Sustatu

Igo dugun azkena IMH Sariei buruzkoa izan da: Aurtengo ikasle ohi aipagarriari nahi genion saria eman baina arazo bat geneukan: Txinan zegoela egun horretan. Zer egin berarekin zuzenean harremana lortzeko? Internet, skype, webcam, ordenagailua, bideokamara eta "google-video" uztartu.

Hiru.com atariak bi sari nagusi lortu ditu Infografiaren Nazioarteko Sarien hamabosgarren edizioan: "Egiptoko Piramideak" izeneko infografiak zilarrezko domina lortu du, eta hiru.com atariak berak 2006an egindako lanengatik ere saria jaso du.

Aldi bat desaktibatuta egon ondoren gaur jarri da berriro ere martxan Opentrad itzulpen automatikoko sisteman gaztelania-euskarazko itzulpenak egiteko baliabidea (www.opentrad.org).

Repsol YPF etxeak egunotan aurkeztu berri du web orri eguneratua (www.repsolypf.com). Web orriaren itxura eta egitura goitik behera aldatzeaz gain, gaztelaniatik Estatuko hizkuntza ofizial guztietara itzuli dute: euskarara, galizierara eta katalanera.

Karteldegian dago, 300 filma. Komiki liburu batean oinarritua egonik, espero genuen Igor Leturiaren blogean iruzkina, eta etorri da, baina berak sinatuta barik, Beñat Irasuegi kolaboratzaile berriaren izenean. Handik hona ekarri dugu, bere copyleft lizentziari esker.

Zure inguruneari buruzko mobilmetrai on-line lehiaketa. Proposamen honen funtsa nerabeek Mobilmetraien (mugikorrarekin grabatutako 60 segundo baino gutxiagoko bideoak) bidez, bizi diren lekuari buruzko hainbat ikuspuntu erakustea da.

Patxi Iraeta Zubeldia naiz, Zumarragako udaletxean udaltzain. Web-orri bat sortu det, eta beronen berri eman nahi dizuet. Maiz hitzegiten da udalen funtzionamentu exkaxaz, eta udal politikak dituen ajeetaz. 1990. urtetik udaletxean lanean, udal administrazioaren gora-beherak barrutik ezagutzea tokatu zait, eta nere esperientzian oinarrituta, esan dezaket, Zumarragako udala ez dala salbuespena.

Sei urte pasatxoko ibilbidearen ondoren, goitik behera berrituta datorkigu GAZTETXULO aldizkaria. Kanpotik eta barrutik eraberrituta, izena eta izana aldatuta, etapa berri bati ekin dio gazteei zuzendutako euskarazko hilabetekariak. Izen aldaketa eta etapa berria? Bai, ondo irakurri duzu: aurrerantzean, Gaztetxulo GAZTEZULO bihurtuko da, gazte guztien zuloa, planeta, bilgunea izan nahian

Korrika 17 Baztanen eta Iparraldean dagoen bitartean Xorroxin Irratia eta Euskal Irratiak izeneko federazioa osatzen duten Xiberoko Botza, Irulegiko Irratia, Gure Irratia eta Antxeta Irratia, zuzeneko irrati jarraipena ematen dute.

Donostian zabaldu den kultura garaikidearen erakusleku izango den zentroaren izenaz jardun zuten, sutsu, duela egun batzuk sustatuzaleak.

Basauriko Euskarabila elkarteak Ipuin Erotikoen 12. Lehiaketa antolatu du. 1991an edo lehenago jaiotako edozeinek parte har dezake lehiaketan eta apirilaren 20a baino lehenago aurkeztu beharko dira ipuinak. Lehiaketaren irabazlearentzako saria 500 eurokoa izango da.

Horrela saldu du Yahook bere e-posta kontu berria: "infinituraino eta urrunago" iristen omen da. Hau da, ez dauka leku mugarik, eta nahi adina mezu eta fitxategi gorde ahalko dituzu bertan. Google vs. Yahoo gerraren beste urrats bat.

Enkarterriko Berbalagun egitasmoa orain dela urte bete jaio zen Enkarterrin euskarak bizi duen egoera larriari aurre egiteko. Aurten teknologia berrien indarra eta ahalmena kontuan hartuz Enkarterriko Berbalagun bloga jarri dugu martxan.

ZPren kafea denontzat: merke askoa. Espainiako telebistan herritarren galderak erantzuten ari zela, Espainiako presidente Zapaterori kafea kalean zenbat kostatzen den ba ote dakien galdetu zion iruindar batek. Baietz, bazekiela, 80 zentimo.

Modako web aplikazioa da: Twitter, mikrobloga egiteko, kontaktu sare bat izateko, SMS eta web formatuen artean esperimentatzeko... Dagoeneko bada euskaldunik egunero erabiltzen duenik.

Bizkaiko Foru Aldundiak Europar Batasunak darabiltzan agiri eta datu-baseak eratzeko erabiltzen den terminologia euskarara itzuli du. Itzulitakoa Eurovoc deituriko hiztegi edo katalogoa da, Europar Batasuneko datu-baseak antolatuz horien kontsulta errazten duen katalogoa, hain zuzen.

Euskal Curriculuma denen ahotan dagoen garai hauetan, Historiako esparruan dauden kezkak nolabait argitu eta beraren inguruan dauden ikuspuntu ezberdinak jorratzeko helburuarekin antolatu ditu UEUko Historia Sailak aurtengo Historialari Euskaldunen IV. Topaketak.

Kodean aldaketa sakonak jasan ondoren eskuragarri dago Euskalbarren 1.95 bertsioa. Nobedade nagusia ingelesezko hiztegietan kontsultak egiteko aukera da.

Donostiako Euskaltzaleen Elkarteak antolatutako Asteazken Kulturalen baitan, "Telebista: programazioa, arrakasta..."-ren inguruko hitzaldia izango da, Martxoaren 28an, 19:30ean, Koldo Mitxelenako Kulturunean. Hizlaria: Edorta Arana, EHUko ikusentzunezko irakaslea.

Ostiralero kaleratzen den aldizkari elektronikoa da Euskonews Gaztea. Euskal Herriko ikastetxe desberdinek hartzen dute parte aldizkaria egiten eta astero talde horietako batek du tartea webgunean.