Sustatu

Irrika.net web guneak gazteentzako bideo-lehiaketa bat jarri du abian. Lanak maiatzaren 31 baino lehen bidali beharko dira, eta irabazleak ordenagailu ultraeramangarri bat jasoko du.

Euskalgnuk informatika librearen zabalpenerako lan mardul bat jarri du sarean: GNU/Linux sistema eragilea nola erabiltzen den argitzen duten 18 bideo, gehienak Gnome mahaigainekoari buruz, eta baita programa zehatzei buruz.

UEUren Ikastetxe Nagusian (Eibarren) WWW BERRI BATEN LEHEN URRATSAK ikastaroa egiteko aukera duzu Maiatzaren 16an (ostirala). Egun osoko saioa izango da.

Portugaleten, Maiatzaren 10 eta 11an emango den III. Folklore Azokaren egitaraua aurkezten dizuet. Espero dot zuen guztokoa izango dala eta bertara hurbildu zaitezela.

Filologoa eta euskaltzaina hil zaigu. Iruña Okako aurkikuntzei dagokiolarik ez da aseptikoa izan, maitasunak eta afektibitateak zuzendu du bere jarrera eta uste dut euskaldun askoren ordezkari bilakatu dela. Beti defendatu du azaldutako euskarazko hitzen jatortasuna eta aintzinatasuna, arkeologoek emandako informazioen arabera, eta aurkakoa demostratzen ez den bitartean.

Hausnartu deitutako sariak antolatu ditu Soziolinguistika Klusterrak. Sari horien helburua euskal soziolinguistika teoriko edota metodologikoaren garapena eta berrikuntza da. 5 sari emango ditu Soziolinguistika Klusterrak 2008an.

2008ko UEUren uda ikastaroak uztailean izango dira hiru kokapenetan, Eibarren (ekainaren 30ean hasita, uztailaren 11a arte), Baionan (uztailaren 14 eta 18aren artean) eta Iruñean (uztailaren 21etik 208ra).

Kerobia pop-rock talde nafarrak sarean jarri du deskargarako libre bere disko berria: Materia Organikoa eta gainerakoak. Diskoa autoprodukzioa da, zirgilu propioarekin eta SGAE-tik kanpo kaleratu da.

EuskoSare-k martxan jarri ditu Euskal gazteriari ahots berri bat emango dieten hainbat foro. EuskoSareko Gasteizko bulegoetan sortu da ideia. Zertaz ari dira Euskal Herriko gazteak? Zeintzuk dira haien kezkak? Galdera horiei erantzun bat eman nahian ibili dira proiektu honen (www.euskosare.org/foroak) koordinatzaileak.

Txosten interegarria etorri zait esku artera. Can't Read, Won't buy: Why Language Matters du izena eta nazioartean web bidez produktuak eta zerbitzuak saltzeko hizkuntza zein inportantea den erakusten du.

Zer gertatu zen 1512. urtean? Agintari espainiarrek badakite, eta herritar askok ere bai, nola osatu zen egun Espainiako Erresuma izenez ezagutzen duguna: indarra, inbasioa, inkisizioa, sorgin ehiza, tortura eta etengabeko bortxa erabiliz, alegia. Portugalekin ezin izan zuten, Andorrarekin ere ez, Gibraltar kendu egin zieten 1713an eta, euskaldunon estatua legitimoa zen Nafarroako Erresuma hankaperatzeko 458 urte behar izan zuten: 1054 Atapuerca – 1512 Nafarroa Garaia.

Maiatzaren 8tik 16ra izango da FANT 2008 Bilboko Zinema Fantastikoaren Jaialdia. Atal Ofizialean, fantastiko eta beldurrezko zine modernoaren filmak lehiatuko dira FANT saria lortzeko.

Euskal Herria Zuzenean festibala Zuberoan iraganen da azken aldikotz, Idauze-Mendin hain zuzen, heldu den ekainaren 27, 28 eta 29an. Kokapen berriaren inguruan ez da oraino komunikatu, baina antolatzaileek lehen-lehenik Zuberotarren behar bezala omentzea dute helburu, bost urtez eskaini laguntzarengatik. Aurtengo behin-behineko egitaraua zabaltzen hasi dira.

Egitura, helburu eta ezaugarri berberekin, baina berrituta datoz Bizkaiko Eskualdeetako Txapelketak. Udazkeneko Bizkaiko Bertsolari Txapelketan bertan ere bada nobedaderik. Euskaldunatik BECra pasatuko da aurten finala.

Mr Shuttleworth jaunak, Ubuntu banaketa kudeatzen duen Canonical software enpresaren zuzendari denak, BBCri egindako elkarrizketa batean esandakoaren harira, Espainiako hezkuntza agintaritzak milioi erdi ordenagailuetan instalatuko du Ubunturen azken bertsioa (8.04). Espainako hezkuntza agintzaritzak software askearen alde egingo du: gurean zergatik ez?

KREA Espresio garaikideak, Caja Vital Kutxako Gizarte Ekintzak bultzatutako kultur proiektuak, www.kreared.com web gune berritua aurkeztu du. Gunea Arabako Creatta.net enpresak egin du. Gune horren helburuak hauek izan dira: informazioaren arkitektura berregituratzea eta edukiak gehitzea, erabilerraztasuna eta erabilgarritasuna hobetzea, multimedia -argazkiak, bideoa, audioa- gehitzea eta erakusleiho digitala irekitzea KREA proiektuko sortzaileentzat.

VI. Tesi Saria abian jarriko du Elhuyar Fundazioak Basque Research web gunearen bidez. 2007an aurkeztutako eta gainditutako zientzia eta teknologiako doktore-tesien laburpenak aurkeztu ahal dira sariketara, eta hiru sari egongo dira jokoan.

Eibarko merkatu plaza zaharra bota zuten, eta haren ordez Errebal Center egin behar ei da. Proiektua saldu edo aurkeztu zenean, hiru dimentsiotako infografia batzuetan espazio zabalak eta eraikin mugatu bat ikusten zen. Orain, bideratu nahi den proiektuan, berriz, espazio huts guztia eta baita inguruko zuhaitz eta espaloiak jaten dituen eraikin askoz ere handiagoa ikusten da beste infografia batean.

Aurtengo San Fermin jaietako kartela, lehiaketara aurkeztu diren bost finalisten artean aukeratuko dute herritarrek. Iruñean erroldatuta egon beharra dago, eta maiatzaren 6a arte dago epea irekita.

Zazpigarrenez Hizkuntz Eskubideen Behatokiak urteko diagnosiaren argazkia egin eta argazki horretan oinarritutako ondorioak atera ditu. “Zazpi urtean kezka areagotuz” esaldiarekin laburbildu ditu Behatokiko zuzendaria den Paul Bilbaok urteko txostenaren ondorioak.