Twitcheko eta Segura Irratiko zuzenekoan, oporrak hartu aurretik, astean dexenteko zeresana eman duen webgune bat aipatu dugu: Diario Euskadi puntu eus (irakur bat eta bi). Adimen artifizialeko hedabide faltsu bat, non dena den faltsua, irudia, idazkuntza, kazetariak beraiek artifizialak dira... Dena faltsua salbu eta plagioa. Eta disparate horretatik aldentzeko, trikitixa aplikazio batez ere jardun dugu.

Albiste honetarako Antzoki TTS sistema probatu genuen, ahots artifizialak euskaraz "sentipen" eta entonazio dramatikoarekin berregiteko metodoa. Nola zenbait aproba egin genituen, multimedia atalera ekarri dugu haien bilduma, izan ere, ahotsa sintetisirako Segura Irratiarekin egindako emanaldi bateko pasartea erabili da, eta Luistxo Fernandez Sustatuko editorearen eta Anaitze Jauregi Segura Irratiko esatariaren ahotsak dira erabilitiakoak.

Albiste honetan Google Translate eta Geminiko funtzio berria komentatu genuen, nola Google Translate aplikazio mugikorrarekin ahotsezko istantezko itzulpena egin daitekeen. Txinera, alemena eta euskara elkar-ulergarri bihurtzen direla demostratu genuen bideo batzuekin, eta multimedia atalera dakarzkagu gaur.

Kultura eta kirola aipagai Twitcheko eta Segura Irratiko zuzenekoan. Tira, zeharka agian, ze kultura kontua da Fermin Muguruzak protesta egin duela ETS taldeari 300.000 euroko laguntza eman diotelako bira baterako. Eta kirol albistea, tira nonbait Osasuna apostuak egiten aritu dela Kalshi plataforman (Espainian debekatua dagoena!).

Twitcheko eta Segura Irratiko zuzenekoan adimen artifizialeko (AA) euskal garapen berriak mintzagai. Batetik, Erraztu tresna, Tokikom sareko agerkarietan AA bidezko euskara errazagoko testuak irakurtzeko. Bestetik Evaleu, AA ereduen euskal konparatzailea.

Aurreko asteko Twitcheko eta Segura Irratiko zuzeneko honetan slopaganda eta Lego bideo irandarrak komentatu genituen, baina oraingoan euskal slopaganda dugu gaia. Ustezko mezu politikoki super-euskal-zeozerra dirudien bideo bat, Lego figurak tarteko... Slop hutsa, monetizazio asmoz egina seguruenik.

Irango gerraren inguruan gertatzen ari den meme borroka komentatu dugu aste honetako Twitcheko eta Segura Irratiko zuzenekoan. Batzuek slopaganda deitzen diote, slop edo adimen artifizialez sortutako eduki erdipurdikoa baita meme propagandistiko horien materiala. Horrela sortutako memeetan nabarmentzen ari da Iranen hartu duten bide estetikoa: Lego irudien bidezko bideoak. Trump ere saiatu da AA irudiekin memeak egiten, UNO karta-jokoa erabiliz, baina ez zaio jokaldia ondo irten.

Twitcheko eta Segura Irratiko zuzenekoan zenbait gai: Internet Archive zerbitzu funtsezkoak 30 urte bete dituela (bertatik irudi ilustrazioa, Sustatuk zer itxura zuen 2010ean); euskarazko Wikipedia emakumezkoen 30.000 biografia osatzera iritsi dela, eta nola Commons Wikipediako biltegian urteko irudi onenak hautatu dituzten (Gazako argazki latz bat garaile: ezin ditugu begiak itxi).

Twitcheko eta Segura Irratiko zuzenekoan Adimen Artifizialeko (AA) tresnen kontsumoan gertatzen ari diren aldaketa batzuk komentatu ditugu. "Kontsumo" hitza azpimarratuz: elektrizitatea edo ura kontadore bidez kobratzen diguten bezala, "adimena" ere horrela garatuko ote den, kantitatearen araberako harpidetza gisa. Gainera Panoramax errepasatu dugu: Google Street View libre bat.

Euskarazko itzulpengintza automatikoko tresna neuronalak bikainak dira duela urte batzuetatik, baina baliabide berriak ere agertzen dira telnologia zukua ateratzen laguntzen dutenak eta halako pare bat komentatu ditugu Twitcheko eta Segura Irratiko zuzenekoan: Zital hackerraren Itzuli bertsioa, testu luzeetara egokitua; eta nola Latxa AAk itzultzaile zerbitzua daukan orain.

Apirilaren 16an World Plone Day 2026 izan zen. Sustatu egiten dugun CodeSyntax enpresak darabilen software libreko teknologietako bat da Plone, eta azpiegitura honen urteroko ospakizun honetan aurten UdalPlone aurkeztu diogu komunitateari. Azken hilabeteotan idal webguneetan egiten ditugun garapenak paketizatu egin ditugu eta argitaratu ere bai (hemen, GitHuben), edonork erabiltzeko bezala jarrita.

Twitcheko eta Segura Irratiko zuzenekoan Mind Enterprises disco-bikote italiararraren bideoekin eta musikarekin gozatu dugu apur bat, komentatuz nola bilakatu diren meme europar politiko bat. Bestalde, Tagzania joko-aplikazioa sortu eta lau hilabetera jada milioi bat partida jokatu dira eta horrekin estatistikak daude: euskal bazter errazen eta zailenak errepasatzen jardun dugu.

Pieza hau grabatu zuen duela aste batzuk Ttap agerkarirako Luistxo Fernandez Sustatuko editoreak, Beñat Erezumaren metafora bat zela eta: josteko makinak aipatu zituen Erezuma AA adituak Berrian... eta pieza honetan, ez bakarrik josteko makina metaforikoez, benetakoez ere badihardu Sustatuko editoreak.

Twitcheko eta Segura Irratiko zuzenekoan Euskal Hedabideen Behategiaren Urtekariak erakutsi digun datu bat aztertu dugu, nola euskara hutsezko Interneteko hedabideen trafikoak gora egin duen bere orain arteko maila gorenera iristeko, itsatsi dugun irudiak erakusten duen bezala. Eta bestalde, baliabide interesgarria, Ruralpop (orain arte Vacapop) izan dena, eta Waymarked Trails, ingurune naturaletan ibiltzeko tresna gomendagarria.

Twitcheko eta Segura Irratiko zuzenekoan, ibili gara bisitatzen Argiaren fototeka konpleto, bikain eta berria. Adibidez, irudiak erakusten duen bezala, Segura Irratiko argazki zaharrak aurkitzeko. Beste baliabide euskaldun berri eta interesgarri bat Interneten; zer.eus; agenda kolektibo bat. Eta kontrasterako, deskribatu dugu zer den Polymarket, sarean asmatu zitekeen gauzarik zikinenetako bat.