Sustatu

Gaindegiak Laborantza Dosierra argitaratu du, dokumentu historikoa lehenengo aldiz Euskal Herri osoko laborantza datuak bateratzen dituelako eta hauen azterketa estatistikoa egiten duelako.

Dagoeneko martxan dago abenduaren 11tik 14ra presoen eskubideen unibertsitatean antolatutako Ekimen Ibiltariaren webgunea: www.pat-eh.org/ekimenibiltaria.

ETEN (European Teacher Education Network) erakundeak onartu egin du bere baitan HUHEZI, Mondragon Unibertsitatearen Humanitate eta Hezkuntza Zientzien fakultatea, joan den astean nazioarteko hezkuntza sareak jakinarazi zionez Joxemari Egañari.

Udako Euskal Unibertsitateak (UEU) SOFTWAREAREN INGENIARITZA argitaratu du Durangoko azokarako. EHUko Informatika Fakultateko Jose Ramon Zubizarreta Aizpuruk idatzi du liburua.

Badoa hurbiltzen Sustaturen 5. urteurren jaia. Ezagutu nahi duzu Arrasateko Klaustroa abenduaren 13an Sustatuzaleen artean? Izena-eman datu-orri hau betez (jakin nahi dugu zenbat lagun datozen). Era berean, aurrera doa blog mezuen lehiaketa... Aurkeztu diren bezainbeste aurkeztuta, urteurrenera etorri eta iPod bat zozketan irabaztea erraza dago oraingoz.

Sustaturen 5. urteurrena ospatzeko egingo diren ekitaldien artean sariketa ere antolatu dugu. Gaur hasi eta abenduaren 11 aurretik euskarazko blogosferan argitaratzen den blog mezu edo antzeko eduki interesgarriena sarituko du Sustatuk.

Ostiralean hemen azaldutako OpenOffice-rako Xuxen zuzentzailearen albistean, erantzun hari interesgarria sortu da, eta handik jakin dugu, Librezale-n argitaratu dela eta proba egin dutela, Xuxen hau Firefox nabigatzailean ere instalatzen ahal dela. Egin dugu aproba, eta primeran dabil.

Italiako Euskara Kultura Elkarteak ekitaldi aste interesgarria antolatu du Erroman. Joan den larunbatean hasi ziren, baina abenduaren 10a arte daude ekitaldiak: Erroman lagunik baduzu, animatu itzazu. Gaur eta bihar, txalaparta ikastaro eta laborategia. Abenduaren 6an, Aupa Etxebeste Asier Altuna zuzendaria bertan izango dela. Eta gehiago.

Abenduaren 6a, Konstituzio espainiarraren eguna. Uztailaren 14a, frantziar Errepublikaren eguna. Urriaren 12a, Hispanitatearen eguna eta Guardia Zibilaren eguna. Egun esanguratsuak ezbairik gabe, baina norentzat? Nork du zerbait ospatzeko egun hauetan?

Diocesanas-ek jendearen eskura jarriko du bere euskara hutsezko sistema eragilea. Euskararen Egunarekin batera, sistema eragilea eskuragarri egongo da abenduaren 3tik aurrera, Diocesanas-ek horretarako sortutako webgunean: Dinux.org

Hara Urbil merkatal zentruak nola zoriondu nahi dizkigun Gabonak! Euren defentsan esan behar da horrelako asko daudela han eta bakarra dagoela oker, beraz agian euskaraz ez dakien langile baten (edo langile despistatu baten) akatsa besterik ez da... Baina TASFIESCESLIFE jarri izan balu, hala utziko lukete?

Elhuyar Fundazioak ekoizten duen Norteko Ferrokarrilla irratsaioa www.zientzia.net web gunean ere entzun daiteke. Euskadi Irratian emititzen den zientzia-irratsaioaz gain, zientzia eta teknologiak XX. mendean eman zituenei buruzko hainbat erreportaje ikus eta entzun daitezke Multimedia atal berrian

Euskararen Gizarte Erakundeen Kontseiluak Nafarroako aurrekontuak aztertu ditu, hain zuzen ere euskararen normalizaziorako kopuruak. 2007rako aurrekontua 2006koaren jarraipena dela ondorioztatu du Kontseiluak. “Guztiz askiezak dira eta inondik inora ez dute ziurtatuko euskararen normalizazioan pausoak ematea”, salatu du Kontseiluko idazkari nagusiak, Xabier Mendigurenek

2000 gutunetik gora jaso ditu azken 15 urteotan Bergarako Jardun Euskara Elkarteak antolatzen duen Amodiozko gutunen lehiaketak.Maitasun mezuen SMS lehiaketa ere urtetik urtera arrakastatsuago.

Abenduaren 7tik 10era Loiolako Gogarte etxean ospatuko dira 2006ko topaketa musikalak. Oraingoan, Musikosofiaren sortzaile den George Balan bertan izango da eta Bruckner izango da landuko den autorea.

Euskararen Gizarte Erakundeen Kontseiluak ‘Ikasle guztiak euskaldundu: nola? jardunaldietan hezkuntzako hainbat adituekin egindako hausnarketaren ondorioak plazaratu ditu. “Eskolak euskaldun eleanitzak hezi behar ditu”, ondorioztatu du Kontseiluko idazkari nagusiak, Xabier Mendigurenek.

www.berakoudala.net webgunea aurkeztu du Berako Udalak, Eibarko Code&Syntax enpresak egina, Udalerria plataformaren gainean, Zope software librea erabiliz.

Mailuaren odola argitaratu berri du Aingeru Epaltzak (Iruñea, 1960), Erresuma eta Fedea deritzan trilogiaren lehen alea, XVI. mendeko Nafarroara garamatzan fresko liluragarri bat, dokumentazio itzelari eta hizkuntz maisuari kontalari iaioaren trebezia eransten diona.

Azken 15 bat egunetan hor goian dauden bi aukeretako bat azaldu zaizue Sustatun. Frogatu nahi genuen ea non egiten duen errazago klik jendeak: ondo diseinatutako kromo batean ala testu hutsezko lotura elegante batean. Emaitzen arabera, klikatu duten 210 lagunetatik, 120-ek testu hutsezkoa aukeratu dute eta 90-ek kromo grafikoa. Zenbait oker egin ditugu test honetan eta hobeto egin zitekeen, baina emaitzek zerbait adierazten dute behintzat. Eskerrik asko lagundu duzuen guztioi.

Udako Euskal Unibertsitateak (UEU) UNIBERTSITATEA.NET ataria aurkeztu du gaur Donostiako Zientziaren Kutxagunean. UEUrentzat erronka handia den proiektu honen helburua komunitate unibertsitario euskaldunarentzat erreferentziala izango den gunea sortzea da, unibertsitateari buruzko informazioa bildu eta harremanak sustatzeko asmoz.