Sustatu

Open Data Science Europa ekimen pribatua da, Europako Batasuneko zenbait erakunderen babesa duena, zientzia eta datu irekien alde biltzarrak eta ekimenak antolatzen dituena. Alderdi geografiko bat dauka bere webguneak, mapa interaktiboen atala, eta horixe komentatu nahi genuen: ikusgarria da benetan.

Badira urte batzuk "Iparra Galdu Gabe" jardunaldiak egiten direla Getxon. Iaz egitekoa zen edizioaren ekitaldi gehienak pandemiagatik kantzelatu behar izan zituzten, baina orain berreskuratu dituzte, maiatz eta ekain artean egiteko.

2020 Postalak Donostian iaz pandemiaren garaian Tabakalera zentroan sortutako gune esperimentala izan zen, "elkar topatzeko, entzuteko eta hitz egiteko (...) pandemia garaian sentitzen ditugun emozioei buruzko narratiba kolektibo bat eraikitzen" laguntzeko. Postal bilketa sinboliko bat egin zuen iaz, baina aurten proiektuak jarraitu du, podkast eran, soinu postalen bidez.

Googlek Woolaroo izeneko tresna garatu eta aurkeztu berri du. Hizkuntza gutxituen aldeko ekimen bezala aurkezturik, adimen artifizialeko ikusmen teknologia lotu dute hainbat hizkuntzatako glosarioarekin. Mugikorrarekin erraz erabiltzen da, eta aproba batzuk egin ditugu. Sustatuko editoreak orain badaki eskularrua tamazighteraz esaten (alemdad) eta artaziak maorieraz (kutikuti). Zuk ere aprobak egin ditzakezu mugikorrarekin https://labur.eus/bularu helbidea irekiz.

Altsasu (Gau hura) film dokumentala amaitzeko, post-produkzioa burutu eta filma borobiltzeko, diru bilketa kolektiboan (crowdfunding egiten) ari dira bere bi bultzatzaile nagusiak, Marc Parramon zinegile katalana (Manlleu, 1977) eta Amets Arzallus idazle eta bertsolaria (Hendaia, 1983); biak dokumentalaren zuzendari gisa arituko dira, plana aurrera badoa.

Mendizaletasuna eta musika batzen dituen eta iaz estreinatu zen Urmuga ekimena aurten ere egingo da: bi aste pasatxo (19 egun), ibilbide bat eginez Euskal Herriko uren banalerroan zehar, ibiliak musikarekin uztartuz. Ibilbide osora apuntatzen ahal zara, egun batekora, edo kontzertu jakin bateko ikusle izan zaitezke. "Errespetua da ezarriko den baldintza bakarra, mendi eta musikarekiko errespetua", dio antolakumtzak.

Laugarren urtez jarraian abian jarri dute Gerediaga Elkarteak eta Durangoko Udalak Sormen Beka egitasmoa; Durango Azokan aurkeztu ahal izateko ekimen bat bultzatu nahi izaten da beka honekuin, eta aurten kultur sorkuntza digitala da sarituko dutena.

Euskarazko herri komunikabide batek, Oñati Irratiak, 30 betetzen ditu gaur. Toki berezia okupatzen dute Oñatiko herri komunikabideek Euskal Herriko panoraman, atipikoagatik. Toki askotan, euskara elkarteen inguruan, udal laguntzarekin, herri komunikabideak sendotu diren bezala (Topagunea etaTokikom egitura paraleloek erakusten duten bezala), Oñatik udal bultzada izan zuen Berbia Oñati ekimena garatu da.

Scroll izeneko enpresa erosi zuen joan den astean Twitterrek, eta horrekin, oraingoz, Scroll-ek eskaintzen zuen zerbitzu interesgarria ixtea gertatu da: Nuzzel albiste agregatzailearen itxiera. Nuzzel ekimen independentea zen 2019a arte, baina harpidetza sistema iragarkigabeak eskaintzen zituen Scroll-ek erosi zuen orduan: Nuzzelek iraun egin zuen aldaketaren garaian, baina oraingo erosketarekin, itxi egin dute, eta erabiltzaileak pixkat galduta geratu dira.

Europako Batasunak ebatzi berri du Applek lehiaren legeak urratzen dituela bere App Store edo aplikazioen dendan, musikarekin zerikusia duten zerbitzuen alorrean bederen. Margarethe Vestager lehiarako komisarioa da Batzordean, eta agerpen publikoan txosten oso baten berri eman du gaur. Europako enpresa batek,Spotifyk, azken urteotan egindako salaketen ondorio da enazpena.

Duela aste batzuk iragarri zuten Ikastolen Elkarteak eta Euskarazko Wikipediak Txikipedia artikuluz aberasteko ekimena. Hauxe zen plana: hainbat ikastolaren artean 250 gehitu Txikipediara, bereziki emakumezkoen biografiak gehitzeko ahalegina eginez (berdintasunaren aldeko asmo hori Wikipedia nagusiaren kezka ere bada, noski). Bi hilabetean, prentsa-oharrez jakinarazi dutenez, markatutako helburua lortu eta gainditu dute 18 ikastoletan parte hartu dute ikasleek.

NFT edo token digital ez suntsigarrien mundua memeekin nola ari den hedatzen aipatu genuen lehengoan, baina hona beste adibide bat konplexuago, harriagarriagoa eta, akaso, interesgarriagoa ere: Zed Run konpainiak antolatu dituen zaldi digitalen lasterketak.

Mixel Berhokoirigoin (Gamarte, Nafarroa Beherea, 1952) laborantza edo nekazaritzako militante abertzalea gaur hil da, 69 urterekin, gaixotasun larri bat ezin gaindituta. ELB sindikatuaren sortzailea izan zen 1982. urtean, eta 2005ean sortu zenetik Euskal Herriko Laborantza Ganberako presidentea, 2015a arte. 

Koronabirusaren pandemiak hamabost hilabete bete dituen honetan, arlo desberdinetako akademiko eta profesionalek egindako gogoeta kolektiboa da Covid-aren Liburu Zuria, euskaraz eta gaztelaniaz aldi berean argitaratu den lan bat. Gaur aurkeztu dute, eta sarean dago jada liburua, PDF eran edo HTML gisa irakurgai.

Landarediak euskal toponimian duen garrantzia ebidentea da. Itsaso eta Itsasondo badaude Gipuzkoako barnealdean, ez da itsasoagatik, itsats edo isats landareari lotutako toponimoak direlako baizik. Zentzu honetan, Eibartik ekimen polita: izen toponimikoa duten herriko auzoetan, izen bereko arbolak eta zuhaixkak landatu ditu aurten udalak.

Aurten ere Herri Urrats presentziala egin ezin, baina Seaskak Ipar Euskal Herriko ikastolen jaia egin nahi du, eta hala antolatu dira bi ekimen: Boga kanpaina batetik, eta 30 herri urrats ttipiago igande honetan hainbat tokitan.

Atzo arratsalde edo ilunabar aldera Gipuzkoako kostaldean eguzkiari erreparatui ziotenek fenomeno bitxi bat ikusi ahal izan zuten:Parelio bat (Parhelio Euskalterm datubasean, Parelio Elhuyarren zientzia eta teknologia hiztegian). Eguzki-begiaren ezker-eskuinetara, bi argi distiratsu, dena eguzkiaren inguruko halo biribil apenas igartzen den baten barruan sartuta.

Blokchain edo bloke-kateen teknologiaren bidez ziurtaturiko elementuen merkatua kriptodirutik NFT-etara hedatu da azken hilabeteotan. NFT edo Token digital ez suntsigarriak, jabetza digitalen salmentarako erabiliak, memeak eta abarrak. Ideia zentzuzkoa ote den zalantzan jartzen dute askok. Disaster Girl memea egin zuen neskak (adin nagusiko jada), meme hori horrela jarri du salgai, adibidez. Saldu nahi duena benetan desastrea ez ote den...

Gaur bete dira 30 urte Udalerri Euskaldunen Mankomunitatea (UEMA) sortu zela. Aizarnazabalen, 1991eko maiatzaren 5 hartan, Udalerri Euskaldunen Eguna antolatzea erabaki zuten, festa eta aldarrikapena uztartuz, eta UEMA osatu zuten lehen 19 udaletako hautetsiek egun hartan egin zuten bilera eta UEMAren sorrerako batzarra.

Eztanda egin bezain pronto desagertzen den meme horietako bat izan zen Wombo.ai delakoaren abestiena martxoan. Baina tira, ekarriko dugu hona Isabel Diaz Ayuso PPkoa, Madrilgo Erkidegoko hauteskundeen irabazle dudabakoa, kantatzen ikusteko.