Sustatu

"Gomendatzen dizut: merezi du!" oporretako gomendioen sariketa jarri dugu martxan Gipuzkoako hainbat Gazteentzako Informazio Zerbitzuk. Eta honen berri zabaltzeko blog bat sortu dugu, www.aizue.com helbidean.

Euskaldunak eta euskalduntzen ari direnak harremanetan jartzeko proiektua jaio da Derion. Proiektu honen atzean Tximintx euskara elkartea, Derioko udala, Txorierriko udal euskategia eta Txorierriko AEK daude.

Beste spam eraso bat, nahiko orokorra dirudiena, eta Sustatun ere jasaten ari garena, pazientzia apur batekin: formularioak (datu-orriak edo kontaktu-orriak) automatikoki betetzen dituzten robotak spam mezu hutsak bidaltzeko e-postaz.

Elhuyar Fundazioak HITZMIX CD-ROM berria kaleratu du, hizkiak eta zenbakiak lantzeko.
Taldean edo bakarka jolasteko balio du CD-ROM honek, eta bost joko ditu: Letren saltsa, Zifren saltsa, Hitz-pasa, Bortz eta Hitz gurutzatuak

Deustuko Unibertsitateak web berritua kaleratu du irailaren hasiera honetan. Berritasunen artean 14 kanal tematikorekin osatutako Deusto.TV dago.

Gaur atseginez aurkeztu nahi dizuet (jada ezagutzen ez duzuenoi) blog euskaldun berri bat. Ahuntzaren Eguerdiko Doministikua (AHED) du izena, eta Patxi Lurra (edo hobe esanda Iñaki Peña) adiskideak sortu du. Patxi blogen munduan beteranoa dela esan dezakegu, eta ziur naiz gauza interesgarriak dituela bertan esateko.

Guztira, 166 emanaldi eskainiko ditu Kultur Errotak aurten. Irail-abendua bitartean, gainera, 63 izango dira. Ikuskizunok Topagunean federatutako 48 euskara elkartek antolatu dituzte. Horrela, 1000. emanaldira heldu ez ezik, 10.000 ikus-entzulerengana ere erraz iritsi da Kultur Errota aurten.

GMail euskaratzeko aukera aipatu genuen atzo, bere gorabeherekin. Ez da hori Googleren e-posta zerbitzuak azken aldian izan duen berrikuntza bakarra. Bi hauek ere aipatzeko modukoak dira: Google Talk zerbitzu berriarekin duen lotura, eta beste e-posta helbide batzuk erabiltzeko aukera.

Tene Mujika literatur lehiaketak guztiz aldatuko ditu bere funtsa eta oinarriak. Batetik, liburu-proiektuak laguntzeko beka bihurtuko da, eta bestetik historia hurbilaz idatzitako lanak (erreportajeak, biografiak, kronikak, elkarrizketak) sarituko ditu.

Liburuak etiketatzeko hiru aplikazio deskubritu nituen atzo. Tag edo etiketak ezarri, sailkatze pertsonal eta kolektiboa egiteko, folksonomia deitu izan duten hori.

Gmail web bidezko eposta (Googlerena) katalanez dago jada. Eta laster euskaraz ere egon daiteke, 53R61 blog euskaldunean irakurri dugunez.

Zein abestik izan du eraginik handiena munduan XX. mendean? Eta Euskal Herrian? Eta arte plastikoetan, zein aukeratuko zenuke? Kontu horiez eta antzekoez inkestak egin ohi dira munduan; zergatik ez Euskal Herrian? Horra gaiaren inguruko zenbait albiste eta proposamen.

Spam + blog = splog. Sareko zaborraren azken adierazpena, beste plaga bat. Spamak aspaldi utzi zuen e-posta (eskatu gabeko publizitate bidalketa), eta blogetara ere iritsi zen, erantzun eta trackback eran. Orain beste urrats bat eman du spamak: blog bihurtu dira spameatzeaileen mezuak.

Ordiziako Jakintza ikastolako IKTeroek PHPWebquest programa euskaratu dute. Euskaratutakoa, gainera, azken bertsioa da (PHPWebquest 2.0), egunotan martxan jartzen ari dena, eta nahiz eta oraindik batzuetan arazotxoren bat eman, lasai asko lanean hasteko moduan dago.

Euskal Blogen Eraztuna, euskal blogariak bildu nahi dituen ekimenaren gunea eguneratu da jada. Berrikuntza handiak ekartzen ditu webgune berri honek. Gune partehartzaileagoa, dinamikoagoa, erabilgarriagoa eta itxurosoagoa. Bere helbide berria eraztuna.com da.

WordPress-Eu euskal WordPress zaleen txokoa da. Eduki Kudeaketa Sistema (CMS) hau gero eta ezagunagoa da, eta euskaldunon artean ere gero eta erabiliagoa. Software librea izateaz gain (GPL, PHP, MySQL), programa honek prestakuntza paregabeak eskaintzen ditu (euskaratuta, theme-ak, plugin-ak, RSS feedak, spam-arekiko babesa, blogroll-ak, aipuak, e-posta bidalketak) eta horregatik agian euskal erabiltzaile gero eta gehiago ditu. Librezale taldearen proiektu honen helburua WordPress zaleei beraien ezagutzak non trukatu ematea da, eta erabiltzaile berrientzako laguntza eskuratzeko erreferentzia lekua izatea.

Herri kazetaritza baino gehiago herritarren oihua. Blogosferan edo wikipedian, informazio zuzenena, hiria urpean geratu ostean erreakzionatzen jakin ez duten agintarien aurrean.

UEUk 2001ean titulazio ofizialen ibilbidea hasi zuenetik bere eskaintza sendotuz eta zabalduz joan da. Aurten Master bat, Espezialista titulu bat eta bi Doktorego programa izango dira UEUk hirugarren zikloan egingo duen eskaintza, guztiak ere EHUk balioztatuta. Hizkuntza-Teknologietan trebatu edo Euskal Herriaren etorkizunaz jabetzea izango ditugu aurtengo irakasgaiak.

Abuztua aprobetxatu du Bizkaiko Foru Aldundiak Bizkaia.net berritzeko. Letra txikitxoa ikusi diogu akaso, baina diseinua erakargarriagoa da, eta RSS jarioa jartzea, puntu ona benetan.

Albiste parea abuztuko gordailutik, Hego Amerikako hizkuntza indigena batzuen inguruan: Ketxua eta Maputxea. Batetik Google ketxueraz dago orain; eta bestetik, Maputxeen artean, Windows sistema eragilea haien hizkuntza ezartzeari ez diotela indigena horiek oso ondo irizten.