Sustatu

Sustatu egiten duen CodeSyntax enpresako Mikel Larreategi programatzaileak eta xakezaleak (nazioarteko epaile ere bai) xakeari buruzko kolaborazio sorta egin du aurten Euskadi Irratian. Ale zehatz honetan sarean xakearekin lotura duten plataformen errepasoa egin du, nola jokatu haietan, zer eskaintzen duten... Tartean, Lichess plataforma aipatzen da, zeina euskaratuta dagoen, irudian ikus dezakezuen bezala.

Eibarko ondare historiko-kulturala arduratzen den Egoibarra batzordeak (Eibarko udal erakunde bat han) webgune berria estreinatu du, Eibarko industria-eraikinak, elizak, ermitak, edifizio zibilak eta abarrak dokumentatzen dituena. Eibarko Lekuak / Historia da webgune berria.

Hilabete amaieran bozkatuko den EAEko Hezkuntza Legeari begira, Euskal Herrian Euskaraz-ek (EHE) 10 puntuko proposamena kaleratu du, hizkuntza ereduak (A, B eta D delakoak) gainditu behar direla eta. Itxura guztien arabera, ereduen irautea ekarriko du orain artean PSE-EEk eta EAJ-k adostu duten legeak.

Elhuyarrek garatutako Elia euskarazko itzultzaile neuronal automatikoak ahotsa ere badu orain. Bere web bertsioa probat eta entzun, testu bat itzultzeko eman, orain arte bezala, baina emaitza agertzen denean, bozgorailu aukera ere badugu, emakumezko edo gizonezko ahots aukerekin, klikatu eta itzulpena entzuteko, irudian erakusten den bezala.

Hala nola Wordle eta Berbaxerka, hemen da Hizki.app, euskarazko hitzekin egunero jolasteko moduko sareko app/jokoa. Azaroan egindako Euskal Game Jam joko garapeneko maratoian garatu zen ideietako bat da. Sartu eta jokatu, hori da Hizki.app ulertzeko modu errazena.

ChatGPT-k euskaraz nahiko ondo ulertu eta zerbait erantzuteko gauza badela konturatuta geunden, baina zelako erroreak egiten dituen ere ikusi dugu, errezeta edo instrukzio barregarri hauen kasuan bezala. Kontua da gaitasun hori asko hobetu da 4.0 bertsioarekin (ordainpekoa). Honekin egindako aprobak zabaldu ditu Beñat Erezuma adituak, eta bikainak dira, ahozko funtzionalitatearena bereziki. Sartu eta ikusi.

Iruñe Astiz eta Eneko Oroz twitzlari eta sareetako ekintzaileek ekitaldi bikoitza antolatu dute biharko, Euskararen Eguna izan dela-eta, eta nazioartean euskarazko jardun digitala zabaltzeko asmoz. Bihar abenduak 5, asteartearekin, 22.00etan izango da ekitaldia. Euskarazko emanaldia Astizen https://twitch.tv/ekintaekin streaming kanalean hasiko da eta Orozen https://Twitch.tv/arkkuso kanalean aldibereko ingelesezko emanaldiarekin osatuko da.

Lehengoan aurreratu genuen Durangoko Kabi@ alor digitalak zer dakarren 2023ko edizio honetan, baina gaur tokatzen da Azokaren zifra nagusiez berba egitea. Etzi asteazkenarekin, abenduak 6, hasten da azoka eta abenduaren 10a arte luzatzen da. Ohikoan Ikasle Eguna lehen eguna izaten bazen, oraingoan hori 7a izango da, zubia edo, eta lehen egunean hain zuzen Kabi@ digitala izango da protagonistan. Gainerakoan, 950 nobedade aurkeztuko dira eta 265 kultura ekitaldi ikusi/entzun ahal izango dira 2023ko Durangoko Azoka honetan.

Euskararen Nazioarteko Eguna da gaur, eta aurreko urteetan bezala, agerraldi instituzional eta soziala antolatu du EAEko Lehendakaritzak. Donostiako Tabakaleran egin den ekitaldian, eta bertan aurkeztu den adierazpen instituzionalean, eremu digitalean euskarak izan behar duen presentzia azpimarratu dute bereziki. 

Meme euskaldunak egiteko eta biltegiratzeko Memeka.eus zerbitzuak euskal memeen lehiaketa antolatu du abendurako (hasi da jada eta abenduaren 20an amaituko da). "Abenduan, Memekan, dibertimenduak saria du! Umorea zure indargunea bada, parte hartzeko eta sariak irabazteko aukera duzu. Euskaraz memeak sortzeko zure trebetasuna probatu besterik ez duzu egin behar!

Hitanoa praktikatu eta ikasteko Appa Hi aplikazioak aldaera desberdinekin probatzeko aukerak gehitu ditu azken egunetan. Batetik, Eibarko hitanoa gehitu zaio, eta bestetik Leintz haraneko zenbait herritako formak ere bai: Arrasateko, Aretxabaletako, Eskoriatzako eta Leintz Gatzagako hika lantzeko eta ikasteko aukera. 

Duela bi aste piztu nahi izan zuen eskandalua Covite ETAren biktimen elkarteak, Mikel Albisu 'Antza' Aurizberriko irakurle-taldearen koordinatzaile zela, eta hori ezin onartuzkoa zela. Nafarroako Gobernuak ameto egin eta lan hori babesten zuten udalei eskatu zuen lanetik kentzeko Albisu. Mikel Albisu idazlea da, eta ETAko militante izan zen: kartzelaldia bete ondoren libre da, ez du zorrik justizia sistemekin Frantzian edo Espainian, eta libre behar luke halaber lan egiteko. Salaketen aurrean Aurizberriko irakurle klubak agiri bat kaleratu zuen duela egun batzuk, eta atzo, euskarazko beste hainbat irakurle-kluben izenean, talde hauen koordinatzaile batzuek beste agiri bat kaleratu dute: Bai, Eman bakea literaturari.

Aurreratu genuen bezala, aurtengo 2023ko Durangoko Azokako Kabi@ atal digitala Landakoguneko areto nagusian izango da, eta azokaren lehen bi egunetan kontzentratuko da, abenduaren 6 eta 7an, datorren asteazken eta ostegunean.

Urtebete bete da aste honetan OpenAI enpresak ChatGPT txat adimentsua martxan jarri zuelarik. 3.5 bertsioa euskaraz ulertu eta halamoduz erantzuteko gauza izan dela ikusi dugu urtebete honetan, eta jakin badakigu ordainpeko 4.0 bertsioak euskaraz izugarrizko jauzia egin duela. Hurrengo baterako utziko dugu artikulu hori, Beñat Erezuma aditua medio, baina bitartean, kasu barregarri bat: txiolari euskaldun batek errezetak eskatzea otu zaio, eta benetan desastre barregarria da ChatGPT 3.5-ak erantzuten duena.

Testu hau Ttap aldizkarian audio gisa agertzekoa da, Luistxo Fernandez Sustatuko editoreak grabatuta. Kontatzen dira bertan Eibarren nazioarteko software konferentzia batean lankideekin batera erdietsitako bi lorpen bitxi: batetik dena delakoa Basque Country – Euskal Herrian gertatu dela argi uztea, eta bestetik Eibar Beautiful delako epai orokorra lortu izana

Urteko natura argazki onenen bilduma bat ekarri genizuen lehengoan, eta argi-oilar bat ageri zen nabarmen sarituen artean. Argi-oilarraren argazki hura Arabiar Emirrerrietan zegoen egina, Pertsiar Golkoan, baina hegaztia ez da berez lurralde urrutietakoa: Afrika eta Eurasian zehar zabaldua dago, eta Euskal Herrian ere bizi da, bere gangor ederra ikusiko zenuten agian bazterretan. Eta txori eder honen inguruko jakingarri gehiago ekarriko dizkizuegu albiste honetan, jakitea merezi dute-eta.

Bideak (Kazetaritza atalean) eta Lore Hostoak (Komunikazioan) izeneko podkastek irabazi dituzte aurtengo Rikardo Arregi Kazetaritza Sariak, gaur Andoainen egindako ekitaldian jakinarazi denez. Ekitaldi berean, ohorezko mugarri saria jaso du Menane Oxandabaratzek, Irulegiko Irratiaren sortzaileak.

GetxoBlog topaketaren 15. edizioa izango da bihar Getxon, BiscayTIK fundazioaren egoitzan, eta egitarauaren barruan sari-banaketa bat izango da. GetxoBlog SU Saria jasoko dute, elkarbanatuz, Eibar.org elkarteak eta Sustatu blog / albistegi honek (2001. urtetik hemen matraka ematen!). Eta beste kontu gehiagoren artean, Wikiemakumeok DoNK dokumentalaren pasea (irudia horrena da).

Gaur zortzi, datorren asteko ostegunean (azaroak 30), Greba Feminista Orokorra deitu dute zenbait sindikatuk eta erakunde feministak Euskal Herrirako. "Denon bizitzak erdigunean" leloarekin (grebaren webgunerako domeinu hori bera aukeratu dute), zaintza eskubide kolektibo baten aldeko erreibindikazioa izango da. Honen harira aipagarri, kazetari feministen aldarrikapen bat, atxikimenduak biltzeko zabaldu dutena sarean.

Natura argazkilaritzako lehiaketa bat errepasatu dugu bisual Twitch bidezko zuzenekoan (hau ilustratzeko ekarri dugun otso dantzari horiena adibidez), eta baita bideo/audioak jarri Madonnaren kontzertuetan berriro euskara agertu delako. Ikusgarria eta entzungarria geratu zaigulakoan Segura Irratiarekin egindako kolaborazio saio hau...