Sustatu

Itxoidazu Café de Passy-n eleberria idatzi dute Xabier eta Martin Etxeberria anaia zarauztarrek: "road movie" bat batetik, bere jazarpen eta abenturekin, eta 68ko maiatzaz geroztiko Parisen dabiltzan unibertsitarien kontakizuna bestetik. Hona, egileek txandaka eman dizkiguten erantzunak.

Eusko Ikaskuntzaren Hezkuntza eta Literatura Sailak antolatu ditu jardunaldiak. Urriaren 27, 28 eta 29an egingo dira Bilbon. Euskal eremuari buruz egindako hizkuntzalaritza ikerlanak ezagutzera emateko xedea izango dute: euskara, erromantze aldaerak eta hizkuntza ukipena, hala gaur egungo ikuspegitik nola historikotik.

Hogei urte luze pasatu dira SENEZ aldizkariaren lehenengo zenbakia argitaratu zenetik, eta hori ospatzeko, bi argitalpen ateratzea erabaki zuen EIZIE elkarteak: batetik urteroko alea (besteak beste, Zuzenketaren gaineko jardunaldietako mintzaldiak biltzen ditu 27. zenbakiak), eta bestetik "Senez Grafikoa" liburua, guztiz berezia.

Horien aurkezpena egingo du elkarteak urriaren 26an.

Topagunea Euskara Elkarteen Federazioak udazkenerako jardunaldi ibiltariak antolatuko ditu. Bilbon, Iruñean, Gasteizen eta Donostian izango dira hitzaldiak, azaroaren 16an, 18an, 25ean eta 30ean. Urteroko jardunaldion helburua da euskara elkarteen jardunean funtsezkoak diren prestakuntza beharrak asetzea.

Musika eta Literatura jardunaldiak antolatu ditu Euskal Idazleen Elkarteak urriaren 26tik 29ra bitartean. Bilboko Bidebarrieta Liburutegian egingo dira. Hitzaldi guztiak iluntzeko 19:30ean hasiko dira eta sarrera librea izango da.

HABE, Osakidetza eta IVAP-HAEE erakundeek argitaratu dute, lankidetzan. Osakidetzako euskararen erabilera-plana garatzen laguntzeko asmoz sortu dira ikasmaterial horiek, hartara, bertako mediku, erizain nahiz laguntzaileek gaixo eta hiritarrekiko harremanetan euskara erabil dezaten.

Gipuzkoako Segura Irratiak antolatu du irrati bidezko lehenengo bertso txapelketa hau. Beraien maila aski frogatua izan, baina plazarako aukera handirik ez duten 16 bertsolari gipuzkoar aukeratu dituzte antolatzaileek txapelketarako. Azaroaren 11n hasiko da txapelketa.

Lehen ere badira Toti Martinez de Lezearen bi liburu euskaraz, Euskal Herriko Leiendak (2002) eta Antso III. Nagusia (2003). Biak ere gaztelerazko bi libururen itzulpenak dira. Baina, abendurako kaleratuko duen liburu berriaren lehen bertsioa euskarazkoa izango da. Erein argitaletxeak kaleratuko du.

Agur, Aio, Gar, Olio, Kasi, Osaba, Pago, Zain, Arin, Zuri, Mami... Txorakeriatan ari naizela pentsatuko duzue, baina ez: horiek denak gizonezkoen izenak dira (ikusi zer esaten duen Euskaltzaindiak). Halako perlak hezur-haragizko pertsonak izendatzeko egokiak baldin badira, zergatik ez da izena izango baita ere @? Labur eta zehatz askoa!

".eu" domeinua martxan jartzeko lanetan ari da Europar Batasuna. Orain egun batzuk Europako Komunitateen Komisioa eta EurID elkartu ziren Luxenburgon. Bertan kontratu bat sinatu zuten .eu TLD aurrera ateratzeko. Gai honen gainean, aipatu behar da hizkuntzen ISO estandarrean, "eu" dela euskararen nazioarteko adierazgarria.

Eneko Astigarragak bere blogean iragarpen txundigarri baten berri eman zigun 2020 urte inguruan, ordenagailuak ez ditugu mahai gainean jarriko, ez digute tokirik kenduko, kanpoan beharrean barruan eramango baititugu, edo eramango gaituzte, burmuinetan itsatsirik, garunekin bat eginik.

Duela astebete inguru OpenOffice.org bulegotikako programaren 1.1.3 bertsioa kaleratu zen. Oraingoan berriz euskarazko bertsioa dute sarean EuskalGNU-koek.

Gustatu zait formatua, gustatu zait diseinua, eta gustatu zait tonua. Hala ere, eskatzekotan, bi gauza eskatuko nizkioke astekari berriari.

"Danbaka" antolatu du Goiena multimedia enpresak Elgetako Espaloia Kafe Antzokiarekin batera. Debagoieneko 43 talde aurkeztu dira lehiaketara eta epaimahaiak 20 aukeratu ditu lehiaketan parte hartzeko. Ostiralean, hilak 22, hasiko dituzte zuzeneko emanaldiak taldeek. Lehiaketako irabazlearentzako saria izango da disko bat grabatzea.

Oxford University Press-ek liburu berri bat argitaratu du. Bertan, gaur egun hain arruntak diren berbak noiz sortu ziren edo noiz hasi ziren erabiltzen aztertu du Susie Dentek. Ingelesezko hitzak dira, jakina, baina asko guk ere erabiltzen ditugu.

Urte hasieran Ernest Lluch-Amarako Kultur Etxeak abian jarri zuen ERAKUSLEIHOA programa. Egitasmoaren helburua da arte adierazpen ezberdinak lotzen dituzten sortzaileek formatu txikiko ikuskizunak jendaurrean ezagutzera ematea hilean behin. Urriaren 21ean hasiko gara Xabier Erkizia beratarrarekin, 19:30etan.

Egitasmoaren gaineko xehetasunak ezagutzeko, Asier Iturriagarekin (Kafe Antzokiko programatzailea) izan gara. Asier Iturriaga: "Era guztietako eta adin guztientzako kultura ekitaldiak antolatuko dira"

"Ezagutzaren gizarteko eskola: Teknologia berriak eta Eskola Elkartea" izeneko jardunaldiak antolatu ditu Gaztelueta Fundazioak, azaroaren 18 eta 19rako. Bilboko Euskalduna jauregian izango dira jardunaldiok. Hiru mailatan egingo dute Ezagutzaren Gizarteko Eskolaren erronkei buruzko hausnarketa: antropologia, gizartea eta teknologia landuko dituzte.

Apirila eta ekainaren bitartean EAEko familietan Informazioaren gizarteari buruzko inkestan lortutako datu batzuk kaleratu ditu EUSTAT-ek. EAEko biztanlegoaren arabera, orokorrean webgune aipatuenak Google eta Correo dira. Webgune euskaldunen artean Aurki eta Berria dira lehenak.

Bihar kaleratuko da MATRAKAren lehen alea BERRIA egunkariarekin. Etzi, berriz, doan banatuko da unibertsitate eta Lanbide Heziketako zentroetan.