Teknologia albisteak
2

Euskal Herriko Ikus-entzunezkoen Rallya, larunbatean Aiarako Kuadrillan

Erabiltzailearen aurpegia
Hedabide Saila - TOPAGUNEA Euskara Elkarteen Federazioa
2006-12-15 : 12:12

Bere garaian iragarri genuen bezalaxe, datorren larunbaterako, abenduak 16, antolatu du Topaguneak Euskal Herriko Ikus-entzunezkoen Rallyaren bigarren edizioa. Guztira, 90 gazte baino gehiago elkartuko dira Aiarako Kuadrillan, 10 orduko epean euskara hutsezko hiru minutuko bideo-lana prestatzeko. 1.500, 1.200 eta 900 euroko sariak egongo dira jokoan.

Deialdiak primerako erantzuna izan du, eta guztira 23 taldek eman dute izena lehiaketan parte hartzeko. Azpiegitura arazoak direla eta, hala ere, haietako 20k baino ezin izango dute lehiatu.

Lehiakideak goizeko 9:00etan hasi eta arratsaldeko 19:00ak arteko epea izango dute hiru minutuko bideo-lana grabatu, editatu eta aurkezteko. Iluntzean, aurkeztutako lan guztien erakustaldia egingo da Laudioko Lanbide Heziketa Udal Ikastetxean, eta jarraian sari banaketari ekingo zaio. Hiru lanik onenek 1.500, 1.200 eta 900 euroko sariak jasoko dituzte eta, iazko esperientzian oinarrituta, giroa primerakoa izango da egun osoan.

Iaz irabazle suertatu ziren lanak youtubera igotzen ari gara uneotan. Igotzen ditugun heinean, hemen aurkituko dituzue ikusgai.

Erantzunak

TOPAGUNEA. Hedabide Saila.
2006-12-15 : 13:10

Kaixo!


Arazo txiki bat egon zen bideoak youtuberatzean, eta testuan agertzen den lotura ez dabil horren ondorioz. Iazko saridunak hemen ikus daitezke.


Bizerotasunaren ajeak!


miren
2006-12-18 : 23:55

> Bere garaian iragarri genuen bezalaxe, datorren larunbaterako, abenduak 16, antolatu du Topaguneak "Euskal Herriko Ikus-entzunezkoen Rallyaren":http://www.topagunea.org/rallya bigarren edizioa. Guztira, 90 gazte baino gehiago elkartuko dira Aiarako Kuadrillan, 10 orduko epean euskara hutsezko hiru minutuko bideo-lana prestatzeko. 1.500, 1.200 eta 900 euroko sariak egongo dira jokoan.

> Deialdiak primerako erantzuna izan du, eta guztira 23 taldek eman dute izena lehiaketan parte hartzeko. Azpiegitura arazoak direla eta, hala ere, haietako 20k baino ezin izango dute lehiatu.

>

> Lehiakideak goizeko 9:00etan hasi eta arratsaldeko 19:00ak arteko epea izango dute hiru minutuko bideo-lana grabatu, editatu eta aurkezteko. Iluntzean, aurkeztutako lan guztien erakustaldia egingo da Laudioko Lanbide Heziketa Udal Ikastetxean, eta jarraian sari banaketari ekingo zaio. Hiru lanik onenek 1.500, 1.200 eta 900 euroko sariak jasoko dituzte eta, iazko esperientzian oinarrituta, giroa primerakoa izango da egun osoan.

>

> Iaz irabazle suertatu ziren lanak youtubera igotzen ari gara uneotan. Igotzen ditugun heinean, "hemen":http://www.youtube.com/view_play_list?p=DE094ABB21B72002 aurkituko dituzue ikusgai.



Ni han izan nintzen parte hartzen beste hiru kideekin. Besteak beste, komentatzea nahi nuen, lanak amaitu osteko proiektuen bolkatzea nahiko fundamentu gutxiz egin zela. Izan ere, kemerek zein ordenagailuek arazo ugari eman baitzituzten; azken orduan identifikatutako akatsen batek eraginda. Horrez gain, laguntzeko zeuden teknikariak erabili behar genuen programaren gaineko zuten ezagutza nahiko eskasa zela esango nuke.



Hala ere, oso esperientzia polita izan genuen; desberdina. Euskal Herriko beste toki bat ezagutzeaz gain, asko ikasi genuen ikus-entzunezkoei dagokionez.

Hurrengo urtean parte har dezazuen animatzen zaituztet!!

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago