Sustatu

Agur, Aio, Gar, Olio, Kasi, Osaba, Pago, Zain, Arin, Zuri, Mami... Txorakeriatan ari naizela pentsatuko duzue, baina ez: horiek denak gizonezkoen izenak dira (ikusi zer esaten duen Euskaltzaindiak). Halako perlak hezur-haragizko pertsonak izendatzeko egokiak baldin badira, zergatik ez da izena izango baita ere @? Labur eta zehatz askoa!

".eu" domeinua martxan jartzeko lanetan ari da Europar Batasuna. Orain egun batzuk Europako Komunitateen Komisioa eta EurID elkartu ziren Luxenburgon. Bertan kontratu bat sinatu zuten .eu TLD aurrera ateratzeko. Gai honen gainean, aipatu behar da hizkuntzen ISO estandarrean, "eu" dela euskararen nazioarteko adierazgarria.

Eneko Astigarragak bere blogean iragarpen txundigarri baten berri eman zigun 2020 urte inguruan, ordenagailuak ez ditugu mahai gainean jarriko, ez digute tokirik kenduko, kanpoan beharrean barruan eramango baititugu, edo eramango gaituzte, burmuinetan itsatsirik, garunekin bat eginik.

Duela astebete inguru OpenOffice.org bulegotikako programaren 1.1.3 bertsioa kaleratu zen. Oraingoan berriz euskarazko bertsioa dute sarean EuskalGNU-koek.

Gustatu zait formatua, gustatu zait diseinua, eta gustatu zait tonua. Hala ere, eskatzekotan, bi gauza eskatuko nizkioke astekari berriari.

"Danbaka" antolatu du Goiena multimedia enpresak Elgetako Espaloia Kafe Antzokiarekin batera. Debagoieneko 43 talde aurkeztu dira lehiaketara eta epaimahaiak 20 aukeratu ditu lehiaketan parte hartzeko. Ostiralean, hilak 22, hasiko dituzte zuzeneko emanaldiak taldeek. Lehiaketako irabazlearentzako saria izango da disko bat grabatzea.

Oxford University Press-ek liburu berri bat argitaratu du. Bertan, gaur egun hain arruntak diren berbak noiz sortu ziren edo noiz hasi ziren erabiltzen aztertu du Susie Dentek. Ingelesezko hitzak dira, jakina, baina asko guk ere erabiltzen ditugu.

Urte hasieran Ernest Lluch-Amarako Kultur Etxeak abian jarri zuen ERAKUSLEIHOA programa. Egitasmoaren helburua da arte adierazpen ezberdinak lotzen dituzten sortzaileek formatu txikiko ikuskizunak jendaurrean ezagutzera ematea hilean behin. Urriaren 21ean hasiko gara Xabier Erkizia beratarrarekin, 19:30etan.

Egitasmoaren gaineko xehetasunak ezagutzeko, Asier Iturriagarekin (Kafe Antzokiko programatzailea) izan gara. Asier Iturriaga: "Era guztietako eta adin guztientzako kultura ekitaldiak antolatuko dira"

"Ezagutzaren gizarteko eskola: Teknologia berriak eta Eskola Elkartea" izeneko jardunaldiak antolatu ditu Gaztelueta Fundazioak, azaroaren 18 eta 19rako. Bilboko Euskalduna jauregian izango dira jardunaldiok. Hiru mailatan egingo dute Ezagutzaren Gizarteko Eskolaren erronkei buruzko hausnarketa: antropologia, gizartea eta teknologia landuko dituzte.

Apirila eta ekainaren bitartean EAEko familietan Informazioaren gizarteari buruzko inkestan lortutako datu batzuk kaleratu ditu EUSTAT-ek. EAEko biztanlegoaren arabera, orokorrean webgune aipatuenak Google eta Correo dira. Webgune euskaldunen artean Aurki eta Berria dira lehenak.

Bihar kaleratuko da MATRAKAren lehen alea BERRIA egunkariarekin. Etzi, berriz, doan banatuko da unibertsitate eta Lanbide Heziketako zentroetan.

Bertso eta Olerkien Hemeroteka aurkeztu dute gaur Donostiako Koldo Mitxelena Kulturunean. Julen Urkizak hasitako lanaren jarraipena da hemeroteka birtual hori. XIX mendetik gaurdainoko egileen, aldizkarien eta bertso edo olerkien fitxak bildu dituzte hemerotekan.

ArtFutura, Animazio Digitalaren Jaialdia, Donostiara eta Iruñeara iritsiko da aurten. ArtFuturak hamabosgarren edizioa du aurten, baina Donostian eta Iruñean egingo den lehenengo aldia izango da. Erakusketak, film proiekzioak eta bideo-jokoak egongo dira, besteak beste.

Cybereuskadi.com-en irakurri dugunez, Gipuzkoako Diputazioko webguneak manipulazioa darabilela salatu du Greenpeacek. Zehazki, webgunean Austriako hiri hondakinen errausketari buruzko Greenpeceren txostenaren eredu desitxuratu bat ezartzea leporatzen dio. Erraustegiak eta osasunaren gaineko txostena da.

Asteburuan hainbat mediotan jaso da albistea. Euskal Autonomi Erkidegoko hainbat denda miatu ditu Ertzaintzak; dokumentazioa eta pirateautako softwaredun CD ugari aurkitu ditu. Orain hilabete batzuk, Eibarko Datac enpresaren aurkako polizia operazioaren berri izan genuen. Informazioa eta albisteak argitaratzeko orduan, bi operazioen arteko hainbat ezberdintasun aurkitu ditugu.

Spam baten bitartez izan dugu Teatrorat.com webgunearen berri; mezuaren muina: "Ez Dok Hiru" bikoteatroak Bernardo Atxagaren "Lezio Berri Bat Ostrukari Buruz" ikuskizuna estreinatuko du. Teatrorat.com webguneak arte ikuskizunen gaineko informazio jasotzen du.

Azken egunotan hainbat hedabidetan agertu da albistea: tximino espezie berri bat aurkitu omen dute Kongon. Simio bat litzateke eta handia, bi metro inguruko altuerako. Espezie berria baino, txinpantze subespeziea dirudi gehiago, baina gorilen antzera bizi eta mugitzen dena. Eztabaida sortu da, jakina.

Hondarribiako gazteak bere buruaz beste egiteak eskola komunitate osoa hunkituta utzi du. Horren ondorioz, denok sentitu dugu Bullyingari buruz gehiago jakiteko beharra.

Google Desktop-en beta bertsioa aurkeztu du Googlek. Norberaren ordenagailuan bilaketak egiteko programa da. Teknologia Googlek Interneteko bilaketak egiteko erabiltzen duenaren antzerakoa da. Oraingoz, MS Windows XPn eta 2000n bakarrik dabil.