Sustatu

Maiatzaren 27, 28, 29 eta 30ean Umore Azoka ospatuko da Leioan. Mundu osotik etorritako berrogeita hamar konpainiak hartuko dute parte; arte eszenikoen profesionalak izango dira Azokan. Bestalde, ACT Nazioarteko Antzerki Eskolen Jaialdia ospatuko da ekainak 1 eta 5 bitartean ospatuko da, Bilbo eta Barakaldon.

Eurominority elkarteak sinadura bilketa jarri du martxan Interneten, Frantziako hizkuntza gutxituek ere Europako Konstituzioan lekua izan dezaten. Elkarte horrek nahi du Espainiako Gobernuak moduan, Frantziakoak ere eskaera berbera egin dezan.

Gerra eta literaturaz ari gara Larrabetzun, esana dizuegu lehenago ere. Gure kezkak, gure historia, zenbait poema eta gogoetaren bat Linterna Gorria aldizkariaren azken zenbakian batu ditugu. Hilero, 17an plazaratzen dugu zenbaki berri bat, 5 egin ditugu dagoeneko, eta orain arte esku bakarrarekin zenbatu ditugu denak.

Putz-eko arduradunek ofizial egin dute aldizkariaren "heriotza". "Putz aldizkaria: ishiltzeko ordua" izenburua duen idatzi batekin, zenbaki gehiago ez dutela argitaratuko jakinarazi dute. Ohiko "Putz" estiloa duen idatzia irakur dezakezue jarraian.

Hurrengo astean, maiatzaren 24an Iruñean eta, 25ean Gasteizen, Europako Kontseiluko adituek bilerak egingo dituzte Euroitunaren betetze maila ezagutzeko.

Dagoeneko Udako Ikastaroak ate joka ari zaizkigu eta hori dela eta, irekita dago bertan matrikulatzeko epea. Guztira 36 ikastaro antolatu dituzte UEUko sailek; 17 Biarritzen eta 19 Iruñean. Irakasle hoberenak ikasle hoberenen artean!

Epaimahaiak hartu du erabakia. Dagoeneko badira hiru irabazle, baita ikusleen saria ere. Guztiak Nontzeflash Lehiaketaren webgunean daude ikusgai.

Estatuko abokatutzak errekurtsoa aurkeztu du Auzitegi Gorenean. Dioenez, “Herritarren Zerrenda, ilegalizatutako Batasunaren jarraipena baino ez da”. Interneteko webaren informazioa inpugnaziorako aitzakia gisa erabili du Abokatutzak.

Eskalada.net bide bilatzaile berria martxan da dagoeneko. Sekzio berri honen bitartez, bisitariek, Euskal Herriko eskola guztietako bideei buruzko informazioa idatzi ahal izango dute, gainerako guztiekin informazio hori banatzeko. Helburua ahalik eta bide gehienen informazioa lortzea da, baina horretarako eskalatzaileen kolaborazioa beharrezkoa da.

Euskalkidetza elkarteak lan bilatzailea ezarri du sarean. Bai lan bila dabilenari eta bai langilea bilatzen dabilenari zuzendutako zerbitzua eskaintzen du orain gutxi estreinatutako webguneak. Alde batetik, lan eskaintzak kontsultatzeaz gain, lan bila dabilenak curriculuma ezarri dezake on-line; eta bestetik, langilea behar duen enpresak dagokion lan eskaintza argitaratu dezake.

Euskararen Fonoteka izenburupean euskal hiztunei egindako bi mila grabaziotik gora bildu dituzte. Nafarroan erabiltzen diren euskalkiak nagusi badira ere, lapurteraz egindako grabazioak ere badaude. Hizkuntza Politikarako Zuzendaritza Nagusiak, Euskal Kultur Erakundearen laguntzarekin, euskarri iraunkorrean ezarri ditu.

Dualia enpresak bapateko itzulpena goitik behera aldatuko duen zerbitzua jarri du martxan: telefono bidezko itzulpena. Aretxabaletako enpresa honek asmatutako sistema beraiek patentutako tresna batean oinarritzen da: sakeleko telefonoetara konektatzen den biaurikularra.

Euskal Irrati Telebistako (EITB) kazetariek beren jardunean hizkuntzalariei egindako kontsulten erantzunak erabili.com-en argitaratuko dira. Lehenengoz argitaratu ditu EITBk bere hizkuntza-irizpideak.

Interneteko euskal zerrenda beteranoetako batek, helbidez aldatu du. Eibartarrak zerrendak Yahoo Groups utzi, eta software libre eta euskaldunera igaro da, Postaria.com zerbitzura. Era berean, Gmane eta Google Groups 2 zerbitzuen aukera osagarri batzuz baliatzen da zerrendaren antolakuntza berria.

Eusko Ikaskuntzaren Asmoz Fundazioak udararako 5 eta 15 ordu bitarteko Internet bidezko ikastaroak antolatu ditu. Bertan eskuratutako kredituak Euskal Herriko Unbertsitateko aukera askeko kredituez ordezkatu ahal izango dira.

Azken aldian pare bat argazkilariren webguneetan erori naiz, ia kasualitatez, eta horrelako gehiagoren bila hasi naiz. Baina non bilatu?

Joan den barikuan aurkeztu zuten Euskal Lokuzioak Sarean webgune berria. Intza proiektua izenez bataiatua izan da. Euren xede nagusia, euskaldun guztiei euskarazko lokuzioak ezagutzeko eta lantzeko aukera doan eskaintzea da.

Bilboko Lehen Auzialdiko Epaitegi NIP Bilboko ingeniaritza enpresa ikertzen ari da ustez softwarea pirateatu duelako. Baina, nola, software pirata? Eta nork erabiltzen du ba legezko softwarea?

Liburu guztiak abendu atarian kontzentratzen ditugula esan ohi da, baina aurten maiatzean ere ez da pilaketa makala gertatu. Eurijasa meteorologikoaren antzera, egunero ari dira liburu berriak plazaratzen.

Horretan ibiltzen dira gazteak Interneten. Horien ustez, gainera, sareak hiru gauza ditu eskasak: konexio motela, gehiegizko publizitatea, eta birusak. Gehienek ingelesa ikasi dute, erosoago nabigatzeko.