Sustatu

Iban Zaldua Volgako Batelariari (Donostia, 1966) eman diote euskarazko literaturako 2006ko Euskadi Saria Etorkizuna: hamabost ipuin ia politiko lanagatik. Itzulpengintzako atalean Xabier Olarra izan da saritua: Raymond Queneauren Estilo ariketak liburua itzuli du Olarrak.

"Azken hilabeteetan MOODLE inguruan dabilen ingurumaria dela eta interesgarria iruditu zaigu AEKn azken lau urtetan garatu dugun esperientzia baten berri ematea. Uste baitugu gure ibilbidea argigarri eta lagungarri gerta daitekeela honetan hasi nahi duen edonorentzat." Hala hasten du artikulua Andoni Tolosak Karrajua-n ireki duen blog berrian. Hona ekarri dugu hango Creative Commons lizentzia libreari esker.

Netlach jardunaldiei begira, blogarien praktikari buruzko galdetegi bat ikusi dugu zabaltzen sarean, PDF formatuan. Galdetegia eta dei hori euskaraz ere badago, baina Netlach-i buruzko informazioa, gaztelania hutsez. Iaz izandako Netlach 05 ere gaztelania hutsezko ebentoa izan zen, katalanezko ukitu batzuekin.

Nevadako Unibertsitateko (Reno) Euskal Ikasguneko Liburutegiak azken hilabeteetan artxiboan egindako lana azaldu eta aurrera begira dituen helburuen berri eman du: "Euskal Diasporari buruzko ondare dokumentala biltzea, babestea eta zabaltzea izan behar da gure helburu nagusia".

Eusko Jaurlaritzako Kultura Saileko Hizkuntza Politikarako Sailburuordetzak zerbitzu berria eskaini nahi die herritarrei: Elebide, Hizkuntz Eskubideak bermatzeko zerbitzua. Herritarren kontsultak, kexak eta iradokizunak jasotzea izango du helburu, herritarrei babesa ematea eta hizkuntz eskubideak errespetatzeko arazoak dituzten entitateei laguntza espezializatua eskaintzea.

Googleko laborategietako beste bat: Google Kode bilaketa. Kode informatikoan bilatzen du, sarean eskuragai dagoen hainbat software proiektu eta abarretan. Euskarazko terminoak sartuta ere, aurkitzen dira gauzak. Esate baterako, Mila esker bilatzen badugu.

Hezkuntzan, sexu arloa nola irakasten eta ikasten den oso garrantzitsua da gure gizarterako, horregatik azken urteotan arlo hau hobetzeko lanean jardun dute BIZIGAY, EHGAM eta QUEER EKINTZA sexu askapenerako taldeok. Egindako lanaren ondorioetarikoa Bilbao06 Edusex jardunaldiak.

Herri hizkeraren I. Jardunaldiak antolatu ditu Ondarroako Udalak azaroaren 3rako Lore Jokoen egitarauaz bat eginik. Jardunaldian parte hartu nahi duenak izena eman behar du urriak 31 orduko.

Lea-Artibaiko Berbalagunen parte hartzeko euskaldun zaharrentzako deialdia: Euskara alarma gorrian lemapean euskaldun zaharrek Berbalagun egitasmoan parte hartu dezaten lortu nahi dugu. Izan ere, Lea-Artibai eskualdea Euskal Herriko euskaldunena izanda, euskaraz hitz egiteko arazorik ez daudela ematen du.

LITERATURA ESKOLA 2002ko urrian jarri zuen abian Larrabetzuko bihotz bakartien klubak. Orduan irakurtzen ikasi gura genuela aldarrikatu genuen, jakin gura dugula nork noiz non zer zergatik eta zertarako idatzi zuen. Orduan best-sellerrek ez gintuztela asetzen oihukatu genuen, munduko literatura argitaletxe boteretsuenen ilunpeetatik argitara ekarri behar genuela, ez dugula onartuko zer irakurri behar dugun esango digun ebazpen ofizialik. Horri, besteak beste, generitzon irakurlearen parte hartze aktiboa.

Mees eta Sanz jaunari: Ondoko eskutitza idazten dugu, euskal herritarrak garen heinean gure hitza entzutea zilegi dela uste dugulako. Beraz isildu beharreko gutxi eta salatzeko asko dugulako ez gara inoren aurrean mututuko.

Eusko Jaurlaritzak euskarazko ikasmaterial onena sortu duten argitaletxe eta egileentzako "Ixaka Lopez-Mendizabal" eta "Miguel Altzo" sariak banatu zituen irailaren 21ean.

Hizkuntza Politikarako Sailburuordetzak, Eusko Jaurlaritzako sail eta erakunde autonomo guztietan euskararen erabilera planak berrabiarazteko eta oro har, Administrazioan euskarak izan behar duen presentziari bultzada emateko, ekitaldi ofiziala burutu du. Ekitaldia Lakuako Areto Nagusian izan da, baina bideokonferentziaren bidez, Bilbo eta Donostiako egoitzetan ere jarraitu ahal izan da.

2002ko lehen esperientzia baikorraren ondotik, urriaren 12tik goiti eta hiru hilabetez,Nafarroa-Beherean, Kanaldudek telebista parte-hartzaile proiektua berriz abiatzen du. Kultura, kirola eta gizartea nahasiko dituen herritar konzeptu berri honek telebista egiteko eta begiratzeko modu berri bat eskaintzen digu.

Osakidetzaren enplegu eskaintza publikoan copyright kontuekin egin dute topo. Opositoreen lana errazteko, kategoria batean (familiako medikua) 3.000 galdera jarri zituzten sarean. Horietatik 100 hautatuko dira zozketaz oposaketako etsaminan. Baina, nonbait, hiru mila galderetatik mila, heren bat, enpresa batek Interneten zeuzkan copyright eskubideekin babestuta.

UEUren jarduera akademikoaren informazio eguneratua ueu365 blogean jarriko da. Ikastaroen berri era arinean zabaltzeaz gain, blogaren helburua parte hartzea eta interaktibitatea ere bada.

Urriaren 17an, Donostiako Miramongo parke teknologikoa XXI. mendeko enpresa mugikorra deituriko Jardunaldia antolatu dute. Produktu, zerbitzu edo barne prozesuetan berriztatzeko teknología mugikorrek eskeintzen dituzten aukerak ezagutzeko interesa duten enpresaburu eta profesionalei zuzenduta dago.

Aurten, Danbakako epaimahaiak 19 talde aukeratu ditu. 20. taldea ikusle eta irakurleek aukeratu dute Danbaka.com webgunean: Anal Bag talde arrasatearra. Guztira 1.397 lagunek eman dute botoa.

Googlek YouTube erosi du. Azken egunetako zurrumurruak baieztatu dira. 1.650 milioi dolar akzioetan, hori da prezioa. Googlek ere ez zuen zerbitzu txarra bideorako, Google Video, baina Youtuberen popularitatea ikaragarria zen. Alde guztietan daude itsatsita haien bideoak.

Berria egunkarian irakurketa zorrotza eta zehatza egin zion joan den ostiralean Jose Mari Pastor kazetariak, enpresako euskararen kalitatearen ziurtagari ofiziala egin behar omen duen Euskalit-en webguneari.