Sustatu

Hasi da Antxoa sasoia eta badator Antxoa Eguna. Dagoeneko 4. edizioa da eta urtetik urtera ekintza gehiago eta interesgarriagoak aurkituko dituzu Ondarroan.

Fernando Morillo idazleak aho zabalik utzi gaitu ostiraleko Hiztek mintegian. Argi geratu zaigu etorri handikoa dela azpeitiar hau, baita ere teknologia funtsezkoa zaiola etorri hori aberasteko. Bi orduko saioan bere jardun profesionaleko 25 programa aurkeztu dizkigu, pantailan eta martxan. Txundituta utzi gaitu.

Apirilaren 24tik aurrera, BERRIA egunkariak 50 ibilaldi familia eta lagun artean bilduma oparituko die bere irakurle eta harpidedunei. Egunero, Euskal Herriko paraje ederrak deskubritzen lagunduko duen fitxa bat banatuko du, doan, egunkariarekin batera.

Hizkuntzen adierazteko nazioarteko ISO 639 kodean euskara dago eta hizki biko "eu" kodea dagokio (hiru hizkiko ISO 639-2 kodean "baq" edo "eus" dagozkio). Inoiz esan dut Euskal Herriari egunen batean herrialde izatea onartuko baliote "eu" izango litzatekeela bere domeinu izena, "kasualitatez" Europar batasunak berarentzat eskatu duena.

Andreu Buenafuente eta Santi Millán izan dira photobloga egiteko ideia izan dutenak. Eurekin batera, Espainian ezagunak diren beste hainbat daude: aktoreak, telebistako aurkezleak eta kazetariak, besteak beste.

Librezale.org lantaldeko partaide guztiok egindako lanari esker, azkenean Firefox azeria euskaldundu eta bertsio ofiziala lortu dugu.

Denen zerrenda ez dut egin, baina 22 bat blogari egon gara. Baita bloga egiteko gogoa duten batzuk, kuriosoren batzuk, blogarien lagunak... Gau berezia izan da bai blogarien topaketa zelako eta baita hauteskundeek markatu dutelako eguna.

Datorren igandean, apirilak 17, egingo da euskal blogarien lehenengo Blogs & Beers topaketa Elgetako Espaloia Kafe Antzokian. B&B zertan den jakiteko Mexiko egindako bat hartu dugu aintzat. Gurean, hala ere, izango da berezitasunik. Ez da alferrik hauteskunde gaua. Emaitzak jarraitu ahal izango dira pantaila handi batean.

Istripuan hiru emakume hil dira eta beste lau lagun zauritu dira A-124an izandako istripuan. Hildako bat, arrasatearra da (O.T.L.), 27 urte ditu, irakaslea da. Hildako beste bi andrazkoek 42 eta 47 urte dituzte.

Hildako hiru emakumeak Lantziegoko ikastolako irakasleak dira.

Euskararik ikasi nahi ez duten irakasle horiek webgunea atera dute beraien alde bultzada jasotzeko. "Emaiguzu zure laguntza" eskatzen digute. Bai bai, oraintxe goaz.

Argazki hau Gasteizko Olagibel kaleko anbulategian atera genuen 2005eko apirilaren 13an.

No comment. Itzulpen batzu "delizius" dira zinez. Enmarkatzekoak.

Eusko Ikaskuntzaren Asmoz Fundazioak eta Bilbao Metropoli 30 Elkarteak Hirien Kudeaketa Estrategikoari buruzko Ikastaroa antolatu dute internet bidez.

Klasikoen Gordailua sortu dute Susaren Armiarma.com helbidean. Euskal literaturako testu klasikoen bilduma sakon eta zehatza da. Patxi Salaberri irakaslea izan da proiektuaren arduraduna.

Euskara planak garatzeko hizkuntza teknikarien lan poltsa osatu nahi dugu, horretarako interesa duzuenoi zuen curriculuma bidaltzera animatzen zaituztegu. Curriculuma bidali ahal izateko baldintzak honakoak dira: euskararen normalizazioan esperientzia edota euskalgintzan esperientzia izatea.

HP, Novell-SuSE eta beste enpresa batzuek mintzaldia emango dute Zamudion hilaren 14an Software Libreari buruz.

Poltsikoko telefonoarekin jatetxeak, dendak eta beste negozio mota batzuk bilatzeko aukera ematen du orain Googlek. Oraingoz, AEBetan eta Kanadan erabili daiteke erreminta.

Elhuyar Zientzia eta Teknika aldizkariaren zenbaki guztiak jada Interneten daude kontsultagai, www.zientzia.net webgunean, hain zuzen. 2001ean sortu zen proiektua; lau urteko lanaren ondoren, aldizkarian argitaratutako ia 7.000 artikulu daude sarean. Hori ospatzeko, hiru aste iraungo duen lehiaketa egingo da www.zientzia.net webgunean. Sistek Informatika-etxeko PDA bat zozkatuko dugu.

Egun hauetan Europako 15 aditu ari dira lanean Mondragon Unibertsitatearen Humanitate Fakultatean, prestakuntza proiektu bat diseinatu guran, erabiltzeko hizkuntza minorizatuak dauden herrialdeetan.

Aita Santua hil berri dugu eta azken egunetan zenbait mezu jaso ditut SMS edo e-mail bidez. Mezuen ondoren "Pasa abisua!" zioen. Sustatura ere pasatu nahi izan dut mezu haietako pare bat.

Joxe Aranzabalen minbiziaren berri izan genuen Sustatun. Harrezkero, ezagutu ditugu beste kasu batzuk ere bloga erabili dutenak beraien gaixotasunaren berri emateko. Ivan Noble izan zen horietako bat. Kataluniar baten blogaren berri izan dugu egunotan: Lahistoriadeunlinfoma.com