Sustatu

Hauteskunde-kanpainetan Interneten erabiltzen den baliabideetako bat izaten da hautagaiekin txat edo elkarrizketak online egitea. Oraingoetan ere martxan daude. Euskarazko batzuk ere bai. Adibidez, Josu Jon Imaz-ek egingo duena 10.00etatik aurrera, gaur bertan, astelehen goiz honetan.

Zuetako asko ere oporretan egongo zarete dagoeneko, beste batzuek gaur hartuko duzue jai eta egun hauetan lan egitea tokatuko zaionik ere egongo da. Sustatu egiten dugunok opor motz batzuk hartuko ditugu eta apirilaren 4an itzuliko gara albiste gehiagorekin. Opor santu on guztioi!

Informatikako enpresa handiak FairUCE izeneko zerbitzua sortu du, spamaren aurka egiteko. Erreminta horrek spama bidaltzen duten ordenagailuak identifikatuta ditu. Ordenagailu horietatik bidalitako mezuak zuzenean spam sortzaileari berbidaltzen dizkio.

Atzo goizean joan nintzen ARTANDAPEren Korrikari buruzko monografikoa inprentara eramatera, eta tartean dei bat jaso nuen aldizkaria ateratzen duen ABARRAK elkarteko araduradun batena: "Joxe, zenbaki hau azkenengoa da".

Asmoz Fundazioak ingurumenaren inguruan prestatutako ikastaro zikloari hasiera emango dio. Eusko Ikaskuntzaren Asmoz Fundazioak eta Ingurumen Jarduketarako Sozietate Publikoak (IHOBE) antolaturiko ikastaroa Donostian izango da apirilaren 4etik 21era bitartean.

Korrika eta AEkren izenean parte hartu duten guztiei eskerrik beroenak adierazi die Brouardek eta bide batez, barkamenak eskatu ditu AEKren izenean, "arrazoi bategatik edo beste bategatik gure hitza bete barik utzi dugunen aurrean". Edurne Brouardekin batera izan dira AEKren Nazio Batzordeko kide Asier Amando, Ainhoa Castro, Aitziber Sarasola eta Fernan Landaburu, prentsa aurrekoan.

Modako komunikazio tresna, eta Interneteko tresna baliagarria, horiek dira blogak. Eta komunikazio eta eztabaida politikoan ere garrantzia dutela ikusi izan da, 2004ko Kerry-Bush kanpainatik hona. Ba hemen ere bai, eta Ibarretxe.com webguneak prest dauka bere bloga. Izatez, bi blog, bat euskaraz eta bestea gaztelaniaz.

IES UniEibarErmua BHIk, bere Ermuako egoitzan (Ongarai auzoa) UNI ENCOUTER izeneko informatika jardunaldi batzuk antolatuko ditu.

Gaur aurkeztu dute Donostiako Koldo Mitxelenan Trikitrixa Elkartearen Soinuaren Hotsa webgunea. Trikitixak dakarren ondarea transmititu nahi da webgunearekin.

Zurrumurru ugariren ondoren, Flickr-en weblogean egiaztatu dute albistea. Itxura batean, Yahooren barruan egon arren, argazkiak konpartitzeko web zerbitzua ez da desagertuko eta hobetu egingo da. Ikusiko dugu zer gertatzen den Flickr-ekin etorkizunean.

Oraindik konfirmatu gabe dagoen data da, baina horixe dio The Seo Blog-ek zabaldu duen albiste batek. Oraindik beta bertsioan dago GMail eta gonbidapenen bidez funtzionatzen du. Albiste horren arabera, apirilaren 1ean jarriko dute behin betiko bertsioa guztientzako zabalik.

Heldu da Korrika bilbora. Jai handia Bilbon. Lekukoan zegoen mezuan zioen Andolin Eguzkitzak posible dela euskara ikastea: Euskararen kontra esaten zirenak, ikastezina eta oso zaila zela, argudio hutsal eta gezurrezkoak direla ikusi da. Euskaldun izateko aukera hartzen baduzu posible da, horixe dela posible!

Yahoo! 360º izango da weblog zerbitzu berriaren izena. Martxoaren 29tik aurrera hasiko dira probatzen blogak AEBetan, gonbidapena duten pertsonen artean.

Supermerkatura joan beharrean etxetik bertatik erosi eta etxera ekartzen dizute erositakoa. Produktu freskorik ez, baina kontserbak, garbitzeko produktuak, aurrez prestatutako platerak, esnekiak eta beste produktu batzuk eros daitezke. Erregistratu egin behar da erosteko eta ezin da Explorer ez den beste nabigatzailerik erabili.

Kixotea kaleratu zenetik 400 urte bete diren 2005 honetan euskaldunok badaukagu beste mendeurrenik ospatzeke: Lauaxetarena.

Xataka blogak, Addoor publizitate enpresaren laguntzarekin, Nokia 7710 modeloaren publizitate kanpainan parte hartuko du. Blog horretan jarri du Nokiak produktu berriaren iragarkia. Blogak publizitatea egiteko eraginkorrak direla erakutsi nahi dute horrela.

Euskara elkarteen film laburren zirkuituak azken txanpa indartsua egingo du bi egunetan zazpi emanaldi eskainita.

Otsailean eman genuen Sustatun Aurki berrituaren gaineko albistea. Orduan beta fasean zegoen. Gaur aurkeztu dute Donostiako Koldo Mitxelenan Aurki berrituaren behin betiko bertsioa.

"Bidegorriak hizkuntzentzat (Euskarazko komunikazio-esparrua trinkotzeari buruzko burutazioak)" liburu mardula kaleratu berri du Aitor Zuberogoitiak (Etxebarria, 1972). Gaur EHUn kazetaritzako irakaslea da Zuberogoitia, baina urtetan komunikabide askotan lan egina da (Argia, Egunkaria, Bilbo Hiria, Topagunean herri-aldizkarietako koordinatzaile moduan...). Edukiz ez ezik proposamenez ere aberatsa den obraz bi hitz eskatu dizkiogu egileari.

OhMyNews, Hego Koreako kazeta digitalak milaka herritar erreportari bilakatu ditu. Hedabideen iraultza suposatu du webgune horrek. Hala ere, herritarrengandik jasotzen dituzten albiste asko ez dira guztiz zehatzak izaten. Egunkari digital honen sortzailea, Oh Yeon Ho, egun hauetan Espainiar Estatuan dago.