Teknologia albisteak

ADSLa Japoniako trenetan

Erabiltzailearen aurpegia
Sustatu
2004-11-18 : 09:11

Japan Telecom-ek 15 megabit segundoko Interneterako konexio abiadura ipintzea lortu du abiadura handiko tren baten. Hamar kilometroko bidea egin du trenak. Espainian ere egin zuten antzerako esperimentu bat AVEn; 3,5 eta 1,5 megabiteko konexio abiadura lortu zuten.

Japoniako esperimentua Hokkaido irlan egin du Japan Telecom-ek, Japoniako iparraldean. Trenak 10 kilometroko bidea egin du, 120 km/h-ko abiaduran. Segundoko 15 megabit transmititzea lortu dute, ADSL lineak duen abiadura, alegia.

Espainiako esperimentua

Antzerako proba egin zuen Espainiako Acorde enpresak AVEko tren batean, urriaren erdialdean. Espainiako esperimentuan segundoko 3,5 eta 1,5 megabit bitarteko konexio abiadura lortu zen. Baina, dirudienez, bigarren esperimentu bat egingo dute abiadura hori laukoiztu nahian, Japoniakoaren abiadura bera lortzeko. Acorde enpresaren bigarren sistema hobetu hori hiru hilabete barru egongo da merkatuan.

Egun, konektatu daiteke Internetera trenetan, poltsikoko telefonoaren bidez. Baina, horiekin lortzen den konexio abiadura oso txikia da transmisio egoeraren ezegonkortasuna dela-eta.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago