Teknologia albisteak

Manifestaren ondoren: artearen egoera Euskal Herrian. Jardunaldia.

Erabiltzailearen aurpegia
Irati Iciar - UEU
2004-11-19 : 09:11

Manifesta, Arte Garaikidearen Bienal Europarraren ildotik, artearen egoera Euskal Herrian aztertzeko jardunaldiak antolatu ditugu. Manifestak erakusketak eta testuinguru teorikoa eskainiko du eta guk Euskal Herriko egoerara ekartzeko ahalegina egin nahi dugu. Azaroaren 24, 25 eta 26an izango dira jardunaldiak. Donostian, Ernest Lluch-Amarako Kultur Etxean.

Manifesta

Manifesta

Manifesta, Arte Garaikidearen Bienal Europarra, 2004ko ekainak 11tik irailak 30era izan da Donostian. Europako hiri desberdin batean egiten den arte garaikidearen proiektu ibiltaria da. Manifesta gertaera gogoangarri bihurtu da, Europa osoko artista, kultur eragile, museoen idazle eta pentsatzaile, arte-zentro eta kultur erakundeak elkartu eta euren arteko trukea bultzatzen duena.

Jardunaldiak helburu bikoitza beteko du:

  • Arteak Euskal Herrian bizi duen egoera aztertu nahi dugu, batez ere hiru eztabaida lerroren bitartez: artearen formazioa, produkzioa eta zabalkundea.
  • Hizkuntzari dagokionez, Manifesta bezalako ekimen batean euskararen presentzia ez da handia izaten, eta hutsune hori betetzearren, hiru egunetan zehar arteaz euskaraz mintzatzeko, aztertzeko eta eztabaidatzeko aukera eman nahi dugu.

Hiru eguneko jardunaldi hauetan egun bakoitzean ordu bateko hitzaldi gonbidatua eta bi orduko mahai-inguru bat izango du.

Artezale eta gaian interesa duen guztiei zuzenduta dago. Honela, jardunaldi irekia da, ez da matrikularik egongo

Egitaraua

Azaroak 24, asteazkena. Artearen produkzioa. Gaur egun artea egiteko modu berriak eta tradizioaren araberakoak batera ikusten ditugu Euskal Herrian beste munduko beste edozein tokian bezala.

  • Hitzaldia: MIREN JAIO, EHUko Arte Ederretako irakaslea, arte kritikoa eta komisarioa.

*Mahai ingurua: IBON ARANBERRI, artista; MAIDER LOPEZ, artista; ASIER PEREZ, "Funky Project"; "AmatauTB".

Azaroak 25, osteguna. Artearen formazioa. Artea ikasteko eta artean aritzeko moduak aldatzen ari dira eta zaila da gaur egun artistak zein bide aukeratu behar duen jakitea, horregatik Euskal Herrian dauzkagun heziketa artistikorako zentro ezberdinetako arduradunak biltzea izango da helburua.

  • Hitzaldia: ASIER LASPIUR, eskultorea eta EHUko Arte Ederretako irakaslea.
  • Mahai ingurua: Arteleku; GENTZ DEL VALLE, EHUko Arte Ederretako irakaslea; GABRIEL VILLOTA, EHUko Ikusentzunezko Komunikazio irakaslea; JAVIER CRUZ, EHUko Magisteritza irakaslea.

Azaroak 26, ostirala. Artearen hedakuntza. Gaur egun artea ezagutarazteko bideak zeintzuk diren aztertzeko antolatuta. Horretarako museotako arduradunak eta beste hedabideak elkartuko ditugu mahai inguru batean.

  • Hitzaldia: MIREN ERASO, Artelekuko dokumentazio zentruko arduraduna
  • Mahai ingurua: MANIFESTA5eko arduraduna; NATXO RODRIGUEZ, Amarika Plataformako kidea; ITSASO MENDILUZE, "Yoca" enpresako kidea; JOSE JAVIER FERNANDEZ ALTUNA, "Diario Vasco"ko arte kritikoa

Argibideak

  • Tokia: **Donostian, Ernest Lluch – Amarako Kultur Etxea**
  • Egutegia: 2004ko azaroaren 24-25-26
  • Ordutegia: 17:00-21:00

Ekitaldi irekia, matrikularik ez dago

Argibide gehiago Udako Euskal Unibertsitatearen web orrian: UEU

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago