Aupa Fernando Alonsotegi edo zelan euskaratu Bilbo

Broma dela uste baduzute, oraingoz behintzat, "Federacion Vasca de Automovilismo"ren webgunetik jeitsi daiteke dokumentu hori doc formatuan:
http://www.eaf-fva.net/2005/solicitud_voluntarios_circuito.doc



Ikaragarria!!

Halakoak agertzeari mira egiten diozue? Jakingo bazenute lantzean buruargiorojakile horiek zelakoak egiten dituzten! Behin gertatu zitzaidana komentatuko dizuet. Gabonetako postaltxo bat jaso genuen hutsez bete-bete eginda. Bidali zuenarengana joan eta zer erantzungo eta hauxe: eskerrak eman behar genituela euskaraz zegoelako, intentzioa nahikoa zela.

Herri honetan intentzioarekin bakarrik ezin dugu hizkuntza gutxitu hau aurrera atera. Kalitatea ere behar-beharrezkoa dugu.

Ados nago euskararen kalitatea askotan txarra delako ideiarekin. Baina, agian, postala bidali zizunak ez zekien euskaraz hobeto idazten, eta ez dakienari ezin zaio eskatu.

Alde batetik, euskaldun zahar asko ez daude alfabetizatuta eta normala da haiek arauak, ortografia, etab. ez jakitea.

Bestalde, euskaraz ez dakitenak eta ikasten ari direnak daude. Ez dut uste euskararen kalitaterik eza haiei lepora dakiekeenik. Eskertzekoa da behintzat euskararekiko haien jarrera positiboa baldin bada.

Nire ustez, kezkagarriena da kalitatezko euskara ezagutzeko baldintzak izan dituztenek horrelako euskara ez erabiltzea. Honekin esan nahi dut ikasketak euskaraz egin dituztenei gutxieneko kalitatea eskatzeko arrazoia dagoela.

Baina, dena den, nire ustez, euskararen kalitateak lehenik norberaren konpromisoa izan behar du, hots, geure buruari eskatu behar diogun zerbait; hori da behintzat ni saiatzen naizena.

Diosalak.

Kontua da, Jose, postala bidali zuena alderdi politiko bat zela, abertzalea gainera (edo hori diote eurek). Jendearen artean zabaltzen diren gutun, agiri, postal eta bestelako idazkietan ezin zaio onartu erakunde publiko edo alderdi politiko bati halako txepelkerietan ibiltzerik. Kontua ez da borondatea, kasu hauetan behintzat, gauzak ondo egitea eta eredu izatea gizarte guztiaren aurrean, bereziki botoa ematen dieten euskaldunen aurrean.

Ba orduan ez daukate aitzakiarik. :) Gutun publikoa izanik... idatzi zuenak ez bazekien ba hobe zuten beste lagun batek gutun hori egitea.

Aurkitu dudan beste astakeria bat Donostian dago, Warner Zinemaren eraikinean. Kartel izugarri batean jartzen du: "10 zinemak"

Nire anaiari esan nion eta akatsaz konturatu zen, eta berak urtebete bakarrik darama euskara ikasten.