Teknologia albisteak

HIZTEK graduondokoaren 2003/2004 ikasturteko bukaerako-proiektuak

Erabiltzailearen aurpegia
Ainhoa Latatu - UEU
2004-11-18 : 13:11

Ostirala honetan HIZTEK (Hizkuntza-Teknologiak) graduondokoaren lehenengo mintegia izango dugu eta bertan 2003-2004 ikasturteko ikasleen graduazio-lanak aurkeztuko dira.

Hizkuntzaren Industria

Hizkuntzaren Industria

Euskal Herrian 25 enpresetatik gora eta zenbait ikertalde ari dira lanean Hizkuntzaren Industriaren esparruan.

Hizkuntza-teknologietan sortzen ari den formazio beharrei aurre egiteko UEUk 2001-2002 ikasturtean HIZTEK graduondokoa martxan jarri zuen.

Ikasturtero enpresa, ikertalde, eta erabiltzaileen bilgune diren mintegiak antolatzen dira. Aukera aparta da hizkuntzalari eta informatikariak elkarren berri izateko.

Ikasle guztien interesekoa

Mintegi honetan, aurreko ikasturteko etekinak ikusiko ditugu. Ildo horretatik ikasle guztien interesekoa da. Alde batetik, projektua aurkezten dutenentzat, egindako lanari bukaera emateko oso modu ona izango delako. Eta horrezaz gain, gauza polita izango da besteontzat ere, zer landu duten ikusteko, norekin, nola planteatu duten lana, atera dituzten ondorioak, topatu dituzten zailtasunak, etab.

Mintegiko zehaztasunak:

  • Ordua: 16:00
  • Eguna: azaroaren 19an, ostiralean.
  • Lekua: UEUko Ikastetxe nagusia. Markeskua Jauregia, Eibar.

Horra aurkeztuko diren lanak:

  • "Anafora pronominalen azterketa"- Klara Zeberio.
  • "Euskarazko Galdera - Erantzuna: Ihardespenaren erauzketa lengoaia naturalean egindako galderentzat"- Andoni Valverde.
  • "EuskalWordNet-en orrazketa: editorearen eskuliburua"- Karmele Mendizabal.
  • "Eratorpenaren azterketa hiztegi eta corpusetan oinarritua"- Elixabete Izagirre.
  • "Hiztegi Mugikorra"- Urtza Iturraspe.
  • "Hiztegiko sarreren irakurketa automatikoaren ebaluazioa"- Ziortza Polin.

Informazio gehiago:

Ainhoa Latatu (943 82 14 26)

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago