Sustatu

Europako Batzordeak bere itzulpenen korpusa liberatu du. Korpusean milioi bat esaldi aurkitu daitezke 23 hizkuntza ofizialetako 22 hizkuntzetan (irlandera berriki onartu denez zerrendatik at geratu da).

Pasa den hilabetean jarri zuen martxan Kontseiluak "Elkarteetan euskaraz" izeneko kanpaina, izenak adierazten duenez, gure herrietako elkarte eta txokoetan euskararen erabilera sustatzeko asmoz. Ildo honetatik, Helduen Euskalduntzea eta Alfabatetzearekin lotutako gaiak lantzen duen karrajua.org blogean Kontseiluaren egitasmo hau euskara-ikasgeletara eramateko eta bertako jardunarekin uztartzeko ekimen interesgarri bat jarri da martxan.

Urteroko hitzordua dugu Nafarroako Bertsolari Txapelketarena, aurtengoa 37. edizioa da. Otsailaren 8an Leitzan hasi eta martxoaren 15ean amaituko da Elizondon. Osotara, sei saio eta horietan 25 bertsolari Nafarroako txapelaren bila.

ONA, Osasun Nortasun Agiria, , IZENPEren eskutik datorren Osakidetzaren txartel elektroniko berria da. Txartel horren barruan ziurtagiri digital bat txertatu dute, eta jakina, ziurtagiria instalatu ahal izateko IZENPEkoek dokumentazio karpeta bat banatzen dute, instalazioa burutzeko CD laguntzaile batekin datorrena. Hemen hasten da arazoa... Windowserako bakarrik prestatu dute dena.

Lekeitioko Euskal Zinema eta Bideo Bilerak teloia bajatu du 30 urte ta gero, arrazoia laguntza instituzionala. Makroproiektu txoro eta erraldoiak laguntzen diren bitartean hain aberasgarriak diren Lekeitiokoa bezalako zinemaldiak ez dira laguntzen, eta horrek azkenean jendea erretzea dakar.

Euskaldunon Egunkariaren inguruan prestatzen ari diren epaiketen harira, bi mezu jaso ditut azken aldi honetan. Batetik, dei egiten zaigu Egunkariako langile izan ginenoi elkartzeko Martin Ugalde Kultur Parkean, otsailaren 9an, goizeko 11etan. Bestetik, deia zabalagoa egiten zaie gizarte eta euskalgintzako lagunei, otsailaren 12an Bilbon elkartzeko.

Edorta Jimenez eta Gotzon Barandiaran idazle eta EIEko bazkideak ariko dira esatari eta kazetari lanetan. Larunbatetan izango da, 14.00etatik aurrera.

Euskararentzako itzultzaile automatikoa sortzeko lehiaketarako epea aste honetan itxi da, eta lau talde aurkeztu dira beren proposamen teknologikoekin. 400.000 euroko lizitaziorako deialdia kaleratu zuen Eusko Jaurlaritzak urtearen hasieran, eta 2009. urtearen amaierarako Eusko Jaurlaritzaren zerbitzarietan sistema martxan egotea aurreikusten dute lehiaketaren baldintzek.

Ogasun eta Herri Administrazio Saileko Estatistika Organoak eta EUSTATek elkarrekin elkarlanean Udalmap aurkeztu dute. Helburua Udal Informazioko Sistema bat (UIS) eraikitzea da. Gainera Udal Informazioko Sistemaren emaitzak hedatzearen euskarri moduan diharduen GIS (Geografia Informazioko Sistemen) aplikazioa da Udalmap.

Ikasle bakoitzak du bere estiloa eta erritmoa ikasteko orduan, eta bakoitzaren berezitasun horri nola erantzun behar zaion asmatzea da hezkuntzaren arazo nagusietako bat. Eskolako zenbait eduki ariketetan trebatuz eta memorizatuz barneratzekoak dira, eta arlo horietan sortzen da zalantza gehien, hor ikusten baita alde gehien ikasletik ikaslera. Bakoitzaren berezitasun horri irtenbide egokia emateko, ikasleek ariketa batzuei erantzun behar izaten diete edo memoria ariketak egin behar izaten dituzte. Behar honi erantzuna eman nahian, Ikastolen Elkarteak IKASYS Proiektua sortu du.

90garren hamarkadan euskal musika eraberritu zuen 'dut' talde hondarribiarra, atzera bueltarik gabe banandu da. Hala zabaldu dute beraien myspace webgunean agertzen den ohar baten bitartez.

Horrela deitzen da Mitxel Kaltzakorta HUHEZIko irakaslearen azken liburua: Prosa komunikagarriago egiten. Zenbait proposamen (1), eta Udako Euskal Unibertsitateak argitaratu berri du, Hizkuntzalaritza sailean. Liburuaren egileak hainbat proposamen egiten ditu hor euskal prosa arintzeko, komunikagarriago egiteko, eta adibide eta ariketa asko ekarri ditu, erakusteko zelan konpondu esaldien atzerakarga.

Abenduan Jaurlaritzak jakinarazi zion PSE-EEko legebiltzarkide bati, bere txosten baten arabera, garestiago irteten zela software librea erabiltzea. Baina txosten hori publiko egiteari uko egin dio harrezkero Jaurlaritzak, eta orain legebiltzarkide hark eskaera ofiziala egin du, datuak benetan mahai gainean ager daitezen.

Estatu Batuetako historian, otsailaren 14, Valentine day edo San Balentin eguna, Chicagoko gansgterren arteko tiroketa batekin dago lotuta. Ez ahal da halako istilurik izango Ibarretxe Stanford unibertsitatean bi aste barru azaltzen denean! Stanford Unibertsitateak Ibarretxeren hitzaldia babestuko duela gauza segurutzat jo daiteke. Arrillaga eraikinean izango da hitzaldia, eta izen horrek badu pisu pixka bat Stanforden.

Euskal Herriko komunikazio sare berria aurkeztea gustatuko litzaiguke, non posible duzun zure auzo propioa sortzea. EuskalIRCren berrirekitzea dela eta, honetaz arduratzen den taldeak ilusio guztiz sortu dugun proiektu honetan parte hartzera gonbidatzen zaitu.

Atzo Innobasque berrikuntzaren agentzia ofizialki aurkeztu zela-eta, antzeko pentsakizunak euskaraz Azpiren blogean eta gaztelaniaz Julen Iturberenean. Eszenografian zerbaitek ez zuen ondo ematen. Iturberenean, bereziki, Ramon Sanguesaren legea aipatzen dute lagunen batzuek erantzunetan.

Hainbat tokitan dago albistea, eta Dealbook blogean, Microsofteko buru operatiboa den Steve Ballmerren gutuna Yahooko zuzendaritzari. 44.6 miliar dolarreko eskaintza da, Yahook orain duen burtsako kotizazioaren %60 gehiago.

Migrazioak, energiaren erabilpena, baserriko bizitza, Kosmosoc eta bakarrik idazten duen boligrafoa. Gipuzkoan Kultura ekintzailearen balioak sustatzeko Kosmodisea ekimenak ideia horien inguruan egingo du lan.

Lotura bat egiten dugun bakoitzean boto bat ematen ari gara, gero Googlek kontutan izango duena. Baina badakigu nola egin behar diren loturak?

Datorren astelehenean, 4an, Santa Ageda koplak abestuko dituzte Arratia Institutuko gazteek Arratiako herrietan zehar. Baina oraingo honetan berezi-berezia izango da ekitaldi hau zeren 1937an egin zen bezala, kamioi baten gainean igon eta eskualdeko herri guztietatik ibiliko dira diru eskean.