Teknofiloen albistegia
9

Berria-ren blogak astelehenean irekiko dira, hilak 17

Erabiltzailearen aurpegia
Idurre Eskisabel - Berria
2005-10-14 : 16:10

Berria.info webguneak astelehetik aurrera izango ditu blogak, eta iruditzen zaigu, gainera, ale politen ekarpena egin ahal izango diogula euskal blogosferari. Besteak beste, Anjel Lertxundik izango du bloga. (erantzun bateko informazioa lehen orrira ekartzea pentsatu dugu, berri honen garrantziagatik)

Besteak beste, Anjel Lertxundik, Mikel Elortzak, Imanol Muruak, Pello Urzelaik, Irene Arraratsek, Jose Mari Pastorrek eta Eneko Bidegainek izango dituzte blogak gurean. Batzuk gai librean arituko dira, baina gehienenak nahiko tematikoak izango dira: alegia, Murua eta Urzelai politikaz arituko dira, Arrarats euskararen inguruan...

Berandu gatoz, baina seguru.

Erantzunak

Luistxo Fernandez
2005-10-14 : 16:24

URL helbideekin joko apur bat eginez, blog horien lehen aprobak sarean ikus daitezke:


  • Mahai jokoan ez du edukirik, bain helbideagatik badirudi Imanol hori Imanol Murua kazetaria izango dela.

  • http://www.berria.info/blogak/lertxundi/ helbideagatik Anjel Lertxundirena hau izango dela ematen du, baina blog izenburuak traza probisionala dauka.

  • Kornerra Mikel Elorzak Euskaldunon Egunkarian zuen eguneroko zutabearen izenburua aukeratu du bere blogerako. Gaur egunean, Bihar Jai atala idazten du igandero, eta badirudi artikulu horiek ere egongo direla blogean.

  • Ipar Haizea Eneko Bidegainena, itxura guztien arabera.

  • Irene Arrarats euskara arduradunarena. Hizkuntzarekin lotutakoak jorratuko dituela dirudi.

  • http://www.berria.info/blogak/mikel/ oraindik landu gabe. Andoni delako batena, berdin.

  • Idurre Eskisabelena Amaren batean. Berria.info Interneteko edizioaren arduraduna da Eskisabel.

  • Konponbidearen leihoa hutsik, baina helbidean pello irakurrita, eta izenburu horrekin, Pello Urzelaik politikaz jarduteko erabiliko duela ematen du. Urzelairen blogak agirien sekzio bat ere badu, bitxi samarra, bandera espainolekin hornitua ;-)


Luistxo Fernandez
2005-10-14 : 17:04

ooooh! ezkutatu dituzte!


Baina, je, je, Pello Urzelairen banderita tu eres roja, banderita tu eres gualda, Flickr-en gordeta daukat nik ;-) ja ja ja


Pello, man in black, barkatuko didazulakoan


pello
2005-10-14 : 18:06

Aupa Luis, bandera horiek ez dira ageri nire blogean, kenduta zeuden, zuri agertzen zaizkizu saltseatzen ibili zarelako. Badakizu ez zaidala batere gustatzen bromarik egitea halako gauza serioekin. Harrera hobea espero nuen zure partetik. Ondo ibili

Pello





sustatu
2005-10-16 : 13:08

Argitasun gehiago Aitziber Arzallusek gaurko Berrian idatzitako
Komunikazioa bizitzen artikuluan:


Bihartik aurrera, boglak irakurtzeko aukera izango da Berriaren webgunean. Urrats handia da. Izan ere, boglak sortzea moda-modan dago hedabideetan. Informazioaren munduan gori-gorian daude blogak.


Berria.info-ko blogetan, iritzia eman eta ekarpenak egiteko bidea zabalik izango du hala nahi duenak. Irakurlearekin harreman zuzenagoa eta interaktiboagoa bultzatzeko formula da, beraz, abiatuko dena. Berezitasun eta berrikuntzekin dator hasiera-hasieratik proposamena. Gaikako blogak izango dira Berriakoak. Musika, euskara, gizartea, pilota, nazioartea, politika, txirrindularitza, generoaren araberako zapalkuntza... Gai horiei buruz hitz egingo dute bloglariek, bakoitzak gehien dakienaz, bere eguneroko jardunaz.


Berriako kazetariak dira bloglari gehienak, baina ez denak; Anjel Lertxundik eta Mikel Elortzak ere leihotxo bana izango dute beren burutazioez, pentsamenduez edo harritu, haserretu, poztu edo beldurtu dituzten kontuei buruz aritzeko.


Eta dozena bat bloglari iragartzen dira biharko ...


iturri
2005-10-16 : 13:57

Azkenean iritsi dira blogak Berriara!!! Zorionak, beraz. Asko poztu naiz, gainera, Anjel Lertxundirena delako horietako bat.


Dena dela, gaur goizean periodikuan ikusi dudanean bloglari hitza, harritu egin naiz. Euskal blogosferan, nik dakidala behintzat, inork ez du hitz hori aipatu orain arte.


Ez dakit blokaren alde egin behar ote den, nahikoa hedatuta baitago jada blog hitza. Bitakora mantentzen duenari blogari edo blogile edo... esatea ondo deritzot, baina bloglari ez, mesedez. Ahoskatzeko zaila iruditzen zait.


Aurreko batean Vilaweb-en irakurri genuen Catalunyako Termcat erakundeak ontzat eman dituela bloc eta blocaire, azken hau egilea izendatzeko.


Alferrikakoa izango da Euskaltzaindiari argibideren bat eskatzea edo presa pizarra sartzea erabakiren bat hartzeko, baina, ea Berria egunkariko norbaitek baduen argibide gehiago ematerik.


> Berriako kazetariak dira bloglari gehienak, baina ez denak; Anjel Lertxundik eta Mikel Elortzak ere leihotxo bana izango dute beren burutazioez, pentsamenduez edo harritu, haserretu, poztu edo beldurtu dituzten kontuei buruz aritzeko.
>
> Eta dozena bat bloglari iragartzen dira biharko ...


Almike
2005-10-16 : 15:42

Berriak erabiltzen duen beste hitz zatarra eta arraroa "boglak" da. Horrelakoak sortzea modan dagoela dio Berriak, baina beti "blogak" entzun dut nik.



Ahoskatzeko zaila da boglak, aukeran blokak edo blogak errazagoak dira, edo sonatuagoak behintzat.





Asier
2005-10-17 : 11:50

Berriak joan zen astean esan zuenez, gaur bertan (astelehena) argitaratuko ziren bere blogak.


Une honetan, behintzat, alperrik joango zara Berriara blog bila. Sarrera-orrian ez dago ez informaziorik, ez lotura zuzenik, ez ezer.


Orain, behin barruan arakatu ezkero, azkenean aurkitu dut baten bat, esate baterako hau edo hau, edo beste hau. Beharbada prentsaurrekoren baten zain daude? Papera eta telebista Interneten aurretik orain ere?


Idurre Eskisabel
2005-10-17 : 12:27

Berandutzen ari garela-eta kexuka ari zaretenontzat BERRIAren blogak ikusgai dituzue jada. Estreinaldi egunak ez dira beti nahi bezain ongi joaten, baina hasieratik goizeko hamarretan abiatzea zen gure asmoa eta hori behintzat bete dugu.


Oraindik ez daude iragarritako guztiak, baina uler ezazue kazetariek jaiegunak eta oporrak desgaraitan hartzen dituztela askotan. Astebeteko epean den-denak izango ditugulakoan goza ezazue bitartean Anjel Lertxundirekin, Mikel Elorzarekin, Irene Arraratsekin, Pello Urzelairekin, Imanol Muruarekin Uriarekin, Eneko Bidegainekin, eta enparauekin.


Sustatu
2005-10-17 : 12:57

Oraintxe bertan argitaratu dute albiste hau


Erantzun

Twitter ikonoa  Facebook ikonoa  Sartu