Euskal Y-aren alde eta kontrako webguneak
Euskalduna jauregian inbertsio handiarekin aurkeztu zen Euskal Y-aren komunikazio kanala. Webgune bat da, alegia, Abiadura Handiko Trenaren aldekoa. Proiektu horren kontrakoek ere badituzte webguneak, baliabide ekonomiko gutxiagorekin eginak, baina Interneteko garaietara akaso egokituagoak.
Euskal Y-aren aldeko webgune instituzionalak Eusko Jaurlaritza eta ADIF enpresa publiko espainiarra ditu atzean.
Bi domeinu aurkeztu dira, Euskaly.com euskaraz eta Yvasca.com gaztelaniaz izango zirela pentsa zitekeen, baina batean zein bestean, lehen hitza gaztelaniaz aurkituko duzu, zure hizkuntza hobespena zein dela ere. Azken batean, Euskalyvasca.com domeinua da webgunearen benetako helbidea, eta bi hizkuntza horiez gain, gaztelaniaz ere badago informazioa. Pop-up lehiatilez osatua dago webgunea gehienbat.
Informazio instituzionala da webgunean aurki daitekeena. Herriz herriko ibilbideak ez daude oso zehatz, bereizmen gutxiko PDF sorta batean, marra bat nondik doan ibilbidea, hori da dena.
Horrez gain, bideo mordoxka bat dago, streaming eran ematen direnak. Internet Explorerren bidez ikusi ahal izan ditugu, ez ordea Firefox erabiliz.
Kontrako webguneak
Abiadura Handiko Trena gelditzearen aldeko taldeak ere ari dira bere mezua Internetetik zabaltzen. Ekonomikoki, baliabide gutxiagorekin, baina efektu komunikatibora begira, blogak, Youtube eta 2.0 izendatu daitezkeen beste erraminta batzuekin dabiltza.
AHT Ez Guneak eta Goierriko AHT gelditu! elkarlanak Blogak.com plataforman dituzte blogak. Hauek bezala, Sindominio-n Drupal plataforma batekin gunea duen AHT-ren aurkako asanbladak euskarazko webgunea dute. Sindominio-n dago halaber Txikizioa gelditu bloga, gehienbat gaztelaniaz. Beste blog bat, Mila Arrazoi ez dirudi eguneratzen dutenik.
Interneteko baliabideetara atento dauden webguneak dira hauek. Streaming garesti eta zailak antolatu beharrean, bideoak Youtuben kargatu, eta blogetan eman. Irudiei zabalpena emateko, Flickr. Eta, baten bat, beste tresna batzuekin ere probak egiten ari dira. AHT Ez Gunekoek, Urbina aldeko lanen mapa bat sortu dute Tagzanian, eta lan horien irudi handi bat ere modu mugikorrean jarri dute Maplib aplikazioari esker (hala ere, spam pixka bat jasan dute irudi horretan, etiketa faltsuko puntuak gehitu baititu baten batek).
Erantzunak
2006n urtean bizi gara.
Guk argi dugu gai sozialen inguruan gure desadostasuna agertzeko garaian ezin daitezkela 1978ko tresnak erabili. Une puntual batean ohikoak diren kartel, pankarta eta beraien inguruko "liturgiak" beharrezkoak badira ere, ezinezkoa da une honetan gure egunerokotasunean ditugun baliabide teknologikoak alde batera uztea.
Suizida eta kutrea litzateke.
Gaur bertan yvasca.com-eko alproja hauei Itsasondoko zinegotzi den Danel Etxeberriak atzo Euskalduna jauregian Lehendakariari eskuratu nahi zion testua bidali diegu iradokizunen atalean, azpikaldean jaso dugun erantzun automatikoa dijoakizuelarik.
Ikusten den bezala, euskarako atalean akatsa izateaz aparte, "ditugu", Gmaileko kontu bat darabilte erantzunetarako eposta kontu bezala.
De: euskal Y vasca <euskalyvasca@gmail.com> Enviado por: gmail.com
Para: goierrikoahtez@gmail.com
Fecha: 28-nov-2006 14:32
Asunto: Ibarretxe Jaunari interpelazioa AHT-ren eraikuntza lanen jarraipena egiteko komunikazio kanalaren aurkezpena dela eta
Eskerrik asko Euskal Y trenbidearen komunikazio kanala erabiltzeagatik. Zure mezua dagokion sailari bidaliko zaio eta, hala
badagokio, erantzuna bidaliko ditugu.
Euskal Y. Trenbidea da bidea.
-------------------------
Muchas gracias por acceder al Canal de Comunicación de la Y vasca. Tu mensaje será enviado al Departamento correspondiente y, en su caso, te haremos llegar la respuesta correspondiente.
Y vasca. Es la vía.
Web ataria sortu dutenek ez dute oraindik ere web 2.0 kontzeptua eureganatu: komunikabide demokratiko eta (benetako) parte hartzea bermatzen duena. Euren mezu instituzionalak igortzeko besterik ez dago sortua; zentzu horretan sorpresa handirik ez eman dizueten erantzunarekin. Ez zaie inondik inora ajola herritarrok proiektuaren gainean dugun iritzia, eta okerrena da disimulu barik agerian utzi digutela hasiera-hasieratik. Non dago eztabaida?
Ibarretxe jaunaren hizkuntza faltsu zein anbiguoa erabiltzen du gainera web orriak. Herriak du hitza baina guk ezarritako gaien inguruan besterik ez. Streaming-ean ikus daiteken elkarrizketa gogaikarrian behin eta berriro erabiltzen dira esanahi bikoitzekoak, batik bat gizarte-trenari eta ingurugiroari buruz galdetzen dutenean.
Arrasaten egingo duten sarraskiaren gainean hau diote besteak beste: "Herri hau eta Elorrio lotuko dituen zatian egin beharreko lan garrantzitsunak ... zubiak eta... bide bikoitzeko tunelak izango dira. Lan horiek izango duten eragina ez da izango mota honetako azpiegiturek sortu ohi dutena baino handiagoa.
??????????????!!!!!!!!!!!!!!!!
Politikoen itzulinguruz beteriko lengoaia!
Norbaitek aprobetxatu beharko luke Bernardo Atxaga geurera datorrela, azaltzeko politikoek bere ametsetako Euskal Hiria baino gehiago Euskal Yriburua eraiki gura dutela, eta ingurukoak suburbioak besterik ez gara izango.
Oso interesgarriak loturak, Xap. Zeurea da webgune horietakoren bat? Hala balitz, animatu, eta aurkez ezazu, Sustatun bertan.
/cache/Udako-Ola-2024_1_small_content.jpeg)
> Horrez gain, bideo mordoxka bat dago, streaming eran ematen direnak. Internet Explorerren bidez ikusi ahal izan ditugu, ez ordea Firefox erabiliz.
>
Noiz ikasiko du administrazio publiko honek herritar guztiok aintzat hartzen?
Nik firefox darabilt, estandarra, librea eta euskalduna. Beraz beraien asmoa nigan eragitea bada, tresna gaizki aukeratu dute. Bestela gutxienez begiratuko nukeen, horrela ireki ere ez.