Ingurune digital segurua sustatzeko gomendioak

Hona gomendio nagusiak:

Bat. Gailu digitaletarako pixkanakako sarbidea ematea, adingabeak hazten diren heinean. Pantailak eta mugikorrak gazte-gazte erabiltzen hastea garapen kognitibo eta sozioemozional eskasarekin lotzen da. Gainera, esposizio-denborak eragina du haurren eta nerabeen garunaren garapenean. Jarraibide hauek sarbide hori erregulatzen lagunduko dizute:

Bi. Ez erabili gailu digitalik 6 urtetik beherako haurrak daudenean. Haurraren aurrean pantailak eta mugikorrak erabiltzeak arreta-falta eragin dezake haren premiak interpretatzeko eta horiei erantzuteko. Eta behar dutena da zaintzaile sentikor bat, presente eta prest dagoena.

Hiru .Gailu digitalak erabiltzeko arau komunak adostea. Familiari laguntza aktiboa emateak pentsamendu kritikoa eta erantzukizuna sustatzen ditu. Haurrekin eta nerabeekin erabilera-arau komunak adostea; adibidez:

• Mugikorrik eta pantailarik gabeko eremuak ezartzea (leku pribatuak, hala nola logela edo bainugela).
• Otorduetan ez erabiltzea ituntzea.
• Ikasteko edo lan egiteko uneetan beharrezkoak ez diren gailuak itzaltzea.
• Ez erabili mugikorrik eta pantailarik oheratu baino. 1-2 ordu lehenago.
• Deskonexio-denbora finkatzea

Lau. Gailuei aldizkako berrikuspenak egitea adingabeekin. Zure ikuskapena oso garrantzitsua da Internetek dakartzan arriskuetatik babesteko. Behin adingabeak sarean sartu ondoren, jarraibide hauek proposatzen dizkizugu:

• Guraso-kontrolerako tresnak instalatzea, erabilera-denbora eta edukiak murrizteko.
• Pasahitzak maiz aldatzea eta egiaztatu seguruak direla.
• Kontsultatzen duten edukia zaintzea.
• Saihestea edukia erabiltzaileari egokitzen dioten doako plataforma eta aplikazioetara sar daitezela.
• Erakustea informazio eta argazki sentikorrak edo pribatutasuna urra dezaketenak ez partekatzen.

Bost. Gailuak erabiltzean jarrera egokia izateko heztea. Gailu digitalak luzaroan erabiltzeak ikusmenean, entzumenean, muskuluetan eta hezurretan lesioak izateko arriskua dakar. Garrantzitsua da:

• Jarrera-ergonomia ona izatea.
• 20/20/20 erregelaren bidez, begiak ez nekatzea: pantailak 20 minutu igaro ondoren, kliska egin 20 segundoz, eta urrutitik begiratu beste 20 segundoz.

Sei. Pantailarik gabeko errutinak eta jarduerak planifikatzea. Bizitzako lehen urteetan jarduera alternatiboak eta ohitura jakin batzuk planteatzeak eragin positiboa izango du haien garapenaren dimentsio guztietan. Denbora gordetzea irakurtzeko, jateko, ariketa fisikoa egiteko, airezabaleko jarduerak egiteko, familian jolasteko eta sozializatzeko.

Gida bere osotasunean, hemen.