Sustatu

Literaktum jaialdiko antolatzaileen esku ez dauden arrazoiak medio, biharko programazioak aldaketa bat izan du. Horrela, hasiera batean iragarritako Ignacio Escolar blogariaren ordez, Juan Cruz idazle eta kazetaria arituko da.

Ubuntu sistema eragileari buruzko Fulll Circle Magazine aldizkaria dagoeneko hainbat hizkuntzara itzuli dute edo itzultzen ari dira: Gaztelania, galiziera, portugera-brasilera, txinatarra, italiera, frantsesa, persiera-farsiera, norvegiera, errusiera eta... Euskara?

Euskaljakintza blogak Espainiako Espiral Edublogs sariketan lehen postua lortu du, gelako blogen kategorian. Ordiziako Jakintza ikastolarentzat beste errekonozimendu bat, beren IKTeroen arteko Maite Goñiri bereziki, blog honen gidariari.

Abenduaren 5etik 9ra egingo den 42. Durangoko Euskal Liburu eta Disko Azokaren kartela aukeratzeko lehiaketa antolatu du lehenengoz Gerediaga Elkarteak. Azken urteetan Azoka Euskal Herri osora zabaltzeko hartu duen bidean beste pausu bat da. Orain arte, Durangaldeko artistaren bati enkarguz eskatu izan zaio kartela egitea. Aurten, lehenengoz, lehiaketa bidez aukeratuko da.

Zabalik dago lehenengo MoodleMoot Euskadi jardunaldietan izen emateko eta komunikazioen laburpenak bidaltzeko epea. EHUko IKTetako Gerenteordetzak eta iKide Taldeak antolatuak dira, Moodle erabiltzen dugunon esperientziak trukatzeko batik bat. Jardunaldien webgunea http://jmoodle07.ehu.es/ helbidean duzue.

Portugaleteko udaleko ordezkariek larunbat honetarako antolatutako Euskera Eguna ospatzea debekatu dute. Dirudienez arazo tekniko batzuk omen daude,eta beraz, larunbaterako Euskal Herrian Euskaraz kolektiboak antolatutako ekitaldiak bertan behera utzi dituzte.

Eusko Jaurlaritzaren Hizkuntza Politikarako Sailburuordetzak hizkuntzen teknologietako produktu berri bat jarri du erabiltzaileen eskura www.euskara.euskadi.net helbidean, hain zuzen ere, “euskarazko softwarea deskargatzea” atalean: web garapenerako Miatu erraz liburutegia.

Gaur da Informatikari Euskaldunen Biltzarra, Donostiako Miramongo Parkean. Zuzeneko jarraipena egiteko, backchannel pare bat jarri dituzte. Twitter bidez edo txat batekin. Aitzol Naberan eta Mutilmedia blog bidez ari dira jardunaldia kontatzen.

Hamaika bertuteko kideek zuzeneko bertso-saioak egingo dituzteHerri Irratian, gaur hasi eta datozen bi hilabeteetan. Asteazkenero arituko dira bertsotan Mikel Markezek zuzenduriko programan. Entzuleek arratsaldeko 21:30etatik 22:00ak bitartean izango dute bertsoaz gozatzeko parada.

GAZTEZULO aldizkaria berrituta etorri zen apirilean. Eta orain, maiatzean, webgunearen txanda da; www.gaztezulo.com martxan da. Sartu eta dastatu.

Honen bitartez, IKASPILOTAK eta ARABAKO EUSKAL PILOTA ELKARTEAK datorren ekainaren 23tik 29ra, EUSKAL PILOTA UDALEKUAK antolatuko ditugula jakinarazi nahi dizuegu.

Maiatzaren 3an aurkeztu bazen ere, gaur hasiko da HUHEZIko Literatura Astearen IX. aldia, izenburu honekin: �Literatura, itzulpengintza eta ikuskizunak�.

UEUk 35. Udako Ikastaroen matrikulazioa ireki du. Uztailaren 2tik 20ra bitartean Eibar, Baiona eta Iruñean zehar 30 ikastaro eskaintzen dira.

"Gauzen presentzia" da Pablo Sastreren (Madril, 1958) azken liburua, egilearen lehenengo saiakera, Joseba Jaka bekaren laguntzaz idatzia. Gure gizartearen, zibilizazioaren kritika erradikal bat, modu guztiz pertsonalean egina. Bizitza bateko liburua eta aldi berean liburu bizia, idazleak aipatu digunez.

Bizkaiko Foru Aldundirako EAJko hautagaiaren programan, gaztelerazkoan bereden, bizkaitar guztiei DEBALDEKO posta elektroniko kontua agintzen die. Euskarazko bertsioan ez da horrelako aipamenik ageri.

Igande goizeko 7etan erabaki du Espainiako Auzitegi Gorenak ANVren 133 zerrenda baliogabetzea, Fiskal Nagusiak eta Estatuko Abokatuak konbinaturik inpugnatutako guztiak. Legeak ezarritako epea gainditu dute, eta Alderdien Legearen prozedura ere (alderdi legal baten zerrendak ezin direla baliogabetu) beren kasa ulertu omen dute, baina egina dago.

Aspaldi buruan genuen proiektua martxan jarri dugu azkenean, Otamotz aldizkariaren edizio digitala. Internetek eskaintzen dituen baliabideak aprobetxatu nahi ditugu hedabide partehartzaile, dinamiko eta multimedia sortzeko Urretxu eta Zumarragan.

Eusko Jaurlaritzako Hizkuntza Politikarako Sailburuordetzak (HPSk) OpenOffice.org 2.2.0 bertsioa, hau da, kode irekiko bulegotika edo ofimatikako paketea, euskaraz kaleratu berri du.

Berria egunkariak hemen kargatutako PDF-aren arabera (hona bertsio arinagoa Scribd-en), Espainiako Fiskal Nagusiak ez ditu Batzar Nagusietarako zerrenda guztiak inpugnatu. Baina Estatuaren Abokatuak, beste batzuk inpugnatu ditu, eta lana osatzen dute bien artean, zirrikitu batzuk utzi arren Bizkaiko eta Arabako Batzar Nagusietan.

Zenbaki konbinazio arraro hori Digg albiste zerbitzuari gertatukoaren atzean dago. HD DVD formatu berriaren babes bat hausteko balio duen kode hexadezimala omen da, eta hura zabaltzea legearen kontrakoa izan daiteke Estatu Batuetan...