Sustatu

Sustatuko irudietan erantzunak utz daitezke gaurdanik. Egunean argazki edo irudi bat argitaratzeko ohitura dugu aspalditik, eta weblog honetako ohiko makinariatik aparte zebilen atal hori: jendeak karga zitzakeen argazkiak, baina ez zegoen haietan iruzkinik egiteko aukerarik. Estreinatzeko, Zaldi Eroak joan den astean zer pentsatua eman zigun, eta hortxe dugu iruzkin bat uzteko lehen aukera.

Urtero bezala, AED elkarteak eta Elkar argitaletxeak, Kutxaren laguntzarekin, Jokin Zaitegi itzulpen saria antolatu dute, Literaturako Nobel saridunaren liburu bat euskaratzeko beka moduan emango dena.

Katalanen .cat domeinuaren arrakastak inspiraturik, kanpaina hasi dute Galesen .cym domeinuaren alde. Galeseraz, haien herria Cymru da eta hizkuntza cymraeg. Bestalde, Galizian ere badabiltza .GAL domeinuarekin.

Azken egunotan Gipuzkoako prentsak argitaratu duenez, Donostiako udalak "pasarela" bat eraiki nahi omen du Uliako labarretan, Saguestik Monpaseraino. Horretarako, alde batera utzi dituzte ingurune hori babesteko eta zaintzeko dauden araudi guztiak, udalarenak zein beste hainbat erakunderenak.

2006. urte honetan, historian lehen aldiz, 3 milioiko biztanleriaren muga gainditu dugu Euskal Herrian. Estatistika institutu ofizialek eskainitako datuen arabera (Datuak behin-behinekoak dira. Iturria: biztanleria erroldak eta zentsuak INE eta INSEE) 3.005.670 pertsona bizi gara bertan.

Barakaldoko El Regato ikastetxeko ikasleek irabazi dute Teknoskopioa, asmatzaile gazteentzako ideia-lehiaketa. Sari banaketa ostiralean (azaroak 10) izango da, Donostiako Kutxagunean, 13:00 etatik aurrera.

Euskarabilak, Basauriko Euskaldunon Elkartea, 10 urte bete ditu. Hori dela eta, Basauriko Bertso Eskolarekin batera Bertso emanaldi paregabea antolatu du.

Aspaldian Irakurleen tarteak garrantzia hartzen ari dira gurean. Idazleak pozik joaten dira irakurleengana, irakurleek pozik entzuten dituzte idazleak. Harremana sortzen da, eta garrantzitsuena dena; literaturaz berba egiten da. Irakurlearen tartea izeneko bloga aurkeztera gatoz. (Irakurleen tarte hauek ez dira bakarrik sarean, aurrez aurre ere bai: adibidez, gaur hilak 8, 20.00etan Durangon)

Topaguneak Aiaraldean (Araban) egingo du aurten Ikus-entzunezkoen Rallyaren bigarren edizioa, bertako Euskara Elkarte eta erakundeen laguntzaz. Lehiaketa abenduaren 16an egingo da, eta hamar orduko tartean hiru minutuko bideo-lan bat aurkeztean datza. grabazio eta edizio lanak abenduaren 16an bertan egingo dira, eta gaia ere egunean bertan jakinaraziko da.

Martxan da www.argia.com webgunean Kirolaz Badakit lehiaketa . Lau minutu izango ditu partehartzaileak galderei ongi erantzunez koloretako sei fitxa eskuratzeko. Froga hau gainditzen dutenek 2 lagunentzako arroila jaitsierarako zozketan parte hartuko dute.

Euskara ikasteko saiakera eta esfortzua egin duten altzatarrei beren ahalegina aitortu nahi die Bizarrain kultur elkarteak. Horretarako, 'Euskaldun Berriari Aitortza Altzan' ekimena antolatu dugu.

Santuxu, Txurdinaga, Begoña inguruan Euskal Herrian ditugun blog komunitate lokalei gure auzuneko alea gehitu gura izan diegu. Horrela bada, Mahats Orriak blog komunitatea sortu du Asapala Elkarteak.

Sarea mortu bat da euskarazko informatika eremuko tutorial eta gidei dagokienez. Modu testimonialen bada ere, hona hemen PHP hizkuntzaren euskarazko gida xume bat.

Andoainen atzo izandako mahainguruko kronika bidali digu, antolakuntzaren izenean, bertako euskara teknikari Nekane Goikoetxeak erantzun batean. Handik portadara ekarri dugu. Hala dio Goikoetxeak: 30 bat lagun elkartu ginen atzo Bastero Kulturgunean. Publikoa bi multzotan banatuko nuke: bipuntuzeroren olatuan surfeatzen dabiltzanen kuadrilla eta herritarrak, batez ere ikastetxeetako jendea.

Elgoibarko orainkaria izateko helburuarekin sortu du Elgoibarko Izarra Kultur Elkarteak elgoibarren.net atari digitala. Orain arte BARREN astekaria izan da informazioa zabaltzeko geneukan erreminta, baina, aurrerantzean, papera ez ezik Internet ere aprobetxatuko dugu gure herriko berri emateko.

Zumaiako Baleike.com atarian atal berria gehitu dugu: Musika Zumaian. Bertan herriko taldeen berri emateaz gain, hainbat kanta jarri ditugu mp3 formatuan.

Ostegun honetan Literatur Emailuek badute zer ospatua. 2002ko urtarriletik hona ostegunero e-postaz egindako bidalketetean 250.a izan da aste honetakoa. Ospatzeko bost poetaren errezitala eskaintzen dugu Interneten.

Larunbat honetan egingo da Indarkeria-eza aktiboari buruzko V Jardunaldien lehen ekitaldia. Biktimak, desobedientzia zibila eta gatazkak izango dira aztergai nagusiak.

Iparraldea Andoainen jardunaldien barruan, azaroaren 2an, azkeneko egunean interneti buruzko mahaingurua izango da Bastero Kulturunean: Joxe Aranzabal, Jakes Larre, Iban Arantzabal, Maite Goñi...

Inmigrazioari buruzko 3 ekitaldi antolatuko dira azarorako Urretxun. 60. hamarkadako etorkin uholdea, gaur egun bizi dugun uholdea eta honek eskaintzen dituen erronkak aztertu nahi dira ikuspegi kritiko batetik