Sustatu

Kontseiluak Euskal Tonbola antolatu du, euskara bultzatzeko proiektu berriak abian jartzeko baliabideak lortzeko helburuarekin. "Euskal Tonbola herriz herri joango da euskararen konpromisoa zabaltzen", azaldu du Kontseiluko Idazkari Nagusiak, Xabier Mendigurenek.

Edorta Jimenezek Robert Capa biografia idatzi du, prentsako argazkilaritza modernoaren aitatzat jotzen denaren bizitza kontatuz; hark Euskal Herriaren alde egindakoarekiko esker onez idatzi duela dio egileak, eta Caparen bizizaletasuna egin zaiola bereziki erakargarri. Paris eta Renon material bila ibili eta gero, auzolanaren emaitzatzat jotzen du bere obra. Hona, Jimenezen hitzak.

Beste irrati askok beharko luketen zerbitzu bat ematen du aspaldidanik EITB Irratiak: uneoro entzuten ari garen abestiaren izena.

Donostiako Loiola auzoko Jai Batzordeak logoa behar du bere irudia zabaltzeko. Batzorde honek urtero auzoko jai nagusiak diren San Inazioak antolatzen ditu eta logoa lortzeko lehiaketa bat jarri du abian.

Firefox-en luzapena da Adblock. Webgune askotan dauden pop-up gogaikarriak blokeatzeaz gain, bannerrak eta Googlen AdSense publizitatea ere blokeatzen ditu.

Espainiako Gobernuak Pirateriaren aurkako Plana jarri du martxan. Musikaren industriaren eskaerei, egile eskubideak kudeatzen dituzten erakundeei eta pirateria gelditu nahi duten artista batzuen eskaerei erantzun nahi die plan horrek. Jabetza intelektuala errespetatzeko gizartearen kontzientziazioa lortu nahi du gobernuak.

Hemezortzi urte pasa dira lehenengo liburukia argitaratu zenetik eta dendetan da Orotariko Euskal Hiztegiaren azkeneko liburukia, Ut-Zuz edukia duena. Guztira 16 liburukik osatzen dute hiztegia, 125.987 sarrera eta 14.028 orrialderekin.

Batekmila programaren barruan berritu dute EKEren webgunea. Euskal kulturaren eta euskararen inguruko ekitaldien berri izango duzue webgunean. Euskal artistei eta kultura elkarteei esker eguneratzen da. Webgunea lau hizkuntzatan egin dute: euskaraz, frantsesez, gaztelaniaz eta ingelesez.

Urte bukaerarako izango da martxan .eu domeinua, hala jakinarazi du EURid erakundeak, Europako webguneen domeinuak gestionatzen dituenak. Erakunde publikoek izango dute lehentasuna .eu domeinuarekin erregistratzeko.

Asmoz Fundazioak, Energiaren Euskal Erakundearekin batera eta ingurumenaren inguruan prestaturiko ikastaroen zikloari jarraipena emanez, Energia Berriztagarrien ikastaroa antolatu du.

Santurtziko Udal Euskaltegiak (SUE) 2005eko apirilaren 27tik ekainaren 1era bitartean euskara ikasten ari diren pertsonen arteko harremanak sustatzeko eta euskara modu atsegin eta ludikoan ikasten segitzeko modua eskaini nahi du I. Topagune Birtualaren bidez.

Eta, noski, elebakarrak izango dira, gaztelaniazkoak. Gipuzkoako Foru Aldundiak eta Diario Vasco egunkariak elkarrekin antolatu dute "blog&roll" izeneko lehiaketa. Maiatzaren 3tik aurrera Diario Vasco-n sortutako blogak saritzeko lehiaketa da.

Lehiaketa honekin, berrikuntza ekarriko duten proiektuak saritu nahi ditu kutxak. Irailaren 30a baino lehen aurkeztu behar dira proiektuak.

Datorren asteazkenerako, hilak 27rako, Lehen edo Bigarren Hezkuntzan diharduten irakasleentzako batzarra deituta dago Leioako Berritzeguneko egoitzan "Software Librea Hezkuntzan" gaiari eusteko. Lehenengo bilera honetan gai honekiko dagoen giroa ezagutu, irakasleen arteko harremanak bultzatu eta ekimenaren bat martxan jarri nahi da.

UKBERRI da herri prentsa euskaldunaren laugarren webgunerik bisitatuena, Alexa Amazon taldeko enpresak apirilaren 12an mundu mailan egindako sailkapenaren arabera. Erabateko fidagarritasunik izan gabe, errealitatearen hurbilpena eskaintzen du Alexak.

"Yo no soy español" liburua idatzi zuen 1999an, Kataluniako hainbat pertsonai ezagunekin izandako elkarrizketak batuz; bere buruari ere egin zion elkarrizketa bera, liburuaren amaiera. 30.000 ale saldu ditu eta filma egitekotan dira. Arrasaten emango du hitzaldia. Asteleheneko Goienkaria egon da berarekin. Elkarrizketa egin dio Marijo Deogracias-ek.

"Nasdrovia Txekhov!" antzezlana estreinatu zen atzo Donostiako Antzoki Zaharrean euskaraz. Gaur eta bihar gaztelaniaz emango dute, eta igandean izango da berriz euskaraz ikusteko aukera. Anton Txekhov idazle errusiar handiaren ipuinak eta idazlea bera hartzen ditu oinarritzat Vaiven etxearen ekoizpenaz Fernando Bernuesek zuzendu duen ikuskizun honek.

Basque Research atariak (Elhuyar Fundazioa) III. Tesien Saria jarriko du martxan datorren maiatzaren 1ean. Unibertsitatean egiten den ikerketa gizarteratzea eta, batez ere, ikertzaile gazteen lanak ezagutaraztea dira helburu nagusiak.

Uztailaren 20, 21 eta 22an blogak hizpide izango dituzteUEUn, Iruñean. Kazetaritza partehartzailea, euskal blogosfera, blog software ezberdinak eta blogak eta euskal prentsa izango dituzte hizpide, besteak beste. Ikastaro honen arduradun da Patxi Gaztelumendi eta ikastaroari buruzko blog bat ere sortu du. Gaztelumendiri egin dizkiogu galdera batzuk ikastaroaren berri izateko.

Mondragon Unibertsitatearen Humanitate eta Hezkuntza Zientzien Fakultateak, HUHEZIk, Gizakom izeneko bloga sortu du, informazioa zabaltzeko fakultate horretako Giza Zientzien inguruan.