Espainiako eskubide digitalak, herrialde elebakar eta uninazional horretakoak
Jaso genuen uztailean Kontseiluaren protesta, nola Espainian aurkeztu den Eskubide Digitalen Kartan kasurik ez zaien egin Kontseiluak eta beste erakunde batzuek egindako iruzkinei: hizkuntza gutxituen aldeko eskaerak ziren, eta bat bera ere ez da sartu testuan. Eskubideen Karta eta Kontseiluak aurkeztutako dokumentua lortu ditugu, alderatu, eta Espainiako kartaren murriztasuna agerian geratu zaigu. Herrialde elebakar eta uninazional horretan ez dago hizkuntzarik ez bada espainola, eta beste inorenak ez du merezi aipurik. Horixe da ateratzen dugun ondorioa.
Bi dokumentuak partekatu ditugu sarean:
- Espainiako Gobernuaren Karta, 2021eko uztailean aurkeztua.
- Kontseiluaren iruzkin multzoa, 2020ko abenduan bidaliak Gobernura.
Kontseiluaren dokumentuak sarrera elebidun bat dauka, eta harekin bat egiten duten erakundeen aipua: Plataforma per la Llengua Kataluniakoa, A Mesa Pola Normalización Lingüística Galiziakoa eta Obra Cultural Balear.
Ondoren, zazpi iruzkin datoz, batere ez ezer kentzearen aldekoak, gehikuntzak kasu guztietan. Gehikuntza batzuk nazioarteko hizkuntza eskubideen aldeko aldarrikapen eta konpromisoei buruzkoak dira, beste batzuk esaldi solte batzuk testuak dituen eskubide azalpenei gehituak, Espainiako Estatuko hizkuntza aniztasuna aipatzen dutenak.
Bat bera ere ez da sartu testuan. Eskubide digitalen karta espainol honek ez du hizkuntzarik aipatzen, ezta gaztelera ere, ez baitago premiarik: ikuspegi elebakar eta uninazional hutsa da dakarrena.
Hona adibidez Kontseiluak eskatzen zuena berdintasun printzipioaren inguruan:
Behin behineko testuan, hain zentzuzkoa eman zezakeen gehikuntzaren aipurik ez:
Beste alor interesgarri bat, arautze digitaletan funtsezkoa: herritarrek administrazioarekin harremanetan jartzerakoan hizkuntza ofizial bat edo bestea erabiltzeko eskubideaz. Honela formulatu zuen bere gehikuntza Kontseiluak:
Eta honela geratu da Kartan:
Hizkuntzaren aipurik ez, noski. Badaezpada. Ez daitezela interfazeak edo prozedura informatikoak kexatu, euren elebakartasunerako eskubidea herritarrenaren gainetik dagoelako.
Eta dena horrela.
Erantzun
Sartu