Applek Intel prozesagailuak erabiliko ditu
Steve Jobsek berak iragarri duenez, Applek IBMren PowerPC prozesagailuak alde batera utzi eta Intelekin egingo du lan aurrerantzean. Intel prozesagailudun lehenengo Macintoshak 2006ko ekaina aldera kaleratuko omen dira.
Berriak hotzikarak sortu dizkigu maczale askori: albisteak zaharkituta uzten ditu orain arteko Mac guztiak, mahaigainekoak zein portatilak. Pentstzekoa da behin modelo berri guztiak Intel prozesagailudnak direnean, Applek arin baztertuko duela PowerPC modeloetarako soportea. PPC eta Intel oinarriko Mac OS X bertsio diferente bi mantentzea ez baizaio errentagarri aterako. Are gehiago, Mac OS X Intelerako soilik ateraz gero, Applek ondotxo daki maczale asko eta askok makina berria erosteko ahalegina egingo duela, eta beraz, poltsikoak ederki beteko dituela...
...baldin eta honek Mac ordenagailuen amaiera ez badakar. Oraindik ez dago argi Applek Macintoshak egiten jarraitzeko asmorik duen ala aurrerantzean Mac OS X sistema garatzera baino ez den dedikatuko. Horrek min handia egingo lioke Longhorn ateratzeko arazo larriak dituen Microsofti, eta informatikaren aro baten amaiera ekar lezake.
Hori bai, Intelera mugitzeak dezente erraztuko du hackerren batek Mac OS X PC arruntetan zuzenean exekutatu ahal izateko bidea aurkitzea, ezta?
/cache/Udako-Ola-2024_1_small_content.jpeg)
Appleren presidenteordeak, Phil Schillerrek, hainbat zalantza argitu ditu prentsan egindako adierazpenetan. Batetik, Mac OS X Appleren ordenagailuetan soilik erabili ahal izango da, orain arte bezala. Bestetik, Applek ez du soporterik emango Windows bere makinetan erabili ahal izateko, baina hala ere "hori eragozteko ere ez dugu ezer egingo".