Sustatu

Aurtengoan ere udazkenean etorriko da Literaturia, Euskal Letren Plaza. Zarautzera. Irailaren 24tik 26ra izango da aurtengo edizioa, hileko azken asteburuan. Itzala Hitzaren Bila da 2021eko edizio honen leloa.

Eneko Oroz @ameslaria txiolari eta pentsalari interesgarri bat da, teknologiaren gaineko ikuspegi sozial, enpatiko eta batzuetan heterodoxoa eskaintzen ona. Kasu honetan, "kanal" propioak sortzearen zailtasunak azaldu ditu, eta Twitch ez-gamer baten aldeko aldarria egin: denetariko sorkuntza-kanalak behar dituela euskarak plataforma sozialetan, ez bakarrik nerd, joko-zale edo teknologikoak. Eta ausartu eta gogor apostu egiteko garaia dela uste du.

Olatz Vazquez kazetari eta argazkilari bizkaitarra minbiziaz hil da haur 27 urte zituela. Iaz, Covid pandemiaren larrienean, atzerapenarekin detektatu zioten gaixotasuna, eta urtebeteko borrokaren ondoren hil egin da. Gaixotasunaren prozesua sare sozialetan, argazkiekin eta lehen pertsonan dokumentatu duen lekuko eta kazetari ausart bat izan da Olatz Vazquez.

Irudi sorkuntza algoritmikoarekin jokatuz, Street Fighter V bideokoko borrokalari ikonikoen irudiak moldatu ditu garatzaile batek. Itxura batean Googleren AI edo adimern artifizialeko sistemaren bat erabili du, baina ez du esan zein. Emaitza batzuk onak dira, beste batzuk ez horrenbeste, baina txundigarriak halaber. Agin Laburu bertsolaria ikusteak harritu gaitu!

Telefono mugikorrarekin Google aplikazioa erabiltzen baduzu gauzak bilatzeko, termino jakin batzuk sartuta zenbait jokotara iritsi zaitezke. Google edo telefonoa euskaratuta baduzu, are gehiago: materiala euskaraz aurkituko duzu. Jokoak euskaratuta daude (dragamina, sugearen jokoa, bakar-jokoa...), baina bilaketa erdaraz egin beharra dago, gure aproben arabera.

Gipuzkoako Foru Aldundiak "Egile Sariak" antolatu ditu, sorkuntza artistikoari bideratutakoak. Bost mila euroko 20 Sari emango dira, zenbait arloetan banatuta, eta eskaerak aurkezteko epea irailaren 21ean amaituko da.

Gmail funtsezkoa bada zure komunikazioetan edo lanean, eta ordenagailu aurrean ez bazara jarri abuztuko oporretan, sorpresa txiki bat duzu ordenagailu pantailako Gmail bertsioan: aldaketak egin dituzte abuztuan. Google ez da sekula oso eroso edo trebe suertatu bere "berriketa" eta "interakzio sozialerako" tresnekin, izenak, aplikazioak, integrazioak asmatuz eta eraldatuz urterik urte; eta orain halako beste batekin etorri zaigu. 2021ko aldaketa honekin, hiru produktu erlazionatu ageri zaizkigu Gmail-en integratuta, Chat, Hangouts eta Meet, eta bakoitza nola dabilen azalduko dugu. Ohar inportantea: Google eta Gmail euskaraz erabiliz gero, dena txukun euskaratuta.

Josu Mezo kazetariak nabarmendu duen hari honetan zenbait herrialdetan Covid datuak nola banatzen eta ikusarazten diren azaldu du. Txertaketak Covid kutsaketa eta ospitalizazioetan izan duen eragina nabarmentzen duten grafikoak bereziki interesgarriak eta argigarriak direla agerian geratu da.

Google Tag Manager da Tag management system edo TMS delakoetan erabilienetakoa den tresnetako bat. Analitika zerbitzu aurreratu eta integratu bat bezalakoa da, baina bereziki merkataritza elektronikora zuzendua dago, Google Analytics bere gain hartzeaz gain, beste iturri batzuetako sistemak ere integratzen dituelako (iragarki kudekata sistemak, Facebook-eko edo Googleren beraren Adwords kasu). Tresna honi buruzko ikastaroa izango da euskaraz Donostian irailean, Miramon Enpresa Digitalak antolatuta.

Filmen euskarazko kontsumoaren aldeko zaletu batzuek Azpititulatuak Telegrameko kanala sortu dute, film osoak euskaraz azpidatzita ikusteko aukera eskainiz. Euskal Encodings eta Azpitituluak.eus webguneetako materialari berrerabilpen erraza antolatu dute.

EHUko LAIDA Ikerketa Taldeak, Jon Kortazarrek zuzenduak, Veneziako Ca’Foscari Unibertsitatearen Rassegna Iberistica aldizkari ospetsuan argitaratu berri du egungo euskal emakumezko idazle nagusien lanari buruzko lehen azterlana. Ikerketaren izenburua 'Escrituras vascas de mujer' da eta bost euskal emakumezko idazleren lana deskribatzen du: Katixa Agirre, Eider Rodriguez, Karmele Jaio, Leire Bilbao eta Maixa Zugastirena.

Duela lau urte aipatu genuen Sustatun Flock, Antton Peña aramaioarrak Londresen sortutako start-up-a. Droneen hegaldiak aseguruekin babesteko sistema bat zen Flock nagusiki orduan. Orain, gidaririk gabeko automobilentzako aseguruak egiteko negoziora igaro dira, eta inbertsio gehigarria lortu dute.

Jaso genuen uztailean Kontseiluaren protesta, nola Espainian aurkeztu den Eskubide Digitalen Kartan kasurik ez zaien egin Kontseiluak eta beste erakunde batzuek egindako iruzkinei: hizkuntza gutxituen aldeko eskaerak ziren, eta bat bera ere ez da sartu testuan. Eskubideen Karta eta Kontseiluak aurkeztutako dokumentua lortu ditugu, alderatu, eta Espainiako kartaren murriztasuna agerian geratu zaigu. Herrialde elebakar eta uninazional horretan ez dago hizkuntzarik ez bada espainola, eta beste inorenak ez du merezi aipurik. Horixe da ateratzen dugun ondorioa.

Euskal Herriko herri batzuetan autokarabanak aparkatzeko debeku seinaleak agertu direla-eta, mezu truke interesgarri bat hemen (eta irudia ere bertatik atera dugu). Batetik, trafiko arauetan esistitzen diren seinaleek baliorik ez dutela. Eta bestetik, autokarabanak turismo jasangarria direla defendatzen duen argudio sorta bat.

Ondarroako Udalak eta Elkar argitaletxeak, euskal kultura aberasteko eta idazleen lana bultzatzeko asmoz, Augustin Zubikarai saria antolatzen dugu, nobelak sortzeko beka gisa funtzionatuko duena. Urriaren 31 arte bidali daitezke proiektuak helbide honetara: mrey@ondarroa.eus.

Ikusiker zenbait talderen artean egiten ari diren ikerketa jarraitu interesgarri bat da. Gazteen ikus-entzunezko eta eduki digitalen kontsumoaren jarraopen-inkesta bat da, unean uneko panelak argitaratzen dituena. Azken panela 2021eko uztailekoa da, bereziki interesgarria.

Rikardo Arregi kazetaritza sarietara proposamenak aurkezteko epea irailaren 17ra arte dago zabalik. Aurtengo edizioak leitmotiv nagusi bat da: Martin Ugalde idazle eta kazetaria (Arregiren herri berekoa zen, Andoaingoa) jaio zela 100 urte betetzen baitira. 2021eko RAKS sarien edizio hau historiako 33.a izango da.

Eusko Jaurlaritzak, SPRI erakundearen bidez, Bind 4.0 sustapen prorgramaren seigarren edizioa jarri du martxan aurten. Enpresa handiak ideia berritzailek dituzten start-up txiki edo berriekin lotzea da Bind programaren funtsa.

Patri Urkizu Sarasua (Lezo, 1946) euskalari eta idazlearen lan idatzi guztiak bere izena duen webgunean bildu dituzte: PatriUrkizu.eus / 271 laneko katalogo bat da, eta bertan idazlearen autobiografia ere bada (Autobiografia: besteak eta neroni), eta argitaragabeko lan bilduma bat ere bai: testu propioak batzuk, edo beste idazki batzuen edizio-lanak eta iruzkin gehigarriak. Argazki bilduma bat ere bada.

"Euskara Logikoa Da": lema bitxi bat poltsetan eta kamisetetan ikusiko duzuna akaso aurtengo udatik aurrera. Eta beste esaldi / diseinu batzuekin osa daitekeena aurrerantzean Euskaralogikoada oihalgintzako marka sortu berriaren lehen ikurra baita.