Debaldeko posta elektronikoa bizkaitarrentzat

Euskarazko bertsioan ageri da gaia, nahiko zabal eta luze. Posta elektronikoa, herritarren ataria eta balio erantsiko zerbitzuak aipatzen dira. Begiratu eta irakurri hemen .

Danimarkan eta Iparraldeko herrialdeetako adibidea aipatuz, horrela dio programak:

Posta elektronikoa guztiontzat

Datozen urteetan, EAJren eskutik, Bizkaiak beste aurrerapauso bat egingo dau bide honetan, eta estaduko lehenengo lurraldea izango da uritar guztiak izango dabena doako posta elektronikoa, eta uritarrak modu telematikoaz euki ahal izango dabez hartu-emonak udaletako eta foru administrazinoakaz —Europan badira antzeko adibideak Danimarkan eta Iparraldeko herrialdeetan—.

Horretarako, hauxe da gure proposamena:

Uritarren ataria

Erreferentziazko ataria eta topagunea, multikanala eta multidispositiboa Bizkaiko Administrazinoaren eta uritarren artean; horrela:

• Erabiltzailea identifikatuko da.


• Zerbitzuak emongo dauz identifikatuaren ezaugarrien arabera (andrazkoa-gizonezkoa, ikaslea-langilea, umea-gaztea-heldua-adinekoa, pertsona juridikoa-fisikoa eta abar).

Informazinoa eskuratuko da, eta horretarako erabiliko da gaur egun identifikazinorako dagozan sistema askotariko baten bat, eta bide emongo da eskura dagozan zerbitzuak erabili ahal izateko, zerbitzu bakotxak behar dauan segurtasun mailaren arabera eta identifikazinorako erabilitako sistemaren arabera.

Balio erantsia dakarren zerbitzuak:

• Bizkaiko posta elektroniko ofiziala (@bizkaia.) emotea uritarrai, eta haretara sartu ahal izango da hainbat dispositibotatik.


• Lankidetza zerbitzua emongo da on-line, eta horrek bide emongo dau ondokoak egiteko urrunetik: berehalako mezularitza, jakinazotea beste erabiltzaileakaz hartu-emonetan jarteko modua dagoala, ahots-alkarrizketak, bideo bidezko alkarrizketak, aplikazinoak modu partekatuan erabiltea, artxiboak transferitzea, urruneko laguntza eta abar.

---------

Baina EAJkoa ez da proposamen berria. Estatuko hauteskundeei begira CIUk e-posta eta doako Internet etxe guztietan agindu zuen.

Hauteskunde hauetan, Miguel Sebastián hautagai sozialistak banda zabaleko doako wifi sarea agindu du Madrilen, baina internautek eta Internauten Elkarteak (Asociación de Internautas) ez dute sinisten .

Altura honetan Ataria eta posta helbideak proposatzea pobrea iruditzen zait. Web 2.0 aroan gaude daborduko. Atarien aroa duela sei urte joan zen eta posta elektroniko helbideak ematea ez da, dagoeneko gauza handia.



Konektibitatearen arloan (banda zabala, wi-fia) eta administrazioarekiko harremanak erraztean ekarpen interesgarriagoak egin daitezke nire iritziz.

Kaixo Xa2er,

Egia da euskarazko portadan proposamen hori sartu barik genuela, baina hauteskunde programan bai, ordea:

http://www.eginbehardugu.com/bizkaia/programa-1



Hala ere zuzendu dugu akatsa eta orain portadan ere badago proposamen hori. Eskerrik asko.



Adeitasunez,

Eginbehardugu.com

Ez horregatik.

Zorionak Sustaturi, aurrekoan PPkoak eta orain PNVkoak barkamen eske.

Eta gaiari dagokionez, e-posta doan eskeini beharrean berma dezatela herritar guztiongana iristea banda zabala, edo ADSL edo dena delakoa. Oraindik herri txiki askotan ez dugu Internet taxuz erabiltzeko aukerarik ere, eta Euskal Herrian zorionez asko gara oraindik heri txikietan bizi garenak.