Sustatu

Iñaki Larrañaga Irizar (Lazkao, 1933), Siadeco ikerketa kooperatiba sortu zuen soziolinguista, hil da gaur. Apaiza eta soziologoa izan zen, geroago euskal soziolinguistikan lan egin duten askorentzat erreferente eta maisu ere bai.

Pandemiak behartutako etenaren ondoren, Kalekak, Lekeitioko Nazioarteko Kale Arteen Jaialdiak bere 31. edizioa egingo du uztail honetan, 12 konpainiaren ikuskizunak Lekeitiora ekarriz. Uztailaren 9tik 11ra izango da Kaleka 2021, ostiraletik igandera.

Txio labur batekin iragarri zuen atzo Gaindegiak bere jarduna eten behar izan duela: "Gaindegiak, bizi dituen zailtasun ekonomikoen eraginez, behategiko jarduerak eten ditu ekainaren 30arekin. Ondorioz, orduz geroztik ez du eduki berririk sortu edota zabalduko."

Mexikoko Golkoko itsasoko petrolio-plataforma baten suteak irudi ikusgarriak eskaini ditu bart gauez. Plataforma bera barik, haren itsas-hondoan dagoen oliobide batek izan omen du ihesa, eta bertatik ihes egin gas edo olioak sutan. Plataforma 400 metro eskasengatik salbatu da, su-zurrunbilotik oso gertu geratu delarik.

Kirol jarduera publikoa aztertzen duen profesionala da Juanma Murua bizkaitarra, eta egindako lan baten aurrerapena erakutsi du aste honetan Twitterren: Ermuan, gizonezkoak zein emakumezkoak lasterka edo paseoan irteten direnean egiten dituzten ibilbide desberdinen konparaketa. Desberdintasuna nabarmena da, gizonezkoak libreki dabiltzala ematen du, hara eta hona; emakumezkoek kontzentratu egiten dituzten beraien ibilbideak.

Kanadak aste honetan bere historiako berorik handiena bizi izan da. Herrialdeko errekorra izan zen astelehenean, 48 gradu Kolunbia Britainiarreko eskualde mendebaldetarrean; eta bertako herri batean, Lyttonen, gainditu zen biharamunean, 49.6 gradu celsius.

oMOrruMU baMAt Ibon RG (Rodriguez) eta Enrike Hurtado musikarien proiektu artistiko-musikala da. Joxan Artze euskal poetaren hitzetan oinarritzen da. Hemen entzun daitezke piezak gaur gaurkoz, eta albuma (binilo eran edo digitalki, liburuxka batekin batera) uztailaren 2tik aurrera Bandcanp plataforman eskuratu daiteke.

Euskarazko (nagusiki Interneteko) eduki interesgarrien zerrenda bat osatu du txiolari batek, Ibai Peña oriotarrak. Sustatu ere aipatu du harian eta artikulua osatu dugu beraz, banitatez, hari horretatik. Eskerrik asko @ibai, konpainia onean jarri gaituzu zerrenda horretan.

Mohameden hitz gutxi batzuekin hunkitu da Ibon Iza txiolaria, eta gu ere hunkitu gara Izaren txio parearekin. Hauxe da Mohameden denda, Igorren (Bizkaia). شكرا Mohamed!!

Done Jakue Bidea Wikipediarako dokumentatzeko ekimen bat abiatu du Euskal Wikilarien Kultura Elkarteak, beste hizkuntza batzuetako wikipediekin batera. Uztailean osatu behar dira artikuluak, eta Donejakue Bidearen 5 etapatan ekarpen esanguratsua eginez gero, zigilu digital bat jasoko duzu. Bidea egiteko beste modu bat, indulgentzien aldetik bestea bezain dohatsu eta efikaza.

Gaur, ekainak 28, Harrotasunaren egunean, amaitu da Ni Naiz Naizena web-seriearen atal argitalpena, Josebe Iturriozen bideoarekin. Trans pertsonen esperientziak jasotzen dituen proiektu honek jarraipen probisional bat du gainera gaurtik aurrera: serieko protagonisten argazki sorta baten erakusketa, gaurtik uztail amaierara arte, Donostiako Tabakaleran.

Gaurdanik, esan genuen bezala, ez da beharrezkoa Hego Euskal Herriko kaleetan, distantzia minimoa egonik, maskara erabiltzea. Maskaren erabileraren arauak izan dira pandemia honetan alderdirik kaotikoenetako bat, politika ofizial eta komunikazioaren aldetik. Ikus ditzagun data batzuk kronologia honetan. 

Gaur zortzi, joan den larunbatean, aurkeztu zuen Kontseiluak, hainbat eragilerekin batera, bere ekimen berria, Batuz Aldatu dinamika. Kontseiluak PDF eran bakarrik banatu zuen dokumentua, eta testu soilera ekartzeko lana hartu dugu. Hain zuzen ere, sinatzaileek konpromisioa hartu dute dokumentuan "jasotako edukia gizarteratzea, ahalik eta herritar sektore zabalenera helaraziz eta horien aldekotasunak lortzeko ahalegina eginez"; eta Sustatu, zeharka, Hekimen elkartearen bidez sinatzaile delarik, ba horra gure ekarpentxoa. Edukia formatu gizarteragarriago batean argitaratu dugu hemen (PDF-a inprimagailuetara bidaltzeko formatua da, hori ere ondo dago, baina testua kopi-pegatu eta pasatzeko, edo mugikorretik kontsultatzeko, HTML edo testu soila hobeto).

1990eko hamarkadaneta Interneteko lehen urteetan, lehen mailako protagonismoa zuen izena zen McAfee. Antibirusaren sinonimo globala zen, eta John McAfee enpresariak sortutako enpresa baten emaitza zen. Sustatuko editoreak gogoan du nola behin semeak mutikotan esan zion, "Macafee izango da Apple-rena, Mac-ak bezala, ezta?". Ez, ez zen Apple-rena, baizik eta, hasiera batean, John McAfee pertsonaia bitxiarena. Kartzelan zen iaztik Bartzelonan, eta ziegan hilda aurkitu dute.

Bihartik aurrera (ekainak 26, larunbata) ez da derrigorra izango kanpoaldean maskara erabiltzea Hego Euskal Herrian, Espainiako Gobernuak joan den astean iragarri eta atzo zehaztu ondoren. Maskara uneoro jantzita eroatea ez da derrigorra izango, baina bai hainbat egoeratan, eta bai izango da derrigorra aldean ale bat eroatea. Eta barrualdeetan, jantzita.

Beste euskal unibertsitate batzuek ere eskaintzen dituzte Euskal Herrian jadanik humanitate digitalen ikastaroak, baina orain UEUk eta EHUk ere halako graduondoko bat sortu dute datorren ikasturterako. UEUren eta EHUren arteko lankidetzan sorturiko ikastegiak, Goimailako Online Institutuak, eskainiko du 2021-2022 ikasturteko ikasketa berri hau.

Arte teknologikoari eta STEAM gaiaren inguruko jardunaldia Donostian antolatzeko deialdi irekia antolatu du Asmoz Fundazioak. Arte teknologikoaren eta haren praktikaren aldeko apustua egiten duten eta lanean edo ikerketan begirada feminista duten pertsonen bila dabil Asmoz Fundazioa, arte teknologikoari eta STEAM gaiaren inguruko jardunaldi baten antolakuntzan parte hartzeko. Jardunaldia 2021eko azaroan ospatuko da, Donostian, eta parte hartzea ordaindua izango da.

Iragarki Laburrak 2008. urtetik martxan dagoen Interneteko proiektua da (orduan .com gisa inauguratua, orain .eus), Berria komunikazio taldearen ekimenez sortua. Urte batzuen buruan, bere ibilbide posiblea testeatzeko eta erabakitzeko, inkeste ireki bat jarri dute sarean. Minutu batzuk badituzu, pasa https://labur.eus/iragarkilaburrakinkesta orritik, eta eman zure iritzia.

Dina Bilbao (Ondarroa, 1960 - Karibe itsasoa, 1997ko ekainaren 24a) pertsonaia osoa izan zen: triatleta, abenturazalea, ekologista eta feminista. Gaur betetzen da bere heriotzaren urtemuga, eta motibo bat iruditu zaigu bere biografia sarean aske dagoela gogoratzeko.

Gu Ere Bai ekimenak Euskal Selekzioen ofizialtasuna aldarrikatzeko eguna antolatu du ekainaren 26an, larunbatarekin, Bilbon. Gizonezkoen futbol selekzioen Eurokoparekin bat egin behar zuen ekitaldiak printzipioz, baina Eurokopako egoitzetatik Bilbo kendu ondoren, erreibindikazioak jarraitzen du.