Software libreari buruzko ikastaroa antolatu dute UEUk eta ASMOZek

Software libreak azken urteetan izan duen garapena izugarria izan da. GNU/Linux sistema, Apache web-zerbitzaria, PHP lengoaia edota MySQL datu-baseen kudeaketa-sistemak arrakastaren izen ezagunenak dira. Mahai-gaineko aplikazioetan oraindik bigarren mailako lehiakide bada ere zerbitzarien munduan lehen mailako protagonista bihurtu dira aipatutako programak eta beste batzuk. Gainera, administrazioek bultzatu nahi dute mugimendu hori eta enpresetan arlo honetako profesionalen falta sumatzen da gero eta gehiago.

Bide horretan heziketaren papera oso garrantzitsua da. UEU eta ASMOZ erakundeek heziketa-arlo horretan dagoen gabeziaz jabetuta, eta formazio ez-presentzialak eskaintzen dituen aukerez baliatuta ikastaro hau diseinatu dute, erantzun zabala izango duelakoan.

Ikastaro honetan landuko diren gaiak punta-puntakoak izango dira:

* Instalazioa; Lizentziak, negozio-eredua, arrakasta izan duten kasuak; Aplikazioak.
* Sistema eragileak: Oinarrizko kontzeptuak: prozesuak, memoriaren kudeaketa eta dispositiboen zein fitxategien kudeaketa.
* TCP/IP Sareak: Oinarrizko kontzeptuak: sare lokalak, IP, TCP, UDP, aplikazioak.
* Sistemaren administrazioa: GNU/Linux. Scripting, oinarrizko komandoak, ingurune-aldagaiak, erabiltzaileak, segurtasun-kopiak, software berria, zerbitzariak, oinarrizko segurtasuna.
* Sarearen administrazioa: Konfigurazioa, sare lokalaren zerbitzuak, Internet/Intranet zerbitzariak.
* Segurtasuna: Oinarrizko kontzeptuak eta praktikak.
* Webgune dinamikoen garapena: PHP eta MySQL.
* Eduki digitalen argitalpena. HTML, XML eta Zope.

Ikastaroaren ikuspuntu praktikoari eutsirik, gertuko tutoretzari
garrantzi berezia eman zaio. Horrez gain, modulu bakoitzean 4 orduko saio presentzial bat egongo da (UEUren Eibarko egoitzan), zalantzak eta ariketak argitzeko, zein praktiken martxa arintzeko.

Nori zuzendua:
* Software librearen inguruan birziklatu nahi diren informatikako profesionalei
* Software librearen inguruan birziklatu nahi diren informatikako irakasleei
* Software librean aritzen direnei, ezagutza eta praktika sakontzeko asmoz
* Praktikaren bidez ikasi duten zaletuei, ezagutza egituratzeko eta orokortzeko asmoz

Ez da gutxienezko titulurik eskatzen.
Ikastaroaren iraupena: 2005eko abendutik 2006ko ekainerarte
Izena-emateko epea urriaren 30ean amaitzen da
Informazioa eta matrikula: www.ueu.org eta www.asmoz.org