Teknologia albisteak

Gure Irratia berriz uhinetan

Erabiltzailearen aurpegia
Juan Etxenike - Antxeta Irratia
2006-12-15 : 12:12

Gure Irratia berriz jarri da martxan gaur ostiralean, abenduak 15. Goizeko 6ak eta erditan usaian bezala ekin diote beraien betiko programazioari. Guztira aste bat eta 2 egun eten ditu bere emisioak Gure Irratiak.

Aurreko asteko asteartean, abenduak 7, sua hartu zuen Lapurdiko euskara hutsezko irratia. Orain dela hilabete batzuk eskuratutako lokala zen. Langileak lokaletik kanpo zeudela gertatu zen, baina lokal guztia kiskalita suertatu zen. Lokala, udalaren eraikin batean kokatuta zen, eta udalak berak eskainitako lokal batetik hasi dira programa berriak.

Suteak eragindako kalteei aurre egiteko, eta lanean jarraitu ahal izateko kanpaina bat bururatu dute Gure Irratiakoek eta jadanik asko dira bere sustengua adierazi dieten elkarte eta pertsonak Euskal Herri osoan. Aurreko asteburuan ehunka herritarrek bere sustengu ekonomikoa eman diote Gure Irratiari, Durangoko azokan jarritako kutxan.

Datozen egunetan ekitaldi eta kontzertu batzuk antolatuko dira Gure Irratiak dituen beharrei aurre egin diezaion.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago