Kontrapaseko ehizagatik, Gipuzkoako Foru Aldundia errudun

Hegaztiei buruzko Europako Arteztarauak dio, besteak beste, ezin izango dela hegaztirik ehizatu beren ugalguneetara itzultzen ari direlarik; kontrapasean, alegia. Dena dela, zenbait salbuespen-kasu ere aurreikusten ditu, beti ere beste irtenbide egokirik ez baldin badago.

Aldundiak, ordea, urtero baimendu du pagausoak kontrapasean ehizatzea horietako salbuespen-kasu jakinetatik bat bera ere betetzen ez zelarik. Hala ulertu du behintzat, euskal ornitologo eta kontserbazionistekin bat eginez, Luxemburgeko Auzitegiak. Bereziki azpimarratzen du, jurisprudentzia harira ekarriz, arteztarauan ‘irtenbidea’ aipatzen baldin bada, aurretik ‘arazo’ bat dagoelako dela, eta, ehizaldia ehiztariek nahi luketena baino laburragoa izatea ez dela ‘arazo’.

Epaiaren testua osorik irakurtzeko.