Bertsolari gazteen XIX. Xenpelar Saria
Errenteria-Oreretako Ereintza elkarteak Xenpelar Bertso Eskolaren laguntzarekin XIX. Bertsolari Gazteen Xenpelar Saria antolatu du aurten. Euskal Herri osoko 12 bertsolari gaztek hartuko dute parte (18-24 urte bitartekoak). Bi kanporaketa egingo dira, abenduaren 1ean bata eta abenduaren 5ean bestea. Finala abenduaren 8an izango da.
Kanporaketak Xenpelar Etxean egingo dira 20:00etan, eta doan izango da sarrera.
Finala Niessen Kulturunean izango da 18:00etan.
Kanporaketa bakoitzean sei bertsolari arituko dira eta puntuazioz hiru onenak pasako dira finalera. Beraz, finalean 6 bertsolarik kantatuko dute.
Abenduaren 1ean bertsolari hauek arituko dira: Jon Elizetxe (Gartzain, Baztan) , Manex Agirre (Aramaio), Alaia Martin (Oiartzun), Beñat Gaztelumendi (Donostia), Uxue Alberdi (Elgoibar) eta Unai Muñoa (Lasarte)
Abenduaren 5ean berriz: Arkaitz Oiartzabal (Oiartzun), Aitzol Barandiaran (Ataun), Ander Lizarralde (Oiartzun), Oihana Bartra (Bilbo), Eneritz Zabaleta (Baiona), Haritz Casabal (Pasaia)
Aurreko edizioaren gaineko informazioa esteka honetan duzue:
http://www.errenteria.net/ediciones/oarso2005/4-9.pdf
Erantzun
Sartu