Teknologia albisteak

Andoni eta Unai Santurtzin

Aitor Etxebarria

2006-11-20 : 19:11

Santurtzin "Bai esan" izeneko euskara taldea sortu da.
Bere aurkezpen publikoa egiteko Santurtziko "Bai esan" euskara taldeak Andoni Egaña eta Unai Iturriaga gonbidatu ditu. Aukera bikaina txapelduna eta txapeldun ordean elkarrekin eta "mano a mano" ikusi, entzun eta dastatzeko.Hitzordua, bihar, azaroak 21, iluntzeko 7 eta erdietan, "Kresala" aretoan (udal euskaltegiaren behealdean)

Berez, bertso-solasaldia izango da. "Bai esan!" elkartearen aurkezpenaren ondoren, bi atal izango digu ekitaldiak. Lehenengoan hitz aspertu lasaian arituko gara Egaña eta Iturriagarekin bertsolaritzarekin eta hizkuntzaren normalizazioarekin lotutako gaien inguruan; ondoren, ohiko bertso-saioa izango da.

"Bai esan" elkartearen aurkezpen publikoa izango da. Jendaurreko aurkezpena ez ezik, ekitaldi honetan elkartean lanean aritzeko gonbidapena luzatu nahi die bertaratuko direnei, santurtziarrei bereziki.