Irratien automatizaziorako ZaraRadio programa orain euskaraz
ZaraRadio izeneko doako programa honek ordenagailu bat automatizatzen du irrati igorketarako sistema oso bihurtuz.
Programa honek ordenagailuko soinu fitxategiak zuk nahi bezala erreproduzitzen ditu. Gertakarien bidez nahi duzun ordu zein egunetan ziriak txertatu, ordua esan edo erreprodukzio zerrenda alda daiteke besteak beste. Gainera nahi izanez gero, amaitzen ari den pista eta hurrengoa uztartu egiten ditu eta irabazi kontrol automatikoa ere badu. Bertsio berri honek interneteko irratiekin edo soinu txarteleko lineako sarreratik datorren seinalearekin zuk nahi duzunean bat egitea ahalbidetzen du.
Webgunea http://www.zararadio.com/ da eta euskarazko bertsioa http://www.zararadio.com/idiomas/eu_ES.zip fitxategian duzu.
Proba ezazu doako programa hau!
Zorionak euskaratzeagatik. Bilbo Hiriarako programa baten bila ibili gara iragan hilean, Dinesat-en morrontzapetik askatu nahian, eta Zararadio hau probatu genuen. Donostiako irrati baten webgunean aurkitu genuen. Oinarrizko emisio baterako oso egokia dirudi, Raduga programaren antzekoa baina doakoa. Oker ez banago, hala ere, ez da software librea eta ez dakit nolako lizentzia duen. Taberna batean ere musika programatzeko erabili daiteke.
Guk azkenean aukera gehiago ematen duen beste programa bat aukeratu dugu, Wit 2004 (ordainduzkoa izan arren), eta nahiko ondo dabil momentuz. Zuzenean mp3 formatoan lan egiteko aukera damaigu eta horri esker (eta jarri ditugun ordenagailu berrien abiadurari esker) irratia.com-eko podcast-ak lehen baino arinago eskegi ditzakegu sarean, saioa amaitu eta berehala.