezio dinamikoak" aipatzen dituztelarik. Lehen zantzuak Uber bezalako plataformek eman ziguten, segun nork eskatzen duen eta noiz, auto bidaia egitea desberdin ordaindu daiteke. Baina kontua hedatzen ari da txartel erosketara (eskariaren araberako prezioak) edo hedabide harpidetzetara ere (erabiltzailearen profil ekonomikoaren arabera).
Ontario lakuari Lake America jarri dio Donald Trumpek (eta guk Urederra)
Donald Trump AEBetako presidentearen azken txorakeria eta burutazioa: agindu bat esateko Ontario lakuari izena aldatzen zaiola eta aurrerantzean Lake America izango dela. Estatu Batuen eta Kanada arteko Laku Handietako bat da Ontario, eta gainera izena ematen dio Kanadako probintzia handienari (hiriburua: Toronto). Nola Kanadarekin muga-zergen kontuan eta espantsionismo mehatxuekin haserre dagoen Trump, hortik izena aldaketarena. Mexikoko Golkoarekin egin zuen duela hilabete batzuk, hura ere 'of America' bilakatuta.
Metak murrizketak ezarriko ditu nerabeen erabilpenean bere produktu toxikoetan
Meta erraldoi teknologikoak 11.8 miliar dolar ordainduko ditu nerabeei egindako kalteengatik. Erabilpeneko neurri murriztaileak ere hartuko ditu, eta beste 5.3 miliar gehigarri ere ordainduko ditu baldin eta TikTok-ek eta Youtubek kopuru bera eta neurri bertsuak hartzen badituzte. Epaiketa bidean zegoen Meta (Facebook, Instagram, Threads eta Whatsapp-en jabea), baina neurri hauek ez dira epaiaren ondorioa, aldez aurretiko akordio itundu bategatik baizik.
Iruzurrezko inbertsioen mehatxua goraka doa
Laboral Kutxak abisua zabaldu du, ohartarazteko nabarmen hazi direla inbertsio-produktuetan, batez ere kriptodiruan, interesa duten pertsonei zuzendutako iruzurrak, onlineko inbertsio-plataforma faltsuen bidez gauzatzen direnak.
