ANVren zein zerrenda libratzen dira inpugnazioetatik?
Berria egunkariak hemen kargatutako PDF-aren arabera (hona bertsio arinagoa Scribd-en), Espainiako Fiskal Nagusiak ez ditu Batzar Nagusietarako zerrenda guztiak inpugnatu. Baina Estatuaren Abokatuak, beste batzuk inpugnatu ditu, eta lana osatzen dute bien artean, zirrikitu batzuk utzi arren Bizkaiko eta Arabako Batzar Nagusietan.
Nafarroako Parlamenturakoa inpugnatu du Fiskaltzak (eta ez dakigu Estatuko Abokatuak), eta hiriburuei dagokienez, Iruñea ez omen dute inpugnatu ez batak ez besteak.
Baina Batzar Nagusiei dagokienez zer? Foru Aldundiak eta Diputatu Nagusiak osatzen dituzten hiru probintzietako parlamentu txikiak dira Araba, Bizkaia eta Gipuzkoan, eta haietarako batzarkideak barruti desberdinetan auketatzen dira.
Barruti guztien zerrenda, eta bakoitzean zein herri sartzen den, hemen duzue.
Hauei dagokienez, egoera kontraesankorra da Fiskaltzaren eta Estatuko Abokatuaren artean:
Gipuzkoan lau barruti dira: Donostialdea, Bidasoa-Oiartzun, Oria eta Deba-Urola. Fiskaltzak Oria ez du inpugnatu, baina Abokatutzak bai.
Bizkaian ere lau barruti: Bilbo, Durango-Arratia, Busturia eta Enkarterri. Fiskaltzak lehen biak ipugnatu ditu, eta Abokatutzak Bilbo eta Busturia. Beraz, Enkarterri libratu dira.
Araban, hiru barruti dira: Gasteiz, Araia, eta gainerako koadrilak. Bi aginte organoek Araia inpugnatu dutem, eta beraz, Gasteiz eta beste koadrilen barrutia libratu dira.
Herriz herri, zein da egoera? Batean eta bestean begiratu behar, kontuak atera nahi badituzue:
Erantzunak
Eskerrik asko, Enkarterriak kendu eta Enkarterri jarri dugu jada.
Batzar Nagusietarako barrutien kontua azaltzen duen hauteskunde legearen testua 1987koa da (guk aurkitu dugun dokumentua behintzat), eta handik atera dugu izen okerra.
"Euskal toponimia" erasopean ez dakit, baina Aiararen kasuan kontua da "Araia" beste leku bat dela.
Baina tira, ez zait nahasmena arraroa iruditzen, oraindino euskaldun askorentzako Enkarterri eta Aiara hor nonbait, Espainia alderantz, galduta dagoen mendebalde urrun bat baino ez direlako. Ulergarria da akatsa.
Guztiz ados Xabirekin.
Kontua ez da M.K.-k esaten duen hori.
Kontua da nik ederki dakiela non dagoen eta nola esaten zaion Arrasateri, Leintz Gatzagari, Debabarren eta Debagoien eta Udalatxi, Goierri eta Beterriri, Azkoiti eta Loiolako San Inaziori, bai eta Ernio, Aizkorri eta Txindokiri ere.
Nahiko nuke alderdi horietako biztanleek Enkarterri badenik ere jakingo bazuten. Horrekin, gaitzerdi konformauko nintzake, bai.
Zuzenketa ttiki bat:
Ez da "Enkarterriak" esaten.
Enkarterri esaten da, eta Enkarterriko haranak...
Ondo izan