Luistxo Fernandez

Maskara jantzita nabil kaletik gaur goizetik. Koronabirusaren krisi honetan, azken egunetako hausnarketa baten ondoren, farmazian erosi etxekoentzat, eta kalea zapaltzekotan horrela irtetea erabaki dut. Atzo bertan, ETB1eko gaueko albistegian esan zuen kazetari batek, denda txinatarrean saltzailea maskaraduna ikusirik, esan zuen bere piezan "maskara ez dela beharrezkoa". Baina begiratu Txina eta Koreako irudiak, hilabete eta erdi da han denak dabiltzala maskararekin.

Bisurtearen egun gakoa dugu gaurkoa, otsailaren 29a. Egutegien logika bihurria lau urterik behin are gehiago bihurritzen duen faktorea. Niri galdetzen badidazue urriak zenbat egun dituen, ez dakit 30 eta 31 diren. Ostera, hemengo taula honetako kalkuluak buruz eta segundu gutxi batzuetan egiteko gauza den pertsona bat ezagutzen dut.

"Datu irekiak eta gizarte-ekintza" gaiaren inguruan ikerketa bat egiten ari dira Deustuko Unibertsitateko ikerketa batean. Doktoradutzako ikasle batek galdera batzuk zuzendu dizkigu, CodeSyntax enpresan dugun ikuspegiaz, eta pertsonalki erantzun dizkiot. Galde-erantzunek interes pittin bat izan dezaketelakoan, honaxe ekarri ditut.

Egunean Behin jokoaren inguruan antolatu dugun Programazio Lehiaketa aurkezten izan nintzen EHUko Informatika fakultatean joan den asteartean (bideoa dago). Adibide sorta bat aurkeztu nien bertaratu ziren 30 lagunei, eta ideia edo bide zehatz baten gainean, Wikipedia-Wikidatatik nola atera datuak, luzeago idatzi nuen jarraian Euskal Wikilarien Elkartearen webgunean. Laburpen bat ekarriko dut hona.

Ez dakit inori interesatuko zaion, baina nik neuk telefonoa nola konfiguratuta dudan azalduko dizuet: ohartarazpenen molestia minimo batera jaisteko modua aurkitzeko buelta batzuk eman dizkiot nire Android mugikorrari, eta metodo jakin batekin gustura geratu naiz azkenean.

Agian zuen etxeetan ere izan da eztabaida hamarkada gaur hasi ote den, edo urtebete itxaron ote behar den 2021. urtera arte. Uste dut gauza bat dela hamarreko bat kontatzen hastea, eta beste bat hamarkada. Beraz, urte berri on eta ongi etorri 2020ko hamarkadara, 20ko urteetera edo hogeiko hamarraldira.

Pedro Sánchezen txioetan #Everybodysland kanpaina hasi zen atzo. Lehen bideo bat izan zen Espainiako Gobernuko ministroena, zein herrialde aurreratua den Espainia. Bigarrena, Procesaren epaiaren ondorengoan, atzerritar batzuena da. Besteak beste eskoziar bat agertzen da honakoa esaten: "Espainian jendeak errespetu handia dio elkarri politikaz hitz egitean; horrelakorik ez da gertatzen Eskozian". Aurpegia behar da gero! eta badaukate batzuek...

Fama dauka hau sinatzen duenak (Luistxo Fernandezek, Sustatuko editoreak) PDF dokumentuak gorrotatzen dituela, halako inkonpatibilitate sakratu bat tarteko, hala nola musulman zintzoak txerrikia arbuiatzen duenean. Fama horregatik edo, duela egun batzuk harritu omen ziren batzuk PDF bat mesedez zabaltzeko eskatu nuela Interneten. Ba ez, kontua ez da PDF bat bere horretan okerra dela. PDF-ak zerbaitetarako balio du, eta oso ondo gainera betetzen du funtzio hori. Baina funtzio horretatik kanpo, komunikaziorako tresna alferrekoa da, eskura beste ezer hoberik ez denean erabiltzekoa, izatekotan. Saiatuko naiz esplikatzen, ez esperantza gehiegirekin ulertuko didatenik.

Bada denboratxo bat pentsatu izan dudala Galesko eta Euskal Herriko IKT alorreko aktibista, zaletu eta politika-eragileek elkartu beharko genukeela elkarren berri zehatzagoa izateko, eta elkarlana lantzeko. Joan den asteko Udaltop-etik jasotako txio batetik berpentsatu dut ideia, eta akaso IKT alorretik zabal daitekeela uste dut, hizkuntzarekin zerikusia duten beste eremu batzuetara.

Arrazoi esoterikoak direla tarteko, alabak Morse ikastea erabaki du. Eta teknika mnemotekniko baten bidez ikasi dituela letrak jakinarazi dit. Azalpen buelta pare bat behar izan nituen metodo mnemotekniko delakoa ulertzeko, baina azkenean harrapatu nuen. Metodoaren funtsa gaztelaniazko hitzak izanik, euskarazko bertsio bat egitea proposatu nion alabari, eta bion artean, udako arratsalde pare batean, osatu dugu euskarazko hitz-zerrenda mnemoteknikoa, Morse ikasteko balio dezakeena.

Bartzelonako gertaerek eragina izan behar dute, derrigor, sezesioaren jokoan. Nola? zaila da asmatzen, eta Kataluniari buruzko beste pronostiko batzuetan okertu naizen bezala, orain ere oker egotera ausartuko naiz. Eta nire ustea da Generalitatea eta aginte independentista legitimatuta eta indartuta irten daitekeela. Bereziki, indar polizial autonomoen, Mossos direlakoen, legitimazioaren bidez.

ElDiario.es agerkari digital espainiarra da euskaldunok gehien txiokatzen dugun erdarazko informazio iturria (Umap-en datuak). Haren zuzendari eta sortzaile Ignacio Escolar Donostian izan da gaur hitzaldi bat ematen, eta Espainiako hedabideen panoramaz hitz egin du. Prentsa idatzia oso lerratua ikusten du eskuinera, independentzia eta irtenbide ekonomikorik gabe, eta aldiz, ElDiario.es ondo ari omen da, bere iritziz.

Goizeko 3ak aldera, esnatu eta bueltaka ohean, zer egin asmatu ezin. Eta, ustekabean, futbol amerikarreko NFLko partidu bat zuzenean telebistan ikusten amaitu dut.

Duela hilabete gutxi Txinari buruzko zientzia-fikzioa irakurri nuen, baina oraintsu, gauza hobea irakurri dut: zientzia fikzio txinatarra. Irakurtzen ari nintzela, albisteak: Alpha Centaurirekin komunikatzeko plan bat teknologo ezagunen partetik. Kontxo, liburuan ere halako zeozer agertzen da eta!

The Martian filmak arrakasta dexentekoa lortu du azken hilabeteotan. Meritu zinematografikoez aparte, jatorrizko eleberriaren tono zientifikoa nabarmendu dute askok. Estilo horretako zientzia fikzioa gustatzen bazaizu, Seveneves eleberria ere gustatuko zaizu akaso, Neal Stephenson-en lanik berriena.

Denboralea dela-eta, euskal hiztunak berriz ere gazteleraz jarduten jarri ditu ETBk kameren aurrean. Protesta egin du horregatik Maialen Lujanbiok, iaz EITBk ustez hartu zuen konpromisoa hautsi delakoan: "Handik gutxira azaldu zuen EiTBk euskaldunen hitzak euskaraz emitituko zituela erdal katean ere, gauza bera elebitan esanarazi gabe." Oker dago Lujanbio. EITBk ez du sekula halako konpromisorik hartu, eta izatez, iaz argitaratutako irizpideekin jarraitzen dute.

Iruditu zait nobedade estrategiko handi bat dagoela EH Bilduk Eusko Legebiltzarreko autogobernuko ponentzian aurkeztu berri duen dokumentuan (PDF). Euskal Autonomi Erkidegoaren burujabetasun aldarrikapen baten parekoa iruditzen zait testuan esaten dena. Eta burujabetasun hori, gainera, Estatu propioa sortzeko baliatu behar dela.

Euskaldunon Egunkariaren 25. urteurrenarekin, duela egun batzuk, egunkari hartan eta Berrian lan egindako hainbat lagun elkartu ginen lehengoan Durangon. Memoria une nostalgikoz bustitzen zaizu horrelakoetan, oroitzen zara gauza on eta kaskarragoekin, eta anekdotekin ere. Eta oroitzapen horietan etorri zait gogora, Egunkariari esker, beste urteurren pertsonal bat daukadala nik ospatzeko: 20 urte Interneten.

Alternatiben Herria jardunaldiko puntu interesgarrienetako bat izan zen "Herrialdeei begirada bat, burujabetza sozialerantz" izenekoa, non atzerriko gonbidatuek (Eskoziatik Cat Boyd, eta Kataluniatik David Fernandez CUP-ekoak) hitz egin zuten Mario Zubiaga euskaldunarekin batera; kronika Mugikaria aplikazioan atera nuen duela bi egun, baina atzo Junts eta CUP taldeek adierazpen zuzen-zuzena kaleratu ondoren, hona ekartzea ere pentsatu dut.

Ekitaldi sorta bati ekin zioten Bilbon duela egun batzuk, eta hilabetero berriztu nahi dute esperientzia antolatzaileek. Social Afterworks hauek La Salve garagardo markak eta Alianzo Internet enpresak sortu dituzte, eta lehenbizikoaren gonbidatua José A. Pérez izan zen, gidoilari, blogari eta komunikatzaile bilbotarra. Hitzaldi horren kronika Mugikarian agertu zen lehenbizi eta orain hemen duzue.