09 F9 11 02 9D 74 E3 5B D8 41 56 C5 63 56 88 C0
Zenbaki konbinazio arraro hori Digg albiste zerbitzuari gertatukoaren atzean dago. HD DVD formatu berriaren babes bat hausteko balio duen kode hexadezimala omen da, eta hura zabaltzea legearen kontrakoa izan daiteke Estatu Batuetan...
Toki askotan aipatu da kontua:
Norbaitek zenbaki hori publiko egiten zuen webgunea bidali zuen Digg-era eta boto piloa jasotzen hasi zen. Baina abokatuen gomendioz, ikusita auzitara eraman zitzaketela, Digg-eko arduradunek kendu egin zuten artikulua. Ondoren, erabiltzaileek behin eta berriro zenbakia agerian zekarten mezuak eta erantzunak hasi ziren Digg-era bidaltzen, eta gelditu egin zuten webgunea, eskaera kopuruaren poderioz. Azkenean, erabiltzaileen aurrean amore eman, eta etsi egin du Digg-ek.
Teknikoki, hemen azaltzen da zein den kontua.
Kode hori ez da berez HD DVD-ak kopiatzeko giltza definitiboa. Sistemak dituen babesetako bat da, besterik gabe, baina hain erraz antzeman izana, eta zenbaki konbinazio soil bat izatea azkenean, agerian geratzen da arazoaren funtsa: euskarri eta gailu informatikoetan, DRM sistemak ezartzeak zer dakarren:
- Industriaren ahaleginak, erabiltzaileen eta sistema informatikoen gaitasuna murriztera dedikatzen dira.
- DRM delakoak Digital Rights Management omen da, Eskubide Digitalen Kudeaketa, baina ingelesez dioten bezala, hone Digital Restrictions Management esatea, Murrizketa Digitalen Kudeaketa.
- Alferrik da DRM. Euskarri digitalean dauden byte-ak kopiatzeko bidea aurkituko dute ordenagailuek, eta giza adimen eta gogoak.
- Zeozer isilarazten saiatzeak bozgorailu efektua izan dezake gaur egunean Interneten.
Erantzun
Sartu