Durangoko Azokaren kartela, lehiaketa bidez
Abenduaren 5etik 9ra egingo den 42. Durangoko Euskal Liburu eta Disko Azokaren kartela aukeratzeko lehiaketa antolatu du lehenengoz Gerediaga Elkarteak. Azken urteetan Azoka Euskal Herri osora zabaltzeko hartu duen bidean beste pausu bat da. Orain arte, Durangaldeko artistaren bati enkarguz eskatu izan zaio kartela egitea. Aurten, lehenengoz, lehiaketa bidez aukeratuko da.
Lehiaketari dagozkion oinarriak dagoeneko www.durangokoazoka.com webgunean kontsultatu daitezke. Uztailaren 13ra arteko epea izango dute partehartzaileek lanak aurkezteko. Sari bakarra izango da: 1.300 eurokoa. Kartel irabazlea irailaren amaiera aldera ezagutzen emango da. Aurkeztutako lanekin erakusketa bat ere antolatuko du lehenengoz Gerediaga Elkarteak.
Lehiaketako oinarriak deskargatu (PDF dokumentua)
/cache/Udako-Ola-2024_1_small_content.jpeg)
Erantzun
Sartu