Teknologia albisteak

Hamaika bertutekoen bertso-saioak Herri Irratian

Hamaika bertute - Hamaika bertute

2007-05-09 : 19:05

Hamaika bertuteko kideek zuzeneko bertso-saioak egingo dituzteHerri Irratian, gaur hasi eta datozen bi hilabeteetan. Asteazkenero arituko dira bertsotan Mikel Markezek zuzenduriko programan. Entzuleek arratsaldeko 21:30etatik 22:00ak bitartean izango dute bertsoaz gozatzeko parada.

Gaur, maiatzak 9, Beñat eta Unai Gaztelumendi arituko dira bertsotan. Libreko saioak izango dira, baina entzuleren batek gairen bat proposatu nahi badu, bertsolariek gustura erantzungo diote.

Hiru hilabete dira Hamaika bertute ekimena martxan jarri zela, eta dagoeneko 50 bat bertso-saio egin ditu. Ekimenaz informazio gehiago nahi duenak eskura du www.hamaikabertute.net web orrialdean.