Twitter, mikroblog, elkarrizketa edo komunitate modakoa
Modako web aplikazioa da: Twitter, mikrobloga egiteko, kontaktu sare bat izateko, SMS eta web formatuen artean esperimentatzeko... Dagoeneko bada euskaldunik egunero erabiltzen duenik.
Mezu labur-laburren bidez osatutako elkarrizketa anarkiko samar bat osatzen da Twitterrekin. Gunearen lema da: Zertan zabiltza orain? horri erantzuten diozu, eta zuk eta zure kontaktuek esaten dutenaren artean, osatzen dira komunitateak, edo elkarrizketak, edo akaso denbora galtzeko besterik ez duen balio kaos handi bat...
Mezuen laburtasuna SMS mezuen formatuarekin lotua dago, telefonoz ere erabili baitaiteke Twitter, mezuak jaso zein bidaltzeko. SMS doakoak bidaltzeko sistema bat hemen azaltzen da.
Dagoeneko bada euskaldunik Twitterren. Hona pare bat lagun:
- Haritz Rodriguez Xuriken: bere mezu sorta, bera eta lagunak.
- Eneko Astigarraga: bere mezuak, bera eta lagunak.
Twitterrek, bestalde, web aplikazio gehigarriak garatzeko API bat dauka, eta horren inguruan tresna interesgarriak sortu dira, han eta hemen:
- Twitterbuzz, ze webgunetara egiten den lotura Twitterretik, popularitate indize bat.
- Twittervision, Twitter Google Maps-ekin lotzen duen aplikazio hipnotiko samarra.
- Blogari.net-en artikuluen erreferentzia Twitterrera bidaltzeko aukera jarri dute.
- Zabaldu.com-ek Twitter erabiltzaile automatizatu bat dauka, bere feed osagarri baten gisa.
Erantzunak kargatzen...
