Sareko euskarazko produktuen katalogoa aurkeztu dute
Bizkaiko 26 udaletako Euskara Zerbitzuk sustatuta, SAREKO EUSKARAZKO PRODUKTUEN KATALOGOA aurkeztu da gaur Bilbon. Udako Euskal Unibertsitateak (UEU) osatu, Euskaltelek babestu eta Eusko Jaurlaritza, Bizkaiko Foru Aldundia eta Alkarbideren laguntzaz kaleratu den katalogo honen helburua 16 eta 26 urte bitarteko gazteei Interneten dauden euskarazko produktuak hurreratzea da.
* Sarean Blai: bertan, euskarazko softwarea, baliabideak, blogak euskaraz egiteko tresnak, denbora-pasarako jolasak, txateatzeko guneak, aldizkari elektronikoak eta beste hainbat guneri buruzko informazioa kaleratzen da.
* Ikusi eta Ikasi: atal hau hezkuntzarekin lotutako baliabideen informazioa bideratzen da. Besteak beste, apunteak, liburuak eta ariketak dituzten guneak, datu-baseak eta liburutegietako katalogoak.
Sareko Euskarazko Produktuen Katalogokoak liburuxka formatua du eta CD batekin batera banatuko da. CD-an liburuxkako informazio guztia bilduta dago eta baita, web guneen sareko esteka zuzena, klikatu eta zuzenean sartzeko.
Euskaraz bizitzen laguntzeko asmoz egindako katalogoa Bizkaiko 15 udalerritan banatuko da. Alde batetik, Amorebieta-Etxano, Arrigorriaga, Basauri, Berriz, Etxebarri, Gernika-Lumo eta Markina-Xemeingo 7.000 gazteei bidaliko zaie katalogoa. Bestetik, Alonsotegi, Berango, Enkarterriko Udalen Mankomunitatea, Erandio, Getxo, Gordexola, Urduña eta Uribe Kostako Zerbitzu Mankomunitateak bideratuko dituzte beste 8.800 ale. Guztira, katalogo honen 18.000 ale banatuko dira.
Erantzunak
Katalogoa niri ere oso baliagarria iruditzen zait eta eskuetan edukitzeko desiatzen nago (atzo bertan jarri nintzen harremanetan non lor daitekeen jakiteko). Dena den, honen berri izan nuenean, segituan joan nintzen katalogoaren estekaren bila baina ez nuen inon topatu eta harritu nau honek, egia esan! Gutako askorentzat erabilgarria izan daitekeen ekoizpena formatu itxi batean argitaratzeak (CDa, liburuxka...) epe laburrean desfasatuta gelditzeko arriskua ekar baitezake...
> http://softkat.ueu.org
Ez didazu esango egin duten bakarra UEUren soft katalogoa CD batera pasatzea denik...
Egun on guztioi!
Uxune naiz, UEUko dokumentazio arduraduna eta katalogoan lanean ibili naiz, beste batzuekin batera. Irakurri ditut zuen zalantzak eta ea zertxobait argitu dezakedan.
Katalogoaren ekimena Alkarbideren eskutik bultzatuta etorri da, Alkarbide, Bizkaiko Euskara Zerbitzuen Bilgunea da. Alkarbide etorri zitzaigun enkarguarekin UEUra. Zer nahi zuten adierazi, irizpide batzuk finkatu, garatu eta lanean hasi ginen.
Egia da Internet-ekin lotuta dauden produktuak izanik web gune bat izango litzatekeela hau kaleratzeko gunerik egokiena eta egia da, guk ere badakigu desfasatuta geratuko dela laster baten, jadanik ez badago, baina lehenengo froga zen eta harrera ikusi ondoren bigarren urterako utzi zen hau. Izan ere, katalogo honen egitasmoa urtero kaleratzen den Euskarazko Produktuen Katalogoaren haritik etorri zen (Gabonetarako, umeentzako musika, filmak, aldizkariak, liburuak, informatika eta jostailuen inguruko proposamenak kaleratzen dira katalogo honetan) eta asmoa zen gazteei Internet-en dagoena hurreratzea, esku artean ikusi dezatela sarean zer dagoen, horregatik liburuxka. Liburuxkan, guneen pantailazoak ageri dira, azalpen laburra eta bere helbidea. CD-an berriz, liburuxkan dauden azalpenak eta irudiak azaltzen dira eta estekak, zuzenean guneetara sartzeko.
Beraz, ondo badoa, ekimenaren sustatzaileek aurreikusi dute datorren urtean hau web gune baten kaleratzea.
Bestetik ez, ez dugu Sofkat-en ageri den informazioa CD batera pasatu eta listo. 77 erreferentzi ageri dira eta horietako bat Software Katalogoa da. Daudenak badira eta badakit katalogoan ez daudenak ere badirela. Daudenen artean, blogak egiteko baliabideak, blog komunitateak, softwarea jaisteko guneak (3arrano eta euskalGNU ere ageri dira), jokoak, txat-ak, eta beste hainbat gune.
Eta parte hartu duten udalerriei dagokionez, egitasmoaren berri Alkarbideren bitartez zabaldu zen udalerri guztietara eta parte hartu dute ahal izan dutenak, ondo ikusi dutenak ekimena, ... .
Ez dakit guztia erantzun dudan, beste edozer jakin nahi izanez gero, esan lasai eta ahaleginduko gara erantzuten.
Eskerrik asko zuen arretagatik!
Eta zertarako behar dituzte CDak? Zergatik ez dute web orri bat sortzen zerbitzu horiek katalogatzeko?