Teknologia albisteak
12

IEB zuzenean jarraitzeko, Web 2.0 hemen benetan

Erabiltzailearen aurpegia
Sustatu - Miramon
2007-05-10 : 12:05

Gaur da Informatikari Euskaldunen Biltzarra, Donostiako Miramongo Parkean. Zuzeneko jarraipena egiteko, backchannel pare bat jarri dituzte. Twitter bidez edo txat batekin. Aitzol Naberan eta Mutilmedia blog bidez ari dira jardunaldia kontatzen.

Orain 10.00ak dira eta Joxe Aranzabal ari da hizketan. Hemendik aurrerako programa hau da:

9:30-11:30

  • WEB 2.0 sarrera. Joxe Arantzabal (Mondragon Unibertsitatea)
  • Interneten izaera aldatzen ari diren formatu eta mikroformatuak. Gorka Julio (Elurnet)
  • Euskara interneteko 36. hizkuntza. Garikoitz Araolaza (Codesyntax, UEU)
  • 11:30-12:00 Atsedenaldia/kafea

Saio PARALELOAK:

WEB 2.0 esperientziak

  • 12:00-12:25 Euskaljakintza: 2.0 irakaskuntzan. Maite Goñi (IKTeroak taldea eta Ordiziako Jakintza ikastola)
  • 12:25-12:50 TOLOSALDEA eta pantailaren atzealdeko estrategia. Iñigo Balerdi (TOLOSALDEA Goimailako LH Institutua)
  • 12:50-13:15 zabaldu.com albistegi kolektiboa Arkaitz Zubiaga (Informatika ingeniaria, UNEDeko hirugarren zikloko ikaslea)
  • 13:15-13:40 Tagzania eta Blogak: bi adibide praktiko. Josu Azpillaga (CodeSyntax)

Software produktuen aurkezpena

  • 12:00-12:25 Ikasys. Naiara Maya eta Ainara Urrutia (Gipuzkoako Ikastolen Elkartea)
  • 12:25-12:50 IMK: Itzulpen-memorien komunitatea. Ibon Aizpurua (Eleka Ingeniaritza Linguistikoa, UEU)
  • 12:50-13:15 CorpEus eta EusBila, amarauna euskarazko corpus erraldoi gisa kontsultatzeko tresnak. Igor Leturia (Elhuyar Fundazioa, UEU)
  • 13:15-13:40 Matxin: gaztelaniatik euskara itzultzeko teknologia software librean. Aingeru Mayor eta Mikel Lersundi (UPV/EHU)

13:45-15:30 Bazkaria

Bigarren hitzaldi-saioa

  • 15:30-16:50 Euskal Herria 2.0. Iratxe Esnaola(Deustuko Unibertsitatea)
  • Web garapen arinerako tresnak: AJAX, Ruby on Rails eta MVC paradigma. Jatsu Argarate (CodeSyntax)

Mahai-ingurua

  • 17:00-18:00 Internet 2.0 hemen eta munduan Patxi Gaztelumendi (Kazetaria, UEU) Aitor Soroa (EHU, UEU) Eneko Astigarraga (Deustuko Unibertsitatea, Codesyntax )

Erantzunak

Iban Arantzabal
2007-05-10 : 13:06

ieb07 tag-arekin sartu du hitzaldiaren aurkezpena Joxek slidesharen . Testua, berriz, scribd.com-en (eib07 tag-arekin). LAster sartuko du faroan http://www.goiena.net/blogak/faroa Hitzaldia serioa, irakurritakoa, eta oso landua. Ederra.


Gorka Juliok egin duen aurkezpen dinamikoa, kamiseta berri eta dotorearekin eta mikrofono korbatero batekin: http://bildu.net/mikromundua/


Eta jarraipen ona eta zehatza bi gune hauetan:


Sustatu
2007-05-10 : 13:15

Hizlari honek ere sarean jarri du berea jada:


jolaus
2007-05-10 : 13:46

Twitter-ek bueltatzen duen mezua:



"Some cat is doing an upgrade to Twitter. Buckle your seatbelts and check back in a few"



Kasualitatea! Gaur eguneratu behar sistema! :(

Iban Arantzabal
2007-05-10 : 15:16

Arkaitzek zabaldu.com zer den azaldu du eta ondo azaldu ere. Bere aurkezpena, datu batzuk, esandakoak... Hemen aurkezpena:


Bisitari asko dituen webgunea dela esan digu Arkaitzek, baina parte-hartze handiagoarekin komnunitate sendoagoa litzatekeela nabarmendu du. Animo! ez egon zain maiatzaren 27ra arte, bozkatu, bozkatu!


Iban Arantzabal
2007-05-10 : 15:45

Trankil asko eta ondo azaldu ditu blogak.com eta tagzania. Ez webguneak nolakoak diren ze horrretarako sartzea besterik ez. Hortik ikasitakoa partekatu du entzuleokin.


  • Blogak.com sinple eta ona dela geratu zait niri

  • tagzaniarena epe luzeko karrera izateaz gain mundu mailako erronka bat. Pentsa, "lau digitoko txekeak" ere hasi dira kobratzen googletik. Interesgarria ez aberastuko direlako CS-n, bai asko ikasiko dutelako.

Geoinfo libreak ere aipatu dira kezka moduan.


Hitzaldi argigarria mapen kontu hau gertutik jarraitzen ez dugunondako.


Ondorioetan: nazioartean lehiatu daitekeela, igartzen dela ez gaudelak Sillicon Valleyin, Gure I&D "benetakoa": estatistikak, webeko marketing birala, erabiltzaileen inputak..., Epe ertain-luzeko karrera dela eta ohar bat: sarea lokalera dator. Nork kukdeatuko du informazio hori?


Horratx lokalean dihardugunondako erronka, diot nik. Gure informazioa gure hizkuntzan eskaintzeko. :-)


A! galderetan esan diote ia googlek edo beste norbaitek tagzania erosteko arriskurik dagoen? Josuk erantzun du arriskua dela ez duela uste... ji, ji, ji.


Iban Arantzabal
2007-05-10 : 15:48

A! goizeko puntu bat bazkaltzera joan aurretik: aurkezleak esan digu web 2.0 aroan gaudenez, papertxo bat betetzeko gure iritzia jarriz. Ba horixe, web 2.0.

ubuntutribe
2007-05-10 : 16:01

Ubuntu Triben ere gure ekarpentxoa egin nahi izan dugu, eta hiru hizkuntzatan paratu dugu IEB07ren inguruko informazioa:
Basque Computer Technicians Meeting 07

Sustatu
2007-05-10 : 16:57

Aitzol Naberan ez dago jada han, eta Twitter IEB 07 ez dabil martxan handiarekin.


Jarraipenak, ordea, jarraitzen du atzeko kanalean, Mutilmedian, eta hemen bertan, Iban Arantzabalek kargatzen dituen erantzunekin.


Iban Arantzabal
2007-05-10 : 18:53

Euskalherria 2.0-k eman zuen zeresana orduko artan. Gaur ere oso ondo laburbildu du Artelekun esan zena Iratxe Esnaolak. Gustatzen zait azalpenak ematerakoan duen karakterra. Berandu heldu naiz eta laburpenik ezin egin, baina entzun dudana gustatu zait.


Jatsu aspalditiik ezagutzen dut. Bueno, musikari moduan gehiago, baina hitzaldi-emale fazeta hau ere ondo kontrolatzen du. Niretzat, ez da erakargarria azaltzen ari den edukia (nire ezinagatik, klaro), baina egongo da oso interesgarria iruditu zaionik. Niretzako letra zopa handiegia nahiz eta dena aurkezpen ordenatu batean eman. Hitzaldian zehar esaten badu jarriko dut lotura aurkezpena non dagoen esateko. Bestela berak erantzun dezala :-) A! Hitzaldiaren gaineko iritziak hitzaldia eman ahala argitaratzen dira: http://bloginfluence.net/popatxat/


Jatsu Argarate
2007-05-10 : 19:14
Iban Arantzabal
2007-05-10 : 20:06

Mahai-ingurua berandu hasi da... bakoitza bere ordenagailuarekin... 200 lagun zain... En fin. Baina hasi da eta bertan daude: Patxi Gaztelumendi, Aitor Soroa eta Eneko Astigarraga.


  • Aitor Soroa: Soft librearen gainean eta batez ere GPL lizentzien eskubideen gainean jardun du. Erronka berriak: batetik DRMak; bestetik Affero lizentziak.

  • Eneko Astigarraga: Teknologiak duen eragin sozialaren gainean-edo egin du berba. Horretarako ez du pprik-edo Keynoterik-edo erabili. PDF batekin jardun du, hori bai, irudi korporatiboa zainduta :-)
    Esan dituen batzuk: web2.0 marka iraunkorra dela eta internet2 eraikitzen hasi da. Aportatzen duen jendea gutxi dela ere aipatu du eta joera moduan erakutsi ditu. Posta zerrendetan ere enbatek parte hartzen du ba? %10 inguruk. Unibertsitate bateko datuak eman ditu eta bogak dira erabilienak, gainontzeko erremintak gutxi erabitzen dira.

Web 2.0ren muga eta joerez berba egiten egon da eta gero web 3.0 aipatu du, eremu ezberdinetan aurreikusten dira posibilitateak eta euskarri ezberdinetara zabalduko da. Etorkizuna, hezkuntza, erakunde eta enpresa mundura ailegatzea izango da.


The future of the Internet II Txostena izan du aipagai amaitzeko.


  • Patxi Gaztelumendi: Zutun!k-eko kamiseta beltza eta mac bat esku artean (gaur askok erabili dute, mac-a, portzierto). Ez dela informatikaria esaten hasi da. Blogean du publikatuta dena eta hiperhitzaldi bat dela esanda ia dena esanda dago. Loturara joan eta listo:http://www.larrabetzu.org/gaztelumendi/

Areto honetan Luistxo hitza aipatu duen lehenengoa izan da azkenengo parte hartu duen hizlari hau. Arraroa ere bazen... Irratia.com-ez jardun du, 2000. urtean jaioa... paleolitikoan.


Kritikatxoa egin dio Jaurlaritza, Aldundi, Miramon... eta bestelako logoak jarri dituztenei. Bingen Zufiria ere aipatu du, eitb24-k jarraipena ez egitea ere kritikatu du... Digitalizazioa hitz hutsa dela aipatu du Patxik. Ez daudela web 2.0n, ez daudela eta WEB hitzean ere... EITBkoak.


Goizean parte-hartzeaz kezka azaldu bada ere Gaztelumendirentzat parte-hartzea ona da. Shangaiko metroan irratia.com entzuten dela esan du nahiz eta Kultura Sailean enteratu ez.


Erabilpena asko erraztu da fanzineen arotik. Gaztetxeen adibideak, Bilboko Ertzaintzaren jokaeraren gaineko bideo bat 1.000 aldiz ikusi dena... Interesgarria da.


Eremu lokalak ahaztuta daudela ere kritikatu du, ez zuntz optikorik, ez wimax-ik... Autogestioa ekarri gura dute eremu lokalera.


Susako Ezpotak (adibide bat ) ere aipatu ditu egin daitekeen adibide moduan, Fermin Muguruzaren webgunea, Joseba Tapiarena, dantzan.com (Patxirendako oso karka den gaia horrelako albistegi batean)...


Race to save basque language. Flickr-en bitartez jaso genuen hainbatek gure fotoak gura zituela. Kaitlin-ek albiste bat egin eta esperientzia polita izan zen munduan gu nola ikusten gaituzten jakitzeko. Nowpuclic-en dago: nowpublic.com


Goraipatu ditu bildu.net , zabaldu.com , galdetu.com ... eta webgune hau Sustatu.com (eskerrik asko).


Salto berri batzuk moduan definitu du Twitter , tagzania ... esaterako.


Ez dakit moduak gustatuko zitzaizkion entzuleari, baina esan duenak ez dauka gezurretik... Zuzena izan da hitzaldian eta mihia trabatzeko beldurrik gabe. Barruko sarean, back chanel-ean, komentatu du HEY_NEKEN izenpetzen duen lagunak::



Teketenek: Patxi WINS!, Brutality Fatality vitality reality...


Klabea aipatu du azkenean Gaztelumendik, noren eta Ibarretxeren hitzak erabiliz: lana, lana eta lana. Hale, lanera ba! :-)


Eneko Astigarraga
2007-05-11 : 21:41

Openofficekin egindako aurkezpena zen nirea, baina gero .pdf-ra pasatutakoa (askotan arazo gutxiago ematen dituelako: ms-office bakarrik dagoela, sare konexiorik ez dagoela, ea...)


Dena dela, inork ikustea nahi badu, aurkezpena nere blogean eta slideshare-n dago.


Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago