Teknofiloen albistegia

Zientzia eta Teknologiaren Corpusa, sarean

Erabiltzailearen aurpegia
Rakel Lopez - Elhuyar Fundazioa · Euskal Herriko Unibertsitatea
2006-12-11 : 18:12

Elhuyar Fundazioak eta EHUko IXA taldeak hizkuntza-baliabide ahaltsu bat garatu dute zientzia eta teknologiaren alorreko euskara ikertzeko. Zientzia eta Teknologiaren Corpusa da, euskarazko lehen corpus espezializatua, eta ostegunetik aurrera, aurkeztuko den egunetik aurrera alegia, sarean egongo da.

Elhuyar Fundazioak eta EHUko IXA taldeak zientzia eta teknologiaren alorreko euskara ikertzeko hizkuntza-baliabide bat garatu dute: Zientzia eta Teknologiaren Corpusa. Euskarazko lehen corpus berezi edo espezializatua da. Corpusa elikatzeko, 1990-2002 bitartean argitaratutako zientzia eta teknologiaren alorreko obrak hartu dira kontuan. Corpus egituratua eta linguistikoki etiketatua da, automatikoki prozesatua, eta 8 milioi hitz ditu, horietatik 1,6 milioi eskuz berrikusita eta zuzenduta daudela. Corpusa www.ztcorpusa.net web gunean kontsultagai egongo da.

Zientzia eta Teknologiaren Corpusa abenduaren 14an (osteguna) aurkeztuko da Elhuyar Fundazioaren egoitzan (Usurbilen) 18:30etatik aurrera. Hizlariak honako hauek izango dira: Ludger Mees (EHUko Euskara Errektoreordea), Itziar Nogeras (Elhuyar Fundazioko zuzendari nagusia), Antton Gurrutxaga (Elhuyar Fundazioa), Xabier Artola (EHUko IXA Taldea) eta Igor Leturia (Elhuyar Fundazioa).

Erantzun

Twitter ikonoa  Facebook ikonoa  Sartu