Twitcheko eta Segura Irratiko zuzenekoan Euskal Hedabideen Behategiaren Urtekariak erakutsi digun datu bat aztertu dugu, nola euskara hutsezko Interneteko hedabideen trafikoak gora egin duen bere orain arteko maila gorenera iristeko, itsatsi dugun irudiak erakusten duen bezala. Eta bestalde, baliabide interesgarria, Ruralpop (orain arte Vacapop) izan dena, eta Waymarked Trails, ingurune naturaletan ibiltzeko tresna gomendagarria.

Twitcheko eta Segura Irratiko zuzenekoan, ibili gara bisitatzen Argiaren fototeka konpleto, bikain eta berria. Adibidez, irudiak erakusten duen bezala, Segura Irratiko argazki zaharrak aurkitzeko. Beste baliabide euskaldun berri eta interesgarri bat Interneten; zer.eus; agenda kolektibo bat. Eta kontrasterako, deskribatu dugu zer den Polymarket, sarean asmatu zitekeen gauzarik zikinenetako bat.

Twitcheko eta Segura Irratiko zuzenekoan, ordenagailu pantaila zahar eta berriei begiratu diegu. Zaharren aldetik, hardwarea 1970/80 hamarkadetan zein modu bitxian ekoiztu zen. Eta pantaila modernoen aldetik, nola ekintzaile talde batek JSuite interfaze sorta sortu duen: Gmail, Wikipedia edo Amazon bezalako hainbat zerbitzu kopiatu dituzte Jeffrey Epsreinen inguruko informazioa zabaltzen laguntzeko.

Denboraldi ekaiztsua bizi dugu 2026ko negu honetan, eta horren inguruko kontu parea aipatu dugu Twitcheko eta Segura Irratiko aste honetako zuzenekoan: batetik, zein tristea, zenbat lanperna-musu agertu diren hilik gure kostaldean, eta bestetik ekaitz bortitz hauei izena nondik eta nola ematen zaien. Hortik aipatu dugu Aitor izeneko ekaitz bat ere izan zela iaz, euskarazko izena izan duen bakarra orain artea. Gainerakoan, beste batzuen bideoak ere erakutsi ditugu, Seedance AArekin nolako bideo sorkuntzak egiten diren, ilustratzeko erabili dugun Kanye West txinatar horrena bezala.

Twitcheko eta Segura Irratiko aste honetako zuzenekoan, aplikazio praktiko pare interesgarria aipatu ditugu. Batetik, Tolosan inauterietara begira sortu dutena, konpartsa bakoitza non dabilen jakiteko denbora errealen; eta bestea, abuztuaren 12an Euskal Herrian izango den eguzki-eklipse totala aldez aurretik prestatzeko: zein tokitan egon zaitezken egun hartan planifikatzen lagunduko dizu.

Joan den asteko Argia Sariei begiratu azkar bat eman ondoren (Interneteko sariaren 2026ko irabazlea: Inguma) Twitcheko eta Segura Irratiko zuzenekoan aktualitateko beste kontu batziei erreparatu diegu: nola RTVE Play plataforma euskarazko edukiekin hasiko den (lehenbizi azpidatziak, eta gero audioa etorriko omen da), eta bestetik Adimen Artifizialeko "agente autonomoentzako" Moltbook izeneko sare soziala sortu dutela. Horren azpian zer daoen benetan azaldu dugu: Openclaw deritzon garapen bat, agian sonatua bihurtuko dena.

Zenbait gai aste honetako Twitcheko eta Segura Irratiko zuzenekoan. Batetik, datozen asteetan gertakari nagusi izango dugun Korrikak jolasa kaleratu duela, eta bertatik Egunean Behinen integratuko direla. Bestalde, EITBk kaleratu duen aparteko enegarren webgune, zerbitzi edo marka, kasu honetan https.//KirolakEITB.eus . Eta zenbait herrialdetan zeresana ematen duen kontua: sare sozialen debekua nerabeei; kasu honetan Ipar Euskal Herrian nola aplikatu daitekeen.

Twitcheko eta Segura Irratiko zuzenekoan, aste honetan, musika ikus-entzuten aritu gara. Batetik, iazko urte amaieran izan zen albiste bat: MTV telebista kate musikala hil zela, baina badagoela haren urrezko aroa gaur egunean Interneten erreproduzitzeko modua. Bestetik, gaur egunean AA-rekin sortzen den slop-musika: Suno bezalako AA sistemek diote musika egiten "ikasi" egin dutela, baina ikerlariek deskubritu dute "plagiatu" egiten dutela.

Twitcheko eta Segura Irratiko zuzenekoan, pare bat kontu.

• Urte hastearekin batera Hego Euskal Herrian derrigortasun berria dute auto-gidariek: baliza geokokatua erosi behar izan dute, eta autoan eduki behar dute, aktibatzeko matxura edo ezbehar kasuan. Eta hara zer diren gauzak, programatzaile batek webgune bat sortu dut mapan erakusteko non dauden aktibatuta! Baliabide interesgarri bat, sorpresaren bat eman diguna.
• Eta beste sorpresa bat, WhiteDate ligatzeko webgune filonazia agerian eta erridikuluan geratu denean, bertan Euskal Herriko erabiltzaileren bat edo beste azaldu dela. Ez jende gomendagarria, nolabait esatearren.

Twitcheko eta Segura Irratiko zuzenekoan, sareko bi baliabideren inguruan hitz egin dugu. Batetik, Musikariak.eus, Spotify boikotatzea erabaki duten euskal talde eta musikarien musika entzun eta erosteko gunea. Ez da edonolako boikota Spotifyri egindakoa: Israelen politika genozidarekin alineatutako enpresa bat da. Bestalde, Anna's Archive ezagutu dugu, liburu elektroniko doakoak (pixkat piratak, hortaz) lortzeko baliabide bat.

Twitcheko eta Segura Irratiko zuzenekoan webgune berri parea komentatu dugu. Batetik Barrena.eus  jaio dela, Debabarrena eskualdeko euskarazko hedabide berria; eta bestetik Segurola.eus, Iñaki Segurola zenarrn lanen biltegirik. Ogrotariko Euskal Hiztegi bikainari erreparaturik irribarre egin dugu, Segurola oroituz.

Twitcheko eta Segura Irratiko zuzenekoan Tagzania joko-apparen lantzamendua izan dugu komentagai, nola eguneroko jokoa nobedadeekin berritu den, horien artean norberak tokiak / argazkiak gehitzeko aukera. Beste kontu bat, euskarazko Wikipediak 24 urte bete dituela eta munduko lehen postuetan kokatua dagoela zenbait metrikatan.

Twitcheko eta Segura Irratiko zuzenekoan Durangoko Azokaren atal digitalei begira jarri gara: batetik Kabia atala, urtero bezala aurten ere izango dena, baina baita Berbagailua deitu dutena, podkasten atal berria. Horrez gain, disparatezko interfazeekin barre dexente egin dugu, adibidez irudiko hori, erruleta-txanponjale batekin data bat aukeratzeko sustema ezinezkoa.

Twitcheko eta Segura Irratiko zuzenekoan Rikardo Arrregi kazetaritza sarien irabazleei buruz jardun dugu, horietako bat webgune bat (On.eus) izan dela komentatuz bereziki. Bestalde, albiste txar bat online hedabide euskaldunentzat, Uriola.eus, Bilboko euskarazko agerkari digitala, itxi egingo baitute.

Pieza hau grabatu du Ttap agerkarirako Luistxo Fernandez Sustatuko editoreak Louvreko lapurretaren haritik egindako hausnarketa bat, nola dauden han-hemengo museoetan euskal ondarerari lapurtutako piezak. Esate baterako irudiko hori, San Nikasioren taula, Lizarrako eliza batean egon zen 500 urtez, baina aristokrata batek atera eta saldu ziona museo bati, berea balitz bezala.